ھەڤوەڵاتیێن كوردستانێ شایستەی ناسناڤێ قارەمانیێنە

ھندەك كەس دبێژن كو پارتێن دەستھەڵاتدارێن نھو باشترن بۆ كوردستانێ و رزگاركرنا وێ ژ زۆرداریا بەعسیان. لێ ئەز نابینم و نزانم كانێ باشیا وان؟ ئەو پارتێن ل ساڵێن حەفتیان نەشیان خۆ راگرن بەرامبەری بەعسیان و نەشیان كوردستانێ و خەلكێ وێ ب پارێزن ژ حوكمێ بەعسیان. ھەروەسا وان پارتان خۆ گۆری كوردستانێ نەكر و چ سەركردێن وان شەھید نەبوون و ل سەر خۆ قەبوولكرن برەڤن بەرەڤ وەڵاتێ ئیرانێ بچن و خەلكێ كوردستانێ ھێلا دبن زۆرداریا بەعسیاندا. ئەگەر ھێزێن ئەمریكی نەبان بەعسی دا پتر ژ (150) ساڵان حوكمی ل ھەموو عیراقێ كەن و نەڤی و نەڤی چڕكێن بەعسیان دا دەستھەڵاتدارێن عیراقێ و كوردستانێ بن. ئەو راستیا دڤێت بھێتە گۆتن ئەوە كو پارتێن كوردی نە ل ئاستێ پێتڤی بوون كو راوەستن بەرامبەری بەعسیان و شەری دگەل وان بكەن ژبەر ھندێ رڤین و چوونە وەڵاتێ ئیرانێ.

لێ ھەڤوەڵاتیێن كوردستانێ دەست ژ ئەردێ كوردستانێ بەرنەدا و نە رەڤین. خۆ لبەر زوڵم و زۆرداریا بەعسیان گرت د شەڕێ بەعسیان دگەل ئیرانێ كری و چەكێ كیمیاوی بەرامبەر وان بكارئینانی. ھەروەسا خۆ لبەر كارێن رامالینێ و ڤەگوھاستنێ و ئەشكەنجەدانێ دزیندان و گرتیخانانڤە گرت. زێدەباری وێرانكرنا گوندێن وان، ئاھا ئەڤەنە قارەمان و ب دەستێن وان و ب ھاریكاریا ھێزێن ئەمریكی ئاخا كوردستانێ رزگاربوو ل ساڵا (1991)  كو ھەڤوەڵاتیێن ھەر سێ پارێزگەھان (سلێمانی، ھەولێر، دھۆك) دەرفەت دیت ب سەرھلدانێ رابن و كوردستانێ ژ زۆرداریا بەعسیان رزگار بكەن. ھەژی گۆتنێیە د سەرھلدانا ساڵا (1991)دا چ پارتێن (كوردیێن رەڤۆك) بەژدار نەبوون. ژبەر ئەو چەندا ھاتیەكرن ھەر ژ ساڵێن حەفتیان تا ساڵێن (1991)ێ بۆ مە دیاردبیت كو ھەڤوەڵاتیێن كوردستانێ شایستەی ناسناڤێ قارەمانیێنە لێ پارتێن كوردستان ھێلایە ددەستێ بەعسیاندا بێ شەڕ و چووینە وەڵاتێ ئیرانێ شایستەی ناسناڤێ رەڤینێنە.

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top