شەڕڤانۆ
تە دێوێن شەڤێ شاش کرن
هەمى رێ لبەر وندا کرن
تە گولەیێن ڤێ داخ کرن
پرى سنگێ چەقەلا کرن
هەمى چەتە و رۆمى بوونە بەرخ
وەکو سەرادێ کون کون کرن
شەڕڤانۆ
زەندا وەرگرە ژ خانێ دمدم
گۆرزا ب وەشینە
دوژمنا بهەرشینە
وەکو رۆستەم
ئەڤرۆ تۆرانى هاتن کۆم بکۆم
د ڤێن مرنێ ببارینن
بەلگێن گولا بوەرینن
بەلێ نەشیان نە
بوونە جەندەک
بوونە پێترانک
نهۆ وان لاڤە لاڤە
تنێ داوەتا مێرا براوەستینن
لێ هشیار بە
نەکو یا ب شەڕ و جەنگێ نەشیاین بستینن
ب فەند و فێلا کار کەن
تە دەست ڤالە بدەرینن
نە ترامب و نە کەردۆگان
ژ تە را دبن دۆست و یار
ب سۆز و پەیمانێن خوەشک و جوان
بتنێ بتنێ
ب ئاشتیا ژ راست و
ب خوینێ وەلات دروست د بن
ب خەنجەرا سەرێن مارا ژێ د بن
دەستا نە داهێلە
شازدەى ئۆکتۆبەرێ ل بیر بینە
هزار پەیمانێن خرش ب هەلینە
دوهى فێل و
ئەڤرۆ فێلەک دى
رویبارێن سوور بوونە قەلغان
دلێن بسپۆر بوونە شەڕڤان
پەیمانا مە
د گەل ڤێ ئاخێ یە
ب خوینا سوور مە سنوور ڤێ یە
بەرخودان و بەرخودان
تا رۆژ د هەلیت وەکو جاران
سوبە دێ تۆ بینى
کا چەوا تۆرانى دێ کەن بازدانێ
دێ رەڤن و
دێ گیانێن جانگۆریا کەن شەهیانێ
کەنیا زارۆکا دێ بەلاڤ بیت
د گەل بەلگێن گولا ل گەرا دیلانێ