ئایا شەرێ دگەل پەکەکێ براکوژی یە، ‎یان شەرێ نافخۆیی یە؟

‎رەفتار و لڤینێن پەکەکێ یێن ڤێ دوماھیێ خەلکێ ھەرێمێ بدەست و پێ گرێداینە و ھەتا دسەنتەرێ ھندەک ژناحیە و قەزایێن ھەرێمێ مەترسییەکا جدی کەفتی یە سەر ژیانا ئاکنجیێن وان و پتر ژ ٤٠٠ گوند بتنێ ل پارێزگەھا دھوکێ لژێر کونترولا پەکەکێ دانن و ھەروسا ئەڤ چەندە بۆیە بھانە ژبو دارشتنا کەربێ ژلایێ تورکیاڤە و روژانە ھاولاتی و سڤێل دبنە قوربانی بومبەباران و ھێرشێن بێ ووژدانانەیێن تورکیا وسەروەری و سنوور و ھەژمۆن و ھەیمەنەتا ھەرێمێ ئێخستییە ژێر ژناڤچوون و تێکدانێ. یا ژڤێ ب ئازارتر داخویانیێن توند و دوژمن کارانەیێن بەرپرسێن پەکەکێ یە ل دژی ھەرێمێ و بتایبەت پارتیێ و ب ئاشکەرایی یێن گەفا ژناڤ چوون وتێکدانا ھەرێمێ و دەستکەفتێن خەلکێ وێ دکن. بھەمی رێکا پارتی یا خۆ ژ لێکدانەکا راستەوخۆ دگەل گەریلایێن وێ دپارێزت. بەلێ دبینین مزگەفت و خانی و جھێن خەلکێ و  گوندنشینان یێن بووین مخەلێن رازان و خۆڤەشارتن و ئارامگەھا وان.

چ ئەڤ رەفتارە ئاراستەکری بن یان نە دویر نابینم ئەگەر بەردەوام بن ھەرێمێ و بتایبەت پارتیێ بکێشت ناڤ شەرەکێ سەپینەر وبتایبەت دشەھیدکرن و تیرورکرنا کادرو کەسێن بەرنیاسێن ھەرێمێ و زەلامێن ئێمناھیێ و دەست درێژییا وان یا بەردەوام و رەفتارێن دویر ژ رەوشتێ خەبات و نوینەراتییا ستەم لێکرییان دێ بەرھەمەکێ خراب ددویف خۆدا ئینت و رۆژ بۆ رۆژێ رەفتارێن وان دچنە د چوارچۆڤێ کرێگرتی و گومانێ دا. و بھیچ رەنگەکێ ئەڤ شەرە دمفایێ کەسێ دا نابت بەلێ دھەمی نەریت و ئایین و یاسایادا ھاتی یە بەرەڤانی ژ خۆ کرن ئێک ژ پیرۆزیایە و ژبۆ پاراستنا کەرامەت و ھەبوونێ یە و شەرێ دگەل پەکەکێ بھیچ رەنگەکێ ب براکوژی و بشەرێ ناڤخۆی ژی نابینم و ئەگەر برایێ مرۆڤیێ دەیبابی ژی زۆرییێ ل مرۆڤی بکت پێتڤی یە ل جھەکێ بێتە راوەستاندن و سنوورێن وی بێنە دەست نیشانکرن و ستەم ستەمە ئەگەر بدەستێ کێ بت و ل ژێر چ ناڤ و نیشان بت. ھەروسا نابت شەڕەکێ ناڤخۆیی ژی چونکی پەکەکێ ل دویر و نێزیک چ پەیوەندی ب باشوورڤە نینە.

  • (گۆتار دەربڕینا بۆچوونا نڤیسکارانە، نەیا سایت و گۆتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top