ژ بابەتێت جهێ بەحسکرنێ و مژارێ ل دەڤ زۆربەى تەخ و چینێن جڤاکى بانگەوازى یە. بانگەوازى دینەمۆیێ هێزا هە ر جڤاکەکى یە، ستوونا ئاڤاکرن و جوانکرنا روویێ جڤاکى یە، بنیاتێ ئاڤاکرنا جڤاکەکێ پاقژ و پێشکەفتى یە، ئاڵاڤێ چاڤدێرکرنێ ل سەر هەر کارەکێ نەشارستانى یە کو جڤاکى پێ کرێت و نەشرین بکەت. چونکە بانگەوازى ب هێزا جڤاکى هاتیە نیاسین دهەمان دەمدا جڤاکى بەرەف ئاراستەیەکى ساخلەم ڤە دبەت جڤاکى روون دکەت ژبەختەوەریێ و ژ تاریاتیا هەر خرابیەکێ دپارێزیت. بۆ هەر تاکەکێ وى جڤاکى یێ بانگەوازى ب شێوەیەکێ تەندروست و بێ شاشى بهێتەکرن. چونکە بتنێ قەنجی و چاکیێ و خۆ دویرکرن ژ خرابیێ ژ تاکێ جڤاکى دخازیتن. گۆتنا خودایێ مەزن باشترین ئاماژەیە ل سەر گرنگیا بانگەوازیێ بۆ هەر جڤاکەکى دەمێ دبێژیت (ۆلْتَکُن مِنکُمْ أُمَەٌ ێدْعُونَ إِڵى الْخَیْڕ ۆێأْمُرُونَ بِالْمَعْرُوفِ ۆێنْهَوْنَ عَنِ الْمُنکَڕ ۆڕأوڵـٰئِکَ هُمُ الْمُفْلِحُونَ) دەمێ دبێژیت (بڵا هین ببنە مللەتەک داخوازا قەنجیێ بکەن فەرمانا چاکیێ بکەن و خەڵکى ژ خرابیێ بدەنە پاش و هەر ئەڤەنە دسەرفەراز). بانگەوازى ل سەڕدەمێ جیاوازدا هەبوویە و رۆڵەکێ کاریگەر د رێکخستن و بنیاتێ ئاڤاکرنا جڤاکەکێ ساخڵەم و پێشکەفتنى دا هەبوویە. ژبەر ڤێ یەکێ ب هێزا جڤاکى هاتیە زانین. بانگەوازى ژ ئەرکێن سەرەکى و هەرە گرنگن دناڤ جڤاک و کۆمەڵگەهێن ئیسلامى دا یان ل سەڕ موسلمانا ب گشتى و ل سەر زانایان یان بانگخوازان ب تایبەتى. لەوا ئەرکێ ل سەرمڵێن بانگخوازان گرانتر لێ دهێت. ژبەر ڤێ یەکێ تاکو بانگخواز ب شێت ب دروستى ب ڤى ئەرکى رابیت بێ کو ل هندەک شاشیان ب هلنگڤیت، پێدڤى یە هندەک تایبەتمەندى ل دەڤ هەبن. ئەگەرنە دبیت بکەڤیتە دهندەک شاشیان دا. جڤاک قوربانیا سەرەکى بیت د ڤان شاشیان دا. لەوا ژبەر بەرفرەهیا بابەتى بتنێ دێ ل سەر هندەک ژ وان تایبەتمەندیان راوەستین:
١- دڵسۆزى ژ بۆ خودێ (الاخلاص لله):
بانگەوازى خەڵاتەکە خودایێ مەزن دایە مرۆڤى هەم بۆ جڤاکى ب گشتى و هەم بۆ بانگخوازى ب تایبەتى. چونکە دبیتە بنگەهەک یان رێنیشاندەرەک بۆ زانینا قەنجى و چاکیێ و دەرئێخستنا جڤاکى یان مللەتى ژ تاریاتیا خرابیێ بەرەڤ جیهانا باشى و چاکیێ. ئانکو ئەم دشیێن بێژین دبیتە ئاڵاڤەکێ پاراستنێ بۆ جڤاکى. سەرەنجام دێ جڤاک یێ پاقژ و ساخلەم بیت ژ هەر کارەکێ نەشارستانى و نەجوان یێ کو رویێ جڤاکى پێ نەشرین و کرێت بکەت. دهەمان دەمدا بۆ بانگخوازى ژى ب کارەک و ئەرکەکێ پیرۆز رادبیت. خزمەتکرنا مللەت و وەڵات و جڤاکى خەلاتەکێ مەزنە ل دەف خودێ و ل دەف مرۆڤان بهایەک و جهەک تایبەت هەیە. لێ وەکى مە ئاماژە پێ کرى دڤێت ب دڵسۆزى (الاخلاص) تێدا هەبیت.
دەربارەى ڤێ یەکێ ژى پێغەمبەرێ مە (محمد) سلاڤ ل سەربن دبێژیت (انما الأعمال بالنیات). کەواتە ئەنجامێ هەر کارەکێ ل دویف مەبەستا وى یان نیازا وى کەسى ب دەست ڤە دهێت. هەر کەسەکێ ب ئارمانج کارێ خۆ بکەت ب شێوەو ل دەم و جهێن سەخت و دوور ژ بۆ خودى بیت، ئاها ئەڤە دلسۆزى یا ژ بۆ خودى. ئەگەر راوەستیانەکێ ل جڤاکێ خۆدا بکەین ب مخابنیڤە دێ بینین ب ئارمانج و مەبەست دنیاوینە و سیاسینە و دکەسۆکینە. باشترین بەڵگە ل سەر ڤێ یەکا دەمێ پێغەمبەرێ مە سلاڤ ل سەربن کەرەم دکەت و دبێژیت (الکلمة الطیبە صدقة).
دیسان دبێژیت ئەگەر چاکیێ ب دەستێ راستێ بکەى نابیت یێ چەپێ بزانیت. دەمێ کارێ بانکخوازى ببیتە رێکا گەهشتن و ب دەستڤەئینانا هیڤى و ئارمانجێت سیاسى و کەسۆکى ل سەر ئاستێ گشتى و تاکەکەسى و ئەگەر هەر کارەکێ بانگخوازیێ هاتە تۆمارکرن و بەڵاڤ کرن وى دەمى گۆتنا پیغەمبەرى سلاڤ لێ بن دهێتە بنپێکرن و چ دڵسۆزى ژى تێدا ناهێتە دیتن ژ بۆ خودێ ژبڵى کاریگەرى و کارتێکرنا ل سەر کەسایەتیا مرۆڤان دکەت، ژڵایێ هزرى ڤە ژى و قوربانیا هەرە سەرەکى ژى جڤاکە.
٢- نموونەکێ باشى بى (القدوة الحسنة): تاکو ل ڤان شاشیێن مە پێشتر ئاماژە پێ کری یێ ڤەدەربیت، پێدڤى یە بانگخواز یێ جیاوازبیت بیت ژ کەسەکێ ئاسایى. تایبەت د دەمێ پێشرەوى کرن یان دپێشیا یان دسەرکێشى کرنێ دا یان دهەڤرێزى کرنا مللەتێ خۆدا یان جڤاکێ خۆدا. چونکە بانگخواز بخۆ ب خوە مزگینیەک و خەڵاتەکە ژ دەڤ خودێ بۆ مرۆڤان ژبۆ راستیا ژیانا خۆ دیتنا رێکا راست و دروست. ژبەر ڤێ یەکێ پێدڤى یە ل ئاستێ ڤێ پەرپرسیارەتیێ بیت نموونە بیت. لێ دیسان ب مخابنى ڤە ل جڤاک و وەڵاتێ مە و د کۆمەڵگەها مە دا پتر ژ کەسەکێ ئاسایى دکەڤیتە د هندەک شاشیێت مەترسیدار و کوژەک ژ ئەنجامێ نە خاندنەک و بەرێخودانەکا ساخڵەم بۆ جڤاکێ خوە، یان وەڵاتێ خۆ ژ هەمى لایەکى ڤە. نموونە گەلەک جارا ژئەگەرێ نە سەرەدەریکرنەکا دروست دگەل سۆشیال میدیایێ بکارئینانا وى بو کارێ خۆ زیان پتر بووینە ژ مفایێت بانکخوازى. نموونە رێژا تووشبویێن نەخوشیێت دەروونى بەرەڤ زیدەبوونێ یە و پشکا شێرى یا بوویە ئەگەر دبەر بانگخوازان دکەڤیت. چونکە بانگخوازێ مە نەشیایە خۆ ل ژێر باندۆرا ئارمانجێت خو یێت سیاسى یێت گشتى و کەسۆکى دەربێخیت. لەوا دگەل بەرفرەهبوونا بازنێ ئارمانج و مەبەستێت وى یێت تاکەکەس و گشتى پێگەهێ وى یێ جڤاکى و کۆمەلایەتى بەرتەنک و لاواز دبیت و هێدى هێدى نامینیتن.
٣- باوەرى (الصدق): باوەرى ڤیانێ دئافرینیتن باشى و چاکیێ ب دیف خۆ را دئینیت و مرۆڤى فێرى راستداریێ یان راستگۆیێ و ڤیانێ دکەت. دوماهیکا راستداریێ ژى بەهشتە. دیسان ئەگەر ڤەگەرینە وان تایبەتمەندیێت پێشتر دێ بینین ئەگەر دلسۆزى دکارێ خۆدا کر دێ ل گۆپیتکا ئاستێ بەرپرسیارەتیێ دا بیت. ل دهەمان دەم دێ بیتە جهێ باوەریێ بو وێ جڤاکى. چونکە دلسۆزى (الاخلاص) یا دکارێ وى دا هەى. بابەت بتنى ژبۆ خودێ یە نە بۆ گەهشتنا دەستهەڵاتێ یان ب بەرژەوەندیێت کەسۆکى و دنیاوینە و سیاسى نە. یان ژى بۆ ب هێزکرنا پێگەهێ خوە یێ کۆمەڵایەتى یان جڤاکى ژبۆ ب کارئینانا بابەت و حەزو ئارەزوو و پێدڤى و مەبەستێت کەسۆکى. چونکە خودایى مەزن ئەم یێت هشیارکرین ل سەر ڤێ شیوازێ بانگخوازیێ و ل سەر ڤان جۆرە بانگخوازان دەمێ دبێژیت (یا أیُهَا اڵذِینَ آمَنُوا اتَقُوا الڵهَ ۆکُونُوا مَعَ الصَادِقِینَ) کەواتە دڤێت ئەم سپى و رەشى ژێک جودا بکەین. پاراستنێ و کار ل سەر ئاڤاکرنا جڤاکەکێ پاقژ و سەخلەم و پێشکەفتى بکەین و دڤێت ئەم ب هشیارى سەرەدەریێ دگەل بانگخوازى بکەین و مەبەست و هزرو بیر و ئارمانجێت وى بخوینین دا بشێین ل دەم و جهێن دروست و گونجاو بەرەنگاریێ و ریگریێ ل زێدەبوونا دیاردا خۆکوشتنى (انتحار) بکەین. ب شێوازو رێکێت جودا جودا و زێدەبوونا رێژا تووشبویێت نەخۆشیێت دەروونێ و ژ دەستدانا باوەرى و کەسایەتیا تاکێ جڤاکى و مللەتێ مە ژ سەدەمێ بانگخوازیەکا لەنگەر ژڵایێ شێوازو رێکێت تێنە بکارئینان.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)
