بێگۆمان ڤایرۆس و نەساخیا (کۆرۆنا) بووینە سەردێر و مانشێت ل سەر زاراڤ و زمانێ میدیایێ و ناڤەندێن جیهانی کو دئێتە گەنگەشەکرن ب تایبەت ل وەلاتێ (چینێ). لێ ئەم دێ هێنە سەر ڤایرۆس و نەساخیێن دۆمدرێژتر و کا چ رویدەت ل ڤی وەلاتی. ژ پیسکرنا ژینگەهێ و نەبوونا چاکسازییەکا راستەقینە و بێ دادیێ کو ژ ڤێ نەساخیا (کۆرۆنا) دژواترە. زێدەباری هەبوونا کێشە و کریزان و پربوونا قەیرانێن ل ڤێ داویێ ژ کێمیا کارەبا گشتی و گاز و سۆتەمەنیێ و گرانکرنا عەریزا و کەرەستەیێن پزیشکی و دەرمانان و … هتد.
یا خوەیایە کو ڤی ڤایرۆسی جهێ خوە دناڤا ناخ و هەست و دەروونێ ڤی خەلکی دا دروستکریە. بەلێ هێشتا کەسانێن خەمخۆر و خودان هەناسە و دەروونێن پاقژ یێن دقورنەتێن ڤی وەلاتی دا ئاسێ کرینە. ئەگەر رێ بۆ ڤان کەسانێن هەنێ هەبیت، ئامادە و بەرهەڤن هەر جۆرە هاریکارییەکێ پێشکێش بکەن و تەنانەت هندەك ژ وان ئامادەنە پشتێ مرنا خوە ئەندامێن لەشێ خوە ژی ببەخش بۆ مروڤێن هەژار و کێم دەراڤ و بێ دەستهەلات. دیارە هەر ئێكی ژ ڤان کەڤالەکێ تایبەت یێ دناخ و هەستێن وان دا بۆ رێگرتن ل کریارێن دزیێ و گەندەلکاران و چاکسازیێ ب ئارمانجا کو دادپەروەری سەقامگیربیت. لێ هەلبەت هەگەر ئەڤ کێشە و کرێزێن هەیی ب ڤی ئاوایێ بمینن و بەردەوامبن، بێ ئۆمێدی و بێ باوەری دێ ناخی ڤی خەلکی داگێرکەت، ئەڤجا گەلۆ کی ژێ بەرپرسیارە؟!
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)