دەمێ ھەردوو حزبێن سەرەكی دەستھەڵات وەرگرتی ل ھەرێما كوردستانا عیراقێ پشتی ساڵا (1991)، رابوون ب ئەنجامدانا ھەلبژارتنان ل دووڤ دەم و رێككەفتن و قانوونێن ھەردوو حزبان دا ب سەركەڤن د ھەلبژارتناندا و حكوومەتێ پێكبینن لدووڤ پێگەھێ ھەر حزبەكێ ژ ھەردوو حزبان كو (50%) و، كوردستان بۆ دوو بەش دناڤبەرا واندا. ھەر حزبەك رابوو ب دامەزراندنا كادرێن خۆیێن نەخودان شیان دپلە و پایەیێن حكوومیدا كو ژ شیانێن وان گەلەك زێدەتر بوون. ئەڤەژی بۆ ئەگەرێ ھەرفتنا ھەموو ئالیێن ژیانێ ل ھەرێمێ كو ل وی دەمی دشیاندا بوو ئەڤ ئالیە ھەموو گەشە و ڤەژاندنێ بكەن ئەگەر ئەڤ كادرێن حزبیێن بێ شیان نەبان د وان پایاندا كو دەوڵەمەند بوون ل سەر حسابا حكوومەتەكا قەردار و مللەتەكێ ھەژار كو دژیت ل سەر دەریایەیێن گاز و غازێ.
ئەڤەژی ھەموو ب ئەگەرێ بەڵاڤبوونا گەندەڵیێ د ناڤبەرا حزباندا كو ھێشتا د بەردەوامن د گەندەڵیا خۆدا بێ لێپرسین یان وژدانا وان بێشیت. كارەسات ئەڤەیە كو نەھێلانا گەندەڵیێ بوویە دروشم حكوومەت مفای ژێ وەردگریت بۆ زێدەكرنا دەستھەڵاتێن خۆیێن سیاسی و مەزنتر ژ ڤێژی ب سەدان كەس ڤان دروشمان باوەردكەن. بۆ نموونە، نەسەرگرتنا راپرسیێ ئەوا ھاتیە ئەنجامدا ل بەروار (25/9/2017) لێ ئەڤ حزبە وێ رۆژێ دەنە نیاسین ب رۆژا سەركەفتنا مەزن. نموونەكا دیتر دروشمێ نەھێلانا گەندەڵیێ و رابوون ب چاكسازیان ئەڤ چەندە دیرە ژ راستیێ. ل ڤێرێ بۆ مە دیاردبیت كو ئەو حزبێن دەست ب سەر حكوومەتێدا گرتی رادبیت ب چێكرنا دروشمان ژبۆ جونكاریا وێنێ خۆ یێ رەش و كرێت بەرامبەر مللەتی و خاپاندنا وی دا بەردەوام بگەھنە بەرژەوەندیێن خۆ یێن حزبی.