پەیوەندیێن نێڤدەولەتی دناڤبەرا هەرێما کوردستانێ و ئەنقەرە، ئێك ژ خالێن بهێزە ژ روویێن بازرگانی و سیاسی و ئابووری و گەشتوگۆزاری. دیسان سەرەدانا هاکان فیدان وەزیرێ دەرڤەیێ تورکیا بۆ هەرێمێ کارەك گرنگە. ئەڤ هاتنە د ئەڤرۆدا ل هەرێما کوردستانی نە تشتەکێ نوویە ژلایێ تورکیاڤە بۆ دروستکرنا بەلانسەکێ هەماهەنگیێ د پێگەهێ خوە دا. دیسان پشتی سەرکەفتنا ئەردۆغانی و بوویە سەرۆکێ وەلاتێ تورکیا، ژ هەموو روویەکیڤە تورکیا هەولا هندێ ددەت پێگەهێ خوە باشتر بکەت و کار لسەر سەر ئارامبوونا خوە ل سەر ئابوورێ تورکیا هەولدەت پێنگاڤێن نوی باڤێژیت. لەورا هەرێما کوردستانێ یا گرنگە بۆ تورکیا هەم دناڤبەرا چوون و هاتنا بازرگانی هەم ژ روویێ گەشتوگۆزاری. ئەڤە ئەنجامەکێ باشە بۆ هەردوو لایەنان.
ژلایەکێ دیڤە عیراق نەشێت ژلایەنێ ئابووری و سیاسەتا خوە بێ ئێران ب رێڤەبەت. ژبەرکو عیراق ل سەر دەستێ ئێرانی یە وەك لایەنێ شیعی. هەروەکی سوریا ل سەر دەستێ ئێران و روسیایە. ئەڤە ژی ئاریشەیەکە بۆ تورکیا. سیاسەت ژی دانوستاندن و بەرژەوەندی یە. ژلایەکێ دیڤە هەبوونا پەکەکێ ل ڤان چیا و دۆل و نەهالێن ناڤ سنورێ کوردستانێ، ئەگەرەکە کو تورکیا ژبۆ ئارامبوونا خۆ چ سنورا نابینت. ل هەرێما کوردستانێ و ئەنقەرە هێزەکا چەکداری نەڤێت سەر چ سنورا بیت. لەورا تورکیا بۆ سوبەهیا خوە نەڤێت هەولێرێ ژ دەست بدەت وەکو سەنەدەیەك دڤێت ژ هەموو رویەکێ ڤە. دیسان ل ڤێ پێنجشەمبیا بوری 8/ 24 مەسرور بارزانی سەرۆکی حکومەتا هەرێما کوردستانێ، پێشوازی ل هاکان فیدان وەزیرێ دەرڤەی یێ تورکیا کر. دڤێ دیدارێدا وەزیرێ وزە و سەرچاوەیێن سروشتی یێن تورکیا ژی ئامادە بوو. هەردوولا دگەل هندێ بوون کو پەیوەندێن باش و ئەرێنی هەبن و هەرێم وەکو ناوچەیەکا پەرەپێدانا پەیوەندیی دوولایەن هاتنە بەحسکرن. سەرۆکی حکومەتێ جەخت ل گرنگی و بهێزکرنا پەیوەندیان دگەڵ تورکیا کر ل بواری ئاڵوگۆڕی بازرگانی و ئاسانکاریکرن بۆ هاتوچوونا گەشتیاران. دیسان ژلایەکێ دیڤە یا پێدڤی و گرنگە هەنارتنا نەفتا هەرێما کوردستانێ درێکا بەندەرێ جێهان یێ تورکیدا بهێتە کرن و نەهێلانا هەموو ئاستەنگان و وان کێشەیێن تایبەت بڤی بابەتی هەین. چونکی راوەستاندنا هەنارتنا نەفتێ، زیان ب هەموو لایەکێ کەفتیە. هەروەسا ئەڤ پەیوەندییە ژلایەکێ دیڤە زۆرا گرنگە ژلایێ پڕۆژەیێ (ڕێکا پەرەپێدانێ) و گرێدانا وەڵاتێن کەنداڤی و عێراقێ ب تورکیا و جیهانێڤە د رێکا هێلا ئاسنی. حکومەتا هەرێمێ دووپاتی ل وێ چەندێ کریە کو پێویستە ئەنجامدانا ڤی پڕۆژەی ب رەزامەندی و رێکا هەماهەنگیێ بیت دگەڵ هەرێما کوردستانێ و ب شێوەیەكی بیت کو بۆ بەرژەوەندیا گشتی یا هاووڵاتیان و پێکهاتێن جێوازێن عێراقێ بیت. ئەڤ سەرەدانا وەزیری دەرڤە یێ تورکیا بۆ هەرێما کوردستانێ وەك هەرێمەکا گرنگ دبینت بۆ خورتکرنا پەیوەندییان دگەڵ هەرێما کوردستانێ دهەموو بواراندا. دیسان ئەڤ پەیوەندییە تەکەزیێ ل هندێ دکەن کو هەر دوولایەن ل بوارێن ئابووری و بازرگانی و هەماهەنگیێ دلایەنێ ئاسایش و سەقامگیری و ئارامی و بازرگانیێ بۆ عێراق و هەرێما کوردستان و ناوچێ گرنگە و هەرێما کوردستانێ ئێکە ژ وان ناڤەندێن گرنگێن وزێ ل رۆژهەڵاتا ناڤەراست و ب وێ یەدەکێ نەفت و غازا مەزن یا هەی دێ شێت ل سەر سیاسەت و ئابووری ناوچە و جیهانێ کاریگەریا خوە هەبیت. لەورا پەیوەندەییا هەولێرو ئەنقەرە ئێك ژ قۆناغێن هەرە باش و گرنگە.
- نڤیسەر و چالاکڤان
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)
