نەخوشخانا تەنگاڤيا بەرۆشکێ تا ئەڤرۆ ژى ژبلى چەند پشکنینێن خوينێ، پشکنینێن دەستنڤێژێ، سونەرێ، تيشك و هندەک جاران مفراس نينه. رۆژانه نێزيكى 400 كەسان سەرەدانا نەخۆشخانێ دكەن و ل دەرمانخانێ رێژەیەکا كێم يا دەرمانان هەنە و ل هوڵا چارەسەریێ (أستقبال) نێزيكى 4 تەختان هەنە; نيڤا وان ئیسفەنج ل سەر نينن و نەخۆش ل سەر ئاسنێن ڕەق دهێنە چارەسەركرن. هەروەسال ژوورا ڤەژاندنێ (ئینعاش) بتنى 4 تەخت هەنە ئەگەر زێدەترى 4 نەخۆشێن پێتڤی ب چاڤدێریا چڕببن دهێنە رەوانەكرن بۆ نەخوشخانەیا ئازادی. ئەوژى هەروەك يا بەرۆشکێ; يان بۆ نەخۆشخانێن ئەهلى ژبەرکو نەخۆشخانێن ئەهلى هەمى پێتڤی تێدا هەنە هەمى جۆرێن پشکنینا و هە مى جۆڕێن دەرمانان و پاقژيەكا زۆڕ و سەرەدەریەکا باش و پارەيەكێ گەلەک گران!
ئەگەر ئەز نەچارنەبم ئەز دوو رۆژان ژ ژيێ خۆ كورت ناكەم کو بچمه نەخۆشخانێ! ئەز نەشێم سیستەماتیک بم دجهەکێ بێ سيستەم كارێن خۆ بڕێڤەببەم! ئانكو پلێتبڕ حەتا دەمژمێر 8 و45 خولەک هێژ نە هاتبيت و ئەز دەمژمێر 8 و چارێكەکێ ل وێرێ ئامادەببم و نزانم كا سرا ژكيڤە دەست پێ دكەت! ژبەرکو هەمى يێن بەر پەنجەرێ. ئەز ژی بەرامبەری وان راوستيایمە حەتا جەنابێ پلێتبڕی هاتى و نێزيكى 50 مرۆڤان بەر پەنجەرێ نە و من ديت يێ پشتى من ب چارێكەکێ هاتى پلێتا خۆ بەری من بڕی و ئەز بەرى نيڤەکا وان ئامادەببووم و دوماهيیێ پلێتەكێ بڕم!، دى سيستە ماتيكا خۆهەمیێ دانمە لایەکێ و دێ خۆ ناڤ نەخۆشان ڕاكەم و بەری يێ ژبەرى من هاتى پلێتا خو بڕم و پلێت بڕى گوت: بێهنا خۆ فرەكەن هوين هەمى دێ خلاس بن وهێژ دكتور نەهاتى چوو 9 و نيڤێ بهێت. نەخەتایێن وینە ژبەرکوچ سيستەم نينه، ژبەرکو كەس نينه چاڤدێريا وان بكەت. ئەگەر نۆژدارێ شيرەتكاری حەتا دەمژمێر10 ژى هێشتا نە هاتبيت و نەخۆشەک بهێت بێژیته سكێرتێری ئەز دۆتماما فلان نۆژدارى مه!، ئانكو ئەگەر سوبەهى ئەز هاتمە نەخۆشخانێ ڤە دێ واستەكێ دگەل خۆ ئينم من بڤێت يان نەڤێت!
ئەگەر ئەز بچم تيشكا رەنينێ يان میفراسێ داخواز بکەم بنڤیسم تا دورا من بهێت ب هەیڤان دورا من ناهێت، بەلێ ئەگەر من واستەک دگەل خۆ بر يان ب تلەفۆنەكێ مسۆگەرە هەمان رۆژى دا چێکەم يان ژی پشتى چەند رۆژێن كێم! نۆژدارێ گيرو هاتى بەری دەمژمێر 12 چوو! و دزانيت پشکنین دەمژمێر12 ژی هێژ نەدەرکەفتینە ئەرێ دێ نەخۆش چ كه ت؟ نەخۆش ژی ل دەوروبەرێن دهۆكێ یێ هاتى دێ شێت رۆژەكا دى بهێته ڤه؟ نەخۆشێ بێ چاره و خودان داهاتەكێ كێم نەچاردكەن ئێڤاری سەرەدانا كلينيكێن تايبه ت بكەت و ب كيمى 15 هزاران بۆ کەشفێ دانيت هزرا وى ناهێته كرن بوچی نەخۆشخانێن حكومى وەكى یێن ئەهلى ناهێنە دروستکرن؟ ئەرێ بۆ ژوور و دەستئاڤ ناهێنه پاقژكرن؟ كو دڤيابا نەخۆشخانە پاقژترين جهـ بانە دا نەخۆش بهێتە چارەسەركرن!
كى بەرپرسیارەتیا ڤان ديمەنان دكەت؟ ئایا وەزارەت و رێڤەبەریا ساخلەمیێ سەرەدانا ڤان نەخۆشخانا كرينه؟ ديتينه نيڤەكا تەختێن نەخۆشان ژ كار كەڤتینە؟ و هەر دگەل ژ كاركەفتنێ دكێمن يانژى دێ نەخۆش دانە سەر تەختێ ئاسنێ رووت ئەگەر وەزارەت نەشێت ئیسفەنجان بۆ ڤان تەختان دابين بكەت چ جۆره وەزارەتە؟ و دبينن نەخۆش ب رێكا دەرمانخانێن ئەهلى و تاقيگەهێن ئەهلى ب رەخ نەخۆشخانى ڤه!؟ بۆ ئەڤ دەرمان و تاقيكرن بۆ نەخۆشخانێ ناهێنە دابينكرن، بۆچی دەرچوويێن بەشێن ساخلەمیێ ناهێنه دامەزراندن و كادرێن هەردوو نەخۆشخانا گازندا فشارا زۆر يا نەخۆشان دكەن؟!