کۆچا ملیۆنی دێ دەسپێکەت

پشتی سەرهلدانا 1991، مە و گەلەك ژ خەلکێن گوندێن وێرانکری دەست ب ئاڤاکرن و چاندنێ کرەڤە. باش دهێتە بیرا من، هینگێ رووبار و کانی دتژی بوون. گیا و داروبار دهمبز بوون. هەر شەڤ هرچ دهاتە ناڤ گوندی. هەروەسا بەراز و جار ژی گورگ، تویری، رویڤی… هتد. ب رۆژ ژی دەنگێن جۆرێن باڵندەیان تێکەلی دەنگێ ئاڤا رووبارێ گەلیکێ مە دبوون. لێ نوکە نەوەسایە و هەرچەندە ئەم نە بسپۆرێن ژینگەهێنە، لێ پشتراستین کو شەڕی کاریگەری کریە. بەری هەر تشتەکی ژی چەکان و ژ وانا یێن کیمیاوی کو ڤەڕێژا وان دگەل ئاڤا بارانان دچیتە بن ئەردی و ژ کانیان دەردکەڤیت و دچیتە جۆ و رووباران و دهێتە بکارئینان.

دبیت ئەڤە بیت سەدەمێ کێمبوونا بەرهەمێن خوەزایی و گیایێن بوهاری. ژخوە ئێدی کانی و رووبار کێم و هشك دبن، پلەیێن گەرمایێ بلندتر دبن و با ژی پیس دبیت. ژبلی کو چەندین ساڵە هرچ و هندەك جۆرێن ئاژەڵان ل گوندی نەهاتینە دیتن. هەروەسا دەنگێ کەو و باڵندەیان ژی کێمترە، کو دبیت ژبەر بۆمبەباران و ئاگران هندەك جۆر هاتبن کوشتن یان ژناڤبربن. یانژی ژبەر تێکچوونا ژینگەهێ کۆچکربیت. ئەگەر کۆچ ژی نەکربیت و ئەڤ شەڕ و ئاگرە بەردەوام بن، کۆچا ملیۆنی یا جۆرێن ئاژەڵان دێ دەسپێکەت، ژ کێز و خشۆکان بگرە هەتا جۆرێن هرچ و هۆڤان. دئەنجامدا بەلەنسا ژیان و ژینگەهێ ل دەڤەرێ تێکدچیت. لەوما گرنگە بێدەنگ نەبین و دژی ڤێ قڕکرنا ژیانێ راوەستین.

• خودان و سەرنڤیسکارێ (رۆژئارتیکڵ).

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top