كۆرۆنا ئەو نەخۆشيا ڤايرۆسى تووشى هەموو جيهانێ بووى. ب هزاران خەلك تووش بووین. ب هزاران خەلك ب ئەگەرێ وێ نەخۆشیێ جانێ خوه ژ دەستدان. جيهان هەموو ب جاده و ئاڤ و ئەسمانێ وێ بێدەنگ كرى. جيهان و وەڵاتێن زڵھێز ھەموو ب جەنگان و وێرانكرنا وەڵاتێن بێ هێز كربوونە گۆرەپانێن جەنگى و خوينرێشتنێ. لێ ڤايرۆسەكى ب قەبارەكى كو نەهێته ديتن جيهان ب جارەكێ بێدەنگكر و تنێ كار دهێتەكرن دەرمانەكى ببينن. كوردستان دڤێ تاقيركرنێدا دگەل كۆرۆنايێ زۆر تشتەكێ نوی بوو. لێ سوپاسيا سەردەمێ كۆرۆنایێ دكەين كو خێزان كۆم ڤەكرن، ژينگەهـ پاقژكر، گرنگى و بهايێ ئازاديێ نيشا مەدا، نيشا مەدا دناڤ ماڵدا ئەم چبكەين. بەريا كۆرۆنايێ دەما (24) دەمژمێر ل پێشيا مە ئەم بچڤه مژيل بووين و مه چدكر ل وی دەمی. كۆرۆنا بۆ كوردستانێ هۆژداريەك و تاقيكرنەك بۆ نەسەركەفتنا سيستەمێ حكوومەتێ و گيژكرنا گەنجان و بێ سيستەمى و بێقانوونی ونە رەوشنبيريا خێزانى. بۆ مه ب دروستى رۆهنكر كا ئەم كی بووين یان ئەم كينە؟ حكوومەت كێمتەرخەمترين دەستھەڵات دەركەفت. تاكه سيستەمێ تەندروستى خرابترين سيستەم بوو ل كوردستانێ. وەك پێتڤى گەنج بۆ ڤێ پرۆسێ و هشياركرن ل سەر ڤێ پرۆسێ نە بوويه و ئەو رێكخراوێن بناڤى خێزانى ئاخڤتين هەموو دەركەفتن چەند ڤەماينه و ب تنێ ناڤن. گەنجێ مه شانازى دبەن ل بن پێگیركرنا قانوونێدا. چونكو تا نھا نەديتيه بڕيارەك دبەرژەوەنديا واندا بھێتە دان. ئەو دەستھڵاتا گەنج مژيلى كافيان و نەرگيلان و پۆپجیێ كری، دەما بڕيارێت بێ سيستەم بدەن دەستھەڵات و خەلك بەريا وى دەمى هشيارنەكربيت. ئەو گەنج دێ چەوا گۆهداريا قانوونێ كەت؟ کو هندى ديتى مافێ وى هاتيە خارن.
دەستھەڵاتا نڤستى بڕیارا قەدەغەكرنا ھاتوچوونێ دا ب یەك جار، لێ نەك بۆ سەلامەتيا خەلكى بتنێ ژبۆ كو دزانن هندە ساڵە چەند سيستەمێ ساخلەمیێ پشتگۆهـ هـاڤێتيه وهيچ تشتەكى پێتڤى نەكريه. خەلەتيا خۆ خەلك بەندكرن. لێ بێ بزانن نيڤا باژارى دهۆكێ هەژارو بێ كار و شۆفێرێ تەكسى و پيشمەرگێن كرێچى نه. ئەرێ كا پلان بۆ تێركرنا ڤى خەلكێ بێ مووچه؟ زارۆك ل هەموو جيهانێ ژيانا وان گرێدايه ب دەستھەڵاتێ و حكوومەتێڤە. ئەڤجا ئەڤ زارۆكە تشتەكى ژ قەدەغا ھاتوچوویێ نزانیت، ئەو پيرۆكالێن نەخۆش و هەژار بمرن د ماڵدا؟ كو خودان نەخۆشيێن درێژ خايەنن كى خودان بكەت؟ ئەو پێشمەرگێن وە هێلاين دئەركیدا وگۆهڕین نە، خێزانن وان گەنج و كرێچى و خودان زارۆك و بێ خارن ئەو چبكەن؟ خەلك ژبەر كۆرۆنايێ نە مريت دێ ژ برسا وفشارێن دەروونى مريت. د نھا دا پەنايێ دبەنە كو دەوڵەمەند خێران دگەل هەژاران بكەن. دەوڵەمەند تا خێرەكێ دكەن وێنێن هەژاران بەڵاڤە دكەن. نێ وان هەژاران هوين يێن برينه سەر وان كورسيكان، هوين بەرپرسن ژ خودانكرنا وان نەك دەراڤی ژبەريكێن دەوڵەمەندان بينەدەرێ. بێ سيستەميا ھەوه، دهۆك نيڤا وان هەژارن و ئەركى وەيه بڕيارەكێ بدەن كو قەدەغا هاتوچوونێ وه بەرى وێ پلانێ بۆ تێركرنا خەلكی دابيت. دبيژن پاران ژ كرێچیان وەرنەگرن. وه تشتەك كريە بۆ وان؟ دبيت پتريا وان ب كریێت خانى و دكانان دژين كو ئەو ژى وەرنەگرن و برسى بمينن؟ سەردەمێ پشتى كۆرۆنايێ، كۆرۆنا نامە و وانەكا تۆند يا هشياركرنێ ئێدى حكوومەت تاكێ خۆ بشێوەیەكى ئاڤا بكەت كو د ماڵدا بن بشێن ژيانێ بكەن. زارۆك تنێ دزارۆكيا خۆدا بژين، ئێدى هشياربن گەنجێن سوباهى دبنه سەركردەو ريێەرێن وەڵاتان گەنجى نه رەوشنبيرو بێ كار. سوباهى دێ چەوا كەڤيته ململانێ دگەل جيهانێ، كو پەروەردا وى كافى و پۆبجى ونەڕگيلە بن و ب شەف هشيار و ب رۆژ نڤستى.
ئێدى دڤێت گرنگى ب كەرتێ تايبەت بھێتە دان و شيانێن گەنجان دكەرتێ تايبەتدا بھێنە دەرێخستن كو قەيران ب سەر مە دا بھێن، تشتێن زۆر بچويك نەبنه ئاريشە. بلا ئێدی تشت بۆ دەرڤە بھێنە هناردەكرن، داهاتێ پلانا ناڤخۆیی بيت نەك داهاتێ سنوورى بھێته دزين و تنى بۆ بەريكێن دەستھڵاتێ بيت. دجەنگاندا بين قەيرانا برسێ دگەڵدایە، نەخۆشى بھێن قەيرانا برسێ دگەڵدايه. ئاوارە بھێن قەيرانا برسێ دگەڵدايە. چەندين ساڵە كەلوپەل و خارن دهێنه هاوردەكرن بۆ ناڤا هەرێمێ بێ مفاى ژ گەنجان و جوتيارێن ڤێرێ ببینین كو خاكەك باش هەیە و بۆ پيتڤيا مه و بهێتە هەناردەكرن ژی بۆ دەرڤه. سيستەمەكێ پەروەردێ هند پێشكەفتى بكەن بۆ رويدانێت هۆسا قوتابى دويرنەبن ژ خاندنێ. سيستەمەكێ تەندروستى كو نەخۆشێن ژنيشكەكێڤه بھێن زيندانێ نەبينن. كار ل سەر نەخۆشخانەیێت نوى بھێتەكرن و نۆژدار ئێدى پتر كاربكەن كو سيستەمێ تەندروستى دڤێت ل ئاستێ يەكەمین بيت. خێزان ئێدى ب پلان و رەوشنبيرى بھێته پێكئينان و گەنج بھێنه هشياركرن و دخێزانێ بگەهن و پرۆسەيا هەڤژينیێ كو خێزانا ساخلەم بيت جڤاك ساخلەمه. ئێدى حكوومەت خودان پلان بيت و سيستەم بۆ بەرامبەری هەر تشتەكێ نە چاڤەرێ كرى. كۆرۆنا بلا ببيته مامۆستا بۆ هەر تاكەكى كو ئێدى زڤرين بۆ ناڤ جاده و جڤاكى ب مێشكەك تژى ژ هشيارى و هێزێ و دەست ب ئاڤاكرنا كەسايەتى و مێشكێ خۆ بكەين و بهايێ ئازادى و كاركرنێ بزانين.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)