دهۆکا بێ خودان نەیا رەنگینەBy ئۆمێد حاجی بەرۆشکی - 27/09/2018 9 گەلەک جاران دەمێ مە گوه ل ناڤێ باژێرێ دهۆکێ دبیت ژ لایێ بەرپرسانڤە دێ بێژن (دهۆکا رەنگین)، ئەرێ راستە دهۆک یا رەنگینە؟ یان دهۆک یا بێ خودانە؟ گەلى بەرپرسان هەوە چ بۆ دهۆکێ کریە هەتا یا رەنگین بیت؟ هەڵبەت ژبلى گرفتێن ڤى باژێرى وەک (گرانیا پانزینێ، گرانیا ئەمپێرا کارەبێ، پشتگوهخستنا باژێرێ دهۆکێ ژلایێ خزمەتگۆزارى و پڕۆژەیانڤە). ئەم ژ بەپرسێن پایە بلند ڤەبین و، تەماشەى بەرپرسێن باژێرێ دهۆکێ بکەین، چونکو رێڤەبڕنا ڤى باژێرى ددەستێن واندایە، ئەرێ بەرپرسێن دهۆکێ و رێڤەبەرێن گشتى ل دهۆکێ شیاینە چ بۆ باژێرێ دهۆکێ بکەن؟ (ب مخابنیڤە ژبلى چەند پڕۆژەیێن کو ب تبلێن دەستى دهێنە هژمارتن، چ پڕۆژەیێن دیتر وەک پێدڤى بۆ باژێرێ دهۆکێ نەهاتینە ئەنجامدان). رێڤەبەرێن گشتى ل دهۆکێ ئەو دەستهەڵات نینە کو شیانێن دووڤچوونا پرۆژەیان بکەن، چونکو ب بڕیارا پارتا خۆ لڤینێ دکەن و کاردکەن، هەڵبەت ئەڤێ چەندێ ژى رەنگڤەدانەکا گەلەک نەباش ل سەر هەڤوەڵاتیان دروستکریە، لەوڕا ئەم دێ بێژین دهۆک نەیا رنگینە، ئانکو دهۆک یا بێ خودانە. ل دوماهیێ من دڤێت بێژم، پێدڤیە هەڤوەڵاتیێن دهۆکێ ب ئەڤێ چەندێ رازى نەبن و، ب ئێک دەست داخازا مافێن خۆ یێن رەوا بکەن و، ئەوێ گۆتنێ نەهێلن دەمێ دبێژن هەڤوەڵاتیێن دهۆکێ پلە دوونە پشتى هەولێر و سلێمانیێ. ئەڤ چەندە ژى ب رێیا شۆرەشێن سپى و ب ئارامى دێ هێتە ئەنجامدان یان ژى ب رێیا شۆرەشا دەنگان و، ئێدى دەنگێ خۆ بدەنە کەسێن هەژى بۆ جهێن هەژی.
