دڤێت ناڤونیشانە بھێت راستڤەكرن

ل دووڤ راپۆرتا كۆمپانیا (دیلۆیت) ئەوا تایبەت ب وردبینیێن ژمێریاریێن چەندیا بەرھەمئینا گازێ و ھنارتنا وێ ل ھەرێما كوردستانا عیراقێ و بھایێ داھاتێ وێ. ئەو سامانێ بدەست ھەرێمێ كەفتی ل ساڵا (2019) دووجار ھندی ئەوا پێتڤیە بۆ دانا مووچەیێن فەرمانبەر و خانەنشینان ل ھەرێمێ. لێ زێدەباری وێ چەندێ تنێ مووچەیێ (9) مانگان دا ب ھاریكاریا حكوومەتا عیراقێ كو مانگانە نیزیكێ (450) ملیۆن دۆلاران بۆ وان مووچەخۆران فرێدكر. پرسیار ئەڤەیە، ئەڤ سامانە كیڤە دچیت؟ ل دووڤ وێ راپۆرتێ (50%) ژ داھاتێ گازێ ل ھەرێمێ دھێتە دان وەك شایستەیێن كۆمپانیێن گازێ یێن بیانی و (50%) بۆ كۆمپانیێن بەرھەمئینانێن حزبی و دەستھەڵاتدارێن ھەرێمێ. ژلایەكێ دیترڤە، ھۆیێن راگەھاندنا كۆمەڵایەتی بەڵاڤەكربوو،كو بایڵوزێ ئەمریكی ل بەغدا گۆتبوو، پتر ژ (147) ملیار دۆلارێن حزبێن ھەرێمێ ھەنە ل بەنكێن ئەمریكا و مووچەیێن فەرمانبەرێن خۆ نادەن.

پسیار ل ڤێرە، ئەرێ ناڤونیشانێ (كێشەیا كوردی) ھەر ژ دەستپێكرنێ خەلەتی بوو یان درەو بوو؟ ئەوا ئەم ئەڤرۆ دبینین مە پاڵددەت كو بێژین ئەڤ ناڤونیشانە دڤێت بھێتە راستڤەكرن بۆ كێشەیا (تالانكرنێ و برسیكرنێ). ب ھزاران كوردان گیانێ خۆ گۆری ھندێ كر لپێناڤ ژیانەكا باشتر بۆ نەوەیێن پاشەرۆژێ. لێ ئەوا ئەم نھۆ دبینین خرابترە ژ ئەوا بووری. چونكو دنھادا رەوشا حزبان باشترە ژ یا بووری. ئەو ژی ل سەر كسیتێ (حساب) خەلكێ ھەرێمێ كو دنھادا یێ برسی و نساخ و قەردارە. بەرپرسێن حزبی و دەستھڵاتدارێن ھەرێمێ دەوڵەمەندبوون و، ل دەرڤەی ھەرێمێ دخوینن و چارەسەریا خۆ دكەن و دچنە گەشتوگوزارێ و كەڤنە كۆنترۆلا قانوونی ل دەرڤە. لێ ئەو تشتێ ئەو حزب و دەستھەڵاتدارێن ھەرێمێ دناڤ ھەرێمێدا دكەن تنێ دزینا ژیانا ھەڤوەڵاتیە ژ گازێ، غازێ، داھاتێن ناڤخۆیی و سنووری و مەزاختنا وان ل بەرھەمئینانێ حزبێ و ڤەگوھاستنا سامانی ژ ھەرێمێ بۆ بەنكێن دەولەتێن بیانی.

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top