کەڕ، لال و نەخویندەوار نابیتە “رۆژنامەڤان”

د دەهـ ساڵێن دەربازبووییدا چەند جاران کارێ مە وەسا خاستییە ئەم تێستێ ب وان کەسان بکەین یێن دخواستن دگەل مە کاربکەن. گەلەك ژ وان کەسان ژی ل سازیێن رۆژنامەڤانی کاردکرن، واتە “رۆژنامەڤان” بوون. یا راست هندەك ژ وان گەلەك د ژیر و ژێهاتی بوون، لێ ب تبلێن دەستان دهاتن هژمارتن. یێن مایی زۆربەیا وان نە زانین هەبوو، نە چاڤێن هشیار، نە گوهێن ڤەکری و نە بیرەکا تیژ. ژبلی کو تنێ زمانێ کوردی (شێوەزارێ بەهدینی) دزانین. یا ژڤێ ژی کمباختر ئەوبوو کو دراستنڤیس و رێزمانێدا “هەمی” گەلەك دلاواز بوون. تەنانەت هەبوویە پشتی (١٦) ساڵێن خاندنێ و دەرچوونا زانکۆیێ نەزانییە پیتێن ناڤێ خوە ب دروستی بنڤیسیت!

هەڵبەت ئەو کوردێ/ا تنێ شێوەزارێ هۆزا خوە باخڤیت، بنڤیسیت و بخوینیت، نەشێت زانیارییان پەیداکەت و نزانیت چ ل دنیایێ هەیە. بەلکو نزانیت چ ل پایتەختێ وەڵاتی ژی هەیە کو ب زارەکێ جودا دئاخڤن، دنڤیسین و دخوینن! تەنانەت تەکنۆلۆژیا ژی نەشێت هاریکارییا وی/وێ بکەت. واتە دێ وەك کەڕ، لال و نەخویندەواران بیت. ئەڤجا ئەوێ/ا زانیاری نەبن نەشێت زانیارییان بەڵاڤ بکەت، واتە نابیتە رۆژنامەڤان. لێ دشێت ببیتە ئاخفتنکەرێ هۆزا خوە. هەڵبەت ئەم نە مامۆستایێن رۆژنامەڤانیێنە، لێ دبینین کو سەدەمەکێ پاشڤەمانا کارێ رۆژنامەڤانی ل دەڤەرا مە ئەڤ نەزانینەیە. گازندەیا مەزن ژی نە ژ مامۆستایانە، ژبەرکو سیستەمێ پەروەردە و فێرکرنێ ب گشتی کێماسی تێدا هەنە. لێ گازندە ژ ڤان کەسان بخوەیە کو خوە ئاڤا ناکەن!

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top