رۆژا ۷ی حوزەیرانا ئەڤساڵە ٢٠٢٣، شەش ساڵ دبورن ل سەر بڕیارەکا بوێرانە و نیشتیمانپەروەرانە، کو بڕیاردانەك بوو ل سەر ڕیفراندۆما سەربەخۆیا کوردستانێ. هەڵبەت ئازادیا تاکەکەسی و دانا مافێ دەولەتبوونێ، ژ بنەمایێن یاسایا نێڤدەولەتینە. ھەروەسا دئێك ژ بەندێن پەیمانناما نەتەوەیێن ئێگرتیدا هاتیە کو ھەر مللەتەکی ماف و ئێمتیازاتێن سەربەخۆبوونێ ھەنە و، ل دویڤ وان مەرجێن دیارکری ئەوژی؛ مللەت و ئەرد و دەستھەلاتە. ڕاپرسی ژی ل دویڤ یاسایێن نێڤدەولەتی مافەکێ رەوایە بۆ وان مللەتان یێن خودان ئەرد، مێژوو، کەلتور، گەل و دەسھەلاتبن. لێ کوردان دگەل هەر چوار پارچێن کوردستانێ بزاڤ و هەولێن وان و شۆرەش ژبۆ بدەستڤەئینانا مافێ رەوایێ خۆ کو ئەوژی دەولەتا کوردیە، کریە. لێ دیسان ل رێککەفتی ٢٥_ ٩_ ٢٠١٧ کوردستانا باشوور ب ئەنجامدانا ریفراندۆمێ ب رێژەیا ٩٢،٧٪ بەلێ بۆ سەربەخۆیی ئیرادەیا بهێزا کوردا ل سەر خوەچارەنڤێس و ئازدیخوازیێ بۆ جیهانێ دیارکرن. هەروەها ریفراندۆم بۆ سەلماندنا ناسناما کوردی یا ناوچەیێن ماددێ (١٤٠) تا نۆکە ئەڤ کێشە چاڕەسەرنەبوویە.
نها ژی ڕیفراندۆم کارتەکا بهێزە ل بەر دەستێ کوردستانا باشوور ژبۆ دانانا کوردستانێ ب هەمی زەنگینیێن کولتوری و خوەزایی ڤە وەك وەڵاتەکێ خودان سەروەری ل سەر نەخشەیا جیهانێ کارتەکا بهێز بوو. پارتێن سیاسی یێن كوردستانێ ژی فەرە وەکو رۆل به‌رهه‌ڤبن ئێك هەلویست بن وەکو ریفراندۆمێ و ده‌وله‌تبوونێ و دیاركرنا سنوورێن وه‌لاتەکێ ب ناڤێ کوردستانا مەزن ل سەر نەخشەیێ جیهانێ. چونکێ کورد ژی خودان کولتورو زمان و مێژویەك دویرو درێژە. هەر ژ سەردەمێ شێخ مەحموودێ حەفید تا نوکە کورد شەرێ ژبۆ دۆزا خۆە یا رەوا دکەن. لەورا ئەم وەك هەرێما کوردستانێ ژ هەموو لایەکێڤە پەیوەندیێن ناڤخۆی و ل ئاستێ نێڤدەولەتێ ژ روویێ سیاسی و ئابووری باشتر خوە موكوم بكەن و باش هشیاری نه‌حه‌زو و دوژمنێن كوردستانێ بن. وەك ئالی و پارتیێن ناڤخۆیی دوماهیك ب کێشا بینن و بەردەوام ئێكریزی و ئێكگرتنێ رابگه‌هینن و به‌ره‌ڤانیی ژ ده‌ستكه‌فتێن ملله‌تی بكن، کو ب خوینا هزاره‌ها شه‌هید و برینداران هاتین دان. هەروەسا گه‌ل چاڤه‌رێی هه‌وه‌نه و خوه بكن ئێك دگه‌ل سه‌روكێ كوردستانێ دا ملله‌ت بگه‌هیت مافێ خوه یێ ره‌وا و ده‌وله‌تبوونێ و هشیارتر کاربکەن و جیوازی نینه دناڤبه‌را نه‌حه‌زو و دوژمناندا و ژمێژه و نهادا خوە ئاماده بكەن، ب ئێك دەستی دا ئۆمێدا كوردان گەشتر بکەن. لێ سه‌ركه‌فتن هه‌ر بۆ گه‌لێ مەیه. کاربکەن و هەستێ نیشتمانپەروەر بن و خۆراگربن ژبۆ پاراستنا وه‌لاتی و ئیمناهیا كوردستانێ و ب شانازی ته‌ماشه‌ی سەرکەفتنێن وه‌لاتێ خوه كوردستانێ بكەن.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)