زانست تشتەكە و ئایین تشتەكێ دیترە، نابیت زانست ببیتە ئایین و ئایین ببیتە زانست. چونكو گەلەك ژ ھەڤدوو جودانە و ئەڤ تێكھەڵكرنە دناڤبەرا واندا قەدەغەیە. ئایین ب رێکا کەسێن نەخویندەوار پەیدابوویە و زانست ب دەستێن زانایان ھاتیە ئاڤاكرن، ئایین رێیەكا دەسپێكی بوو ب شێوەكێ سادە ل سەر خەلكەكێ سادە ب دوماھی ھات. لێ تشتەکێ نوی جھێ ئایینی گرتیە، ئەوژی پشتی ئەو خەلكێ سادە ھاتیە گۆھڕین و پێشكەفتی و دیتنا وی بۆ ژیانی رۆنتر لێھاتی، ئەوژی زانستە كو ب دەستێ زانایان دروستبوویە و ئەو زانا د بەردەوامن ب پێشخستنا وی زانستی. زانست گەلەگ پێشكەفتیترە ژ ئایینی و ئەڤ چەندە راستییەكە دڤێت دانپێدانێ پێ بكەین و ل خەلكی نەھێتە بەرزەكرن و ڤەشارتن.
ژبەر وێ چەندێ دێ بینی كەسێ ئاییندار كەسەكێ دەسپێكییە و كارێن كەسەكێ دەسپێكی دووبارە دكەت. لەوما پاشەرۆژا وی دیار نینە. چونكو گرێدای تشتەكی یە کو بەری پتر ژ ھزاران ساڵان چێبوویە و وی تشتی كۆپی دكەت و بەردەوامیێ پێ دكەت بۆ پاشەرۆژا خۆ، واتە دووبارەكرنا رابردووی. ئەڤجا دێ بینی كەسێ ئاییندار یێ نە سەركەفتی و پاشكەفتیە و ئەوژی خۆ دنیاسن و ڤێ چەندێ دزانن. ئەڤجا دڤێت مرۆڤ یێ ھشیار بیت دگەل كەسێ ئاییندار، چونكو كەسەكێ توندرەوە، تنێ یەك تشتی دزانیت ئەوژی ئایینە.
ل دوماھیێ، یا پێتڤیە ل سەر كەسایەتیێن ئایینی ڤێ چەندێ بۆ خەلكی دیاربكەن دا كارێ وان نە بیتە فێلبازی، كو ئایین رێیا دەسپێكێ بوو بۆ رێكخستنا پەیدوەندیان دناڤبەرا ژیانا خەلكیدا و دناڤبەرا خەلكی و خودێدا. نھا ئایین ل جڤاکێن پێشکەفتی ب دوماھی ھاتییە و زانستی جھێ وی گرتیە، و ئەو خزمەتا زانستی پێشكێش كری ئایین نەشیایە بكەت. ھەروەسا ئەو خزمەتا زانستی كری بۆ رێكخستنا ژیانا خەلكی د نھادا و د پاشەرۆژێدا ئایینی نەكریە.
• رێڤەبەرێ نڤیسینێ