هەر ساڵ ل (21)ێ ئادارێ گەلێ کورد ئاهەنگێن نەوروزێ و جەژنا نەتەوەیا گەلێ کورد و سەرساڵا کوردى ساخ دکەن. سەرکەفتا کاوەیێ ئاسنگەر ب سەر زوحاکێ خوینمێژ ب هەلکرنا ئاگرى و چوونا سەیرانان ل بیردئینن. یا خویایە دەمەکە ڤایرۆسێ کۆرۆنا یان ژى (کوڤید 19) جیهان هەموو پێڤە مژیلبوویە و بوویە ئەگەرێ ترس و نەخۆشى و مرنا هزاران کەسان ل سەر ئاستێ جیهانێ. هەرێما کوردستانێ ژى بێ بار نەبوویە ژ مێڤانداریا ئەڤى کوژەکى کو نێزیکى (40) کەسان ل هەر سێ پارێزگەهێن (دهوک، هەولێر، سلێمانى) روى ب رویبوونا مەرگى دگەل ئەڤى کوژەکى دکەن. رۆلێ حکوومەتا هەرێما کوردستانێ هەر ژ دەستپێکا پەیدابوونا ئەڤى ڤایرۆسێ پێنگاڤێن هەرە باش هاڤێتینە ژ بۆ روى ب رویبوونا ئەڤى ڤایروسێ و هشیارکرنا خەلکێ خۆ ژ چەوانیا خۆ پاراستنێ و ئالاڤێن پێدڤى ژ بۆ هەر حالەتەکێ نەخاستى ئامادەکرینە. هەروەسا ل دوماهیک بڕِیارێن حکوومەتا هەرێما کوردستانێ قەدەغەیا هاتن و چوونا هاوڵاتیان بوویە ل سەر ئاستێ گشت پارێزگەهان ژ بۆ پاراستنا گیانێ هاوڵاتیێن هەرێما کوردستانێ. لەوما داخازێ ژ سەرجەم هاوڵاتیان دکەم کو ل دەمێ هاتیە دەست نیشانکرن پێگیریێ ب رێنمایێن حکوومەتا هەرێما کوردستانێ بکەن، دا کو ب زویترین دەم سەرکەفتنێ ب سەر زوحاکێ سەردەم (کورونا)یێ بینین و دووبارە ژیان ل ئەڤى وەڵاتدا بەردەوام بیت، نەوروزا هەوە پیروزبیت.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)