پاکژکرنا ژینگەهێ ب ئەرکەکێ رەواو و بەرچاڤ دهێتە دیتن. یانژى کو نیشانێن پێشکەفتنێ نە و پاکژکرنا ژینگەهێ ژى ئەرکێ هەمى کەسانە و پاراستنا ژینگەهێ ئەرکەکێ نشتیمانیە. پێدڤى یە ل سەر هەر تاکەکى کو پارێزگاریێ ل ژینگەهێ بکەت و ب شێوەیەکى جوان ژینگەهێ بپارێزیت و پیسبوونا ژینگەهێ ژى کو دبیتە ئەگەرێ مرنا ئاژەلا و مەترسی ل سەر هەبوونا نەخوشیان. راستى پاراستنا ژینگەهێ ئەرکەکێ نشتیمانیە پێدڤى یە ل سەر هەر تاکەکى کو پارێزگاریێ ل ژینگەهێ بکەت و ب شێوەیەکى جوان ژینگەهێ بپارێزیت، ل هەر جهێ ئەو لێ بیتن. چونکى ژینکەه کاریگەریەکا راستەوخو ل سەر ژیانا مرۆڤى دکەتن و ب تایبەتى ل وەرزێ بوهارى کو وەرزێ سەیرانا یە و زۆربەیا خەلکى داوەتا و شەهیاناو نیشانیان دبەنە جهێت گەشت و گوزارى و پێدڤى یە ئەم وى جهێ سەیرانا و گەشت و گوزارى ب پاکژ راگرین و هەمى پاشماوێت خارن و ڤەخارنێ ل وى جهى نەهێلین. بەس ب مخابنى ڤە هندەک خەلکێ هەى دناڤ جڤاکێ مەدا کو چ گرنگیێ ب پاکژیا ژینگەهێ نادەن و جهێ خو یاکژ راناگرن دەمێ دچنە سەیرانا. هیڤیدکەم کو ئەم ژى وەکى وەلاتێن پێشکەفتى گرنگیەکا زۆر ب ژینگەهێ خۆ بدەین و ب شێوەکێ جوان راگرین. پیسکرنا ژینگەهێ ئێکە ژ کارێن نەزان و پاشکەفتى دناڤ کۆمەلگەهێدا. بەلێ پاکژ راگرتنا ژینگەهێ و پاراستنا وێ کارەکێ جوان و پێشکەفتى یە.
پاکژکرن و پیسنەکرنا ژینگەهێ و پاراستنا بالندە و گیانەوەرێن دناڤ وێ ژینگەهێ دا ئەرکەکێ نەتەوایەتى و پێتڤى یە ل سەرمە. ب تایبەتیش ل دەمێ چوونا گەشت و سەیراناندا. چونکە ل وى دەمى دێ بینین زۆر ژ وان کەسێن ب مەرەما سەیرانێ قەستا وى جهى یا کرى پاشماوێن خۆ یێ ل جهێ خۆ هێلاین ل دەمێ بالندەک یان گیانەوەرەک قەستا وى جهى بکەتن چ پێ نەڤێت ئەڤ گیانەوەرە دێ تویشى نەخۆشیێ بیت و دبیتن ببیتە ئەگەرێ مرنا وى گیانەوەرى. هەروەسا دێ بیتە ئەگەرێ پیسبوونا سروشتێ ژینگەهێ، چونکى هەر ئەو گیانەوەرن وێنەیەکێ جوان ددەنە ڤێ ژینگەهێ سروشتى ئەڤە ل لایەکى ڤە. ل لایەکێ دى ئەڤ ژینگەهە مولکێ هەمى زیندەوەرەکێ یە چ مرۆڤ بیت یان گیانەوەر و بالندە بیت. بوویە ل دەمێ گەشت و سەیراناندا پێتڤى یە ئەم مافێ چ زیندەوەرێن دى فرامۆش نەکەین و زیانێ نە گەهینینە سروشت و گیانەوەرو بالندێن ژینگەهێ. ئەڤە ژى دیاردەکا بەر بەلاڤە و هەروەسا ژى کو دبێژن شارەوانى ب ئەرکێ خۆ رابن. ئەز دبینم ئەڤە بەروڤاژیێ هندێ یە و ب دروستى ئەو کارێ خۆ رادبن و ب پاکژکرنا ڤان جهان و خودان ئاژەل ژى گازندا دکەن کو دبیتە ئەگەرێ مرنا ئاژەلێن وان و کو ب وى پیساتى و بهنێ و نەخۆشى یێ پەیدا دکەن و کوتژى داخازێ خەلکى دکەم کو ئەو ژى هاریکاربن ل سەر ڤێ چەندێ. چونکى ئەڤە مافێ هەمى کەسان و تایبەتى نوکە کو هەموو دبینن کو هەبوونا نەخۆشیا کۆرۆنایێ بەربەلاڤبوویە. ئەڤە ژى ئەگەرێ هندێ کو ژینگەهەک نەساخلەم هەیە ل جەم خەلکى. لەوما ئەڤ قەدەغەیا هاتن و چوونى ئێکە ژ وان رێکێن کو پیساتى و پاراستنى کێم کەت. لەوما دڤێت هەر کەسەک فێر بیت ل مالێن خو بێنە پەروەردە کرن و فێرى پاکژى بن دا مە ژینگەهەکا تەندروست هەبیت.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)