بیرەوەریا شەش سالیا جینۆسایدا ئێزدیان، هاوار و قرکرنا خەلکێ شنگال کو مەزنترین تاوانێت دژی مرۆڤایەتیێ بوون سەرەخوشیێ ل قوربانیێت جینۆسایدا شنگال دکەین. ل 3/8/2014 ل دەمێ هاتنا تیرۆرستێن داعش، ئیکەم هێڕشا خۆ دەست پێکرن بۆ ناڤ ئاخا شنگالێ بوو. ژبەر ڤێ چەندێ رێژەیەکا کوردێن ئێزدی کەتنه دناڤ دەستێ ڤێ رێکخراوا تیرۆرستی یا ترسناك دا. کوردێن ئێزدی دەربەدەرکرن کەفتنە دبن زولم زۆرداریێ و دەست درێژکرنا سەر وان هەولاتیێن ئێزدی ل شنگالێ دا دژیان، نەچاربوون مال سامان و کشتوکالێ خۆ بجهێلان، بەرەڤ چیایێ ڤه بچن داکو ژیانا خوه ژ زولم و زۆرداریێ پارێزن. هەروەسا ل دەمێ هاتنا تیرۆرستێن داعش بۆ ناڤ ئاخا شنگالێ، ژمارەیەکا کوردێن ئێزدی ژ زەلام و ژن زارۆك و گەنج و کچ، کەفتن بن دەستێ ڤێ رێکخراوا تیرۆرستی دا. ژلایێ وانڤه بکت و کۆم هاتن کوشتن، و بن ئاخ کرن. بازرگانی و دەستدرێژی کارێن نە مرۆڤایەتی دژی ژن و کچێن ئێزدی هاتەکرن. برنا وان بۆ بەرەف (رەقه و تلەعفەر و ئەنبار و مووسل).
ئێکەم پارێزگەهـ ل هەرێما کوردستانێ خوە ل ئاوارێن شنگالێ کرین خودان هاریکاریا برا و خویشکێن خوەیێن ئێزدی کرینە، زۆربەیا قوتابخانا مال و مزگەفتێن خوە بۆ وان ڤەکرین باژێرێ دهۆکێ بوو. زێدەباری ڤێ چەندێ زێدەتر ژ ۱۰۰ هزارا خەلکێ شنگالێ د پارێزگەها دهۆکێ دا پتر ژ ۲۰ کەمپاندا دژین. دابینکرنا هەموو پێدڤیێت سەرەکی یێن ژیانێ بۆ وان هاتن ئامادەکرن. دیسان زۆربەیا لاوێن ئێزدی یێن قەهرەمان رێگریکرن کو تیڕۆرستێن داعش بسەرێ چیایێ بکەڤن چونکی رێکخراوا درنده، ب ناڤێ ئێسلامێ شەر دکرن هیچ بنەما و راستی نەبوون. لێ کوردان بەردەوام بزاڤ کریه پاراستا هاولاتیێن ئاخا خۆ زمانێ خۆ بکەت دژی داگیرکەران. لەورا ئەڤ رێکخراوا توند یا داعش دژێ مرۆڤایەتیێ هاتە شکاندن. ب سەدان کچ کور گەنج و پێرو کال شەهیدبوون. هەروەسا د سالڤەگەرا شەشەمین یا جینۆسایدکرنا شنگالێ پێدڤیە حکومەتا هەرێمێ دگەل حکوومەتا بەغدا دووباره ب هەموو روویەکێ ڤە کار ژبۆ شنگالێ ئاڤا بکەن، ژ هەموو لایەکێ ڤه بهێن پاراستن و دووبارە و ب هیڤیەکا مەزن داخازێ ژ یەزدانێ دلۆڤان دکەین کو ڤەگەریانا گرتیێت ماین بۆ باوەشا کەس و کارێن وان دووبارە ڤەگەرن. ب راستی کوردێن ئێزدی و چونکە (شنگال ئەو برینا کویڕە کو ناهێتە ژبیرکرن).
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)