ل دەف مە و دبیت ل هندەك جهێن دنیایێ ژی دەما دەستهەڵات بڕیارەکێ ددەت و ب دلێ هندەکان نەبیت. ئەو کەسە دچن ملکێن گشتی وەك باخچە، جادە، ئاڤاهی و ملکێن گشتی تێکددەن. ب ڤێ چەندێ ژی هزردکەن وان تۆڵ و کەربا خوە ژ حکوومەتێ ڤەکرییە. نزانن یان نەڤێت بزانن و هزرا خوە تێدا ناکەن کو ئەو تشتێ وان تێکدای ب پارەیێ وان هاتییە دروستکرن و ئەگەر نۆژەنبکەنەڤە ژی دێ هەر ب پارەیێ وان هێتە نۆژەنکرن.
ئاشکرایە کو بڕیارا قەدەخەیا هاتوچۆیێ ب دلێ گەلەك کەسان نینە. لەوما هندەك نیشانێن کارێن تێکدانێ بەر چاڤێن مە دکەڤن کو دبیت رەنگڤەدانا نەرازیبوونا هندەكان بیت. ب راستی ئەڤ کولتوورێ کرێت ل ڤان ساڵێن دوماهیێ کێمترە، لێ پێویستە ب یەکجاری نەمینیت ب تایبەتی ل دهۆکێ کو ناڤدارە ب پاقژیا هەمی تشتێن خوە. هەڵبەت هەر کەسێ نەرازیبوون هەبیت دشێت ب رێکێن جودا و ئاشکرا دەربڕینێ ژێ بکەت و هەلویستێ خوە ب ئازایانە دیاربکەت.
خوە بپارێزن، ملکێن خوە بپارێزن، وەڵاتێ خوە بپارێزن و سامانێ خوە ژی بپارێزن
فۆتۆ: پێلین ئالیخان
ناڤبڕا جادەیەکا جووتساید یا باژێرێ دهۆكێ کو دیارە نەخشاندنا وێ ب دەست هاتییە تێکدان



