ل سەرانسەری جیهانێ هەردەم کەس و لایەن هەنە ل دەلیڤەیان دگەرن بۆ بەزاندنا سنووران. ل وەڵاتێ مە ژی دڤان رۆژاندا هندەك کەس هەنە هەوڵددەن قەدەخەیا هاتوچۆیێ بشکێنن و ل رێکێن ڤەشارتی دگەرن بۆ خوە دەربازکرنێ کو دبیت هندەك جاران تنێ بۆ پەیاسەکرنێ بیت. لێ دبیت هندەك جاران دز، قەچاخچی و تیرۆرست ژی دناڤدا هەبن. لەوما پێویستە دەزگەهێن ئێمناهیێ گەلەك هشیاری ڤان هەلپەرستان بن و رێگریێ لێ بکەن و کۆنترۆڵ بکەن.
هەڵبەت مرۆڤێ کو ژ نەچاری دەردکەڤیت پێویستی ب خوەڤەدزینێ ناکەت. ژبەرکو پۆلیس و کارمەندێن دەزگەهێن ئاسایش و ئارامیێ بەری هەر تشتەکی مرۆڤن. مسۆگەر ئەگەر بزانن کەسەك ژ نەچاری دەرکەتییە دەرڤە، نەك تنێ دێ رێکێ دەنێ، بەلکو ئامادەنە ب ئامیر و ئۆتۆمبێلێن خوەڤە هاریکاریێ دگەلدا بکەن و بگەهیننە جهێ مەبەست.
خوە بپارێزن، کەسوکارێن خوە بپارێزن، جڤاکێ خوە بپارێزن و نەتەوەیا خوە ژی بپارێزن
فۆتۆ: پێلین ئالیخان
ئۆتۆمبێلەکا تەکسی ژبۆ خوە رزگارکرنێ ژ خالا کۆنترۆلی یا پۆلیسان د ریکا پەیادەرۆیێ دا ژ سایدەکی دچیتە سایدێ دی
