هیڤییەک بۆ دەستپێکرنا پرۆسەیا ئاشتیێ

پشتی شاندێ هەدەپێ سەرەدانا هەرێما کوردستانێ کرین و ب فەرمی داخاز ژ سەرۆکێ هەرێما کوردستانێ کرین هەولەکا جدی بدەت بۆ سەروشنی پرۆسا ئاشتیێ دەست پێ بهێتە کرن ڤە دێ گهورین مەزن روی دەن. کارێزما و کەساتیا نێچیرڤان بارزانی رۆلەکێ کاریگەر و ئەکتیڤ دڤی بواری دا دێ بینیتەڤە. نێچیرڤان بارزانی پەیوەندیەکا مکوم دگەل دەستهەلاتدارێن تورکیا هەیە بگرە ژ سەرۆک کۆماری و سەرۆک وەزیرێن تورکیا و پەیوەندیەکا مکوم دگەل وان هەمی لایەنێن حوکمران هەیە ئەوێن نوکە دەستهەلاتداریا تورکیا ددەستێ واندایە. برایێن مە کوردێن باکوور زۆرترین رێژا کوردانە ل سەرانسەری جیهانێ ئەو پارت لایەنێن نوینەراتیا وان دکەن ب شەری چ ئەنجام بدەستڤە نە ئیناینە و ئەڤرۆ ل جیهانێ ئاشتی رێکا چارەسەریێ یە ئەوێن خۆ ب نوینەرێن گەلی دزانن ئەو دەستکەفتێن هەیین ژی ل دەست داینە ل مەیدانا کوردستانا باکوور ژی نەماینە تنێ هەدەپە مایە کو نوکە نونەراتیا گەلێ کوردستانێ دکەن و دناڤ دەستهەلاتێ دا ماینە ب رێیا پەرلەمانێ تورکیا دشێن ئێش و ئازارێن گەلێ کورد ل تورکیا بگەهینە هەمی جیهانێ. ل ئاستەک بێهێز و بێ دەستهەلات دهێنە دیتن و ئاشکەنجە و نەهامەتیێن زۆر درێکا واندا پەیدا دبن، لەورا هزکرنا وان دجهێ خۆدایە قەستا دەستهەلاتدارێن هەرێما کوردستانێ کرن و دیدار دگەل سەرۆک مەسعود بارزانی. بارزانی و سەرۆکێ هەرێما کوردستانێ نێچیرڤان بارزانی ئەنجامدان، داخاز کرن پرۆسا ئاشتیێ دەست پێبکەنەڤە تاکە رێکە بۆ گەهشتنا ئارمانجێت خۆ، ددیدارا واندا دگەل سەرۆکێ هەرێما کوردستانێ چەندین بابەتێن گرنگ ب ناڤچەیێ ڤە هاتنە بەحسکرن، ل ڤان نێزیکا دێ جارەکا دی نێچیرڤان بارزانی هەولێ دگەل وەلاتێ تورکیا دەتن کو ئەڤ پرۆسا ئاشتیێ بکەڤیتە د بوارێ جێبەجێکرنێ دا و تورکیا ژی ژبەرکو ل سەر ئاستێ جیهانێ هەمی هەژمار شکاندینە یێن پێشکەفتی و وەلاتەک باش دهێتە دیتن تنێ خالا پشتگوههاڤێتنا کوردان تێنە تۆمەتبار کرن ئەوژی دێ ب ڤێ پێنگاڤێ دلخۆشبن و دێ دئامادەبن بۆ ڤێ پرۆسێ و دێ ب باشترین رێک هێنە پێش. ئەڤ پێنگاڤا سەرۆکێ هەرێما کوردستانێ دێ بیتە ئەگەر کو برایێن مە کوردێن کوردستانا باکوور بۆ ڤێ قوناغێ تشتەکی بۆ مللەتێ کورد بدەست خۆڤە بینن.

سەزای تەمەمەلی هەڤسەرۆکێ هەدەپێ زۆر ب چەنتکەکا پر ئۆمیدی ڤە خاترا خۆ خاست و یا گرنگتری هەمیێ ب پشت راستی داخازا جدی یا سەرۆکێ هەرێما کوردستانا ئازاد کرن پشتەڤانیا وانا بکەتن و تنێ ئەوان ب ئۆمێدا گەلێ کورد دبینن ب بەرگریکارێن سەرخەست یێن پشتەڤانیا مللەتێ کورد دهێنە دیتن ل ڤێرەدا بارەک گران دانانە سەر ملێ نیچێرڤان بارزانی و ئەو ب سەردەک دلسۆز بۆ مللەتێ کورد دیتن. لەورا ب ئۆمێدڤە ئەڤ داخازیە ژێ کرن، دێ شێین بێژین وان ژی بۆ ڤێ قوناغێ شیان تشتەکی بۆ مللەتێ خۆ بکەن هاتنا ڤی شاندی کارڤەدانێن مەزن ب دیڤ خۆدا ئینان و دێ ئەنجامێن باش هەبن. سوپاس بۆ خودێ ئەو زولما ب درێژاییا مێژوویێ ل مللەتێ مە هاتیە کرن چل ملیۆن کورد ل جیهانێ هەنە تنێ هەرێما کوردستانێ ب ئازادی دژین و تارادەیەک باش مافێن گەلێ کوردستانێ پارچەک ژ هەر چار پارچێن کوردستانێ مەرجەعەک بۆ کوردان هەیە و هەستا کوردایەتیێ ل هەر چار پارچا هەمان هەستە ئەم ژی چ ژ مە کێمتر نینە ژ مللەتێن جیهانێ تنێ ئەم کوردین مە ئەف تاوانە نەبیتن چدی مە نینە مللەتەکین دبێژینە دەوروبەر خۆ ئەم ئاشتی خازین نە جهێ مەترسیێ ینە بۆ هەوە مە دڤێت جیرانێن باش بین دگەل ئێک. دڤان دیدارا دا زۆر رامان هەبوون یا ئێکێ مللەتێ کورد ل هەمی جیهانێ چاڤێ وان ل ڤێ هەرێمێ یە ببیتە ئەگەرێ هندێ تشتەکی بۆ ڤی مللەتی بکەتن و پارچە و پارچە ژ زولم و زۆرداریێ خلاسکەتن یا دووێ ئێک بوونا هەستا نەتەوایەتی و ئێکرێزیا ناڤمالا کوردان و ئەڤێ چەندێ دێ ل ئایندەیی مفایێن خۆ هەبن بۆ مللەتێ کورد ب گشتی.

نێچیرڤان بارزانی ئەو سەرۆکە یێ هەمی ژیانا خۆ تەرخانکری بۆ بدەستڤە ئینانا مافێن گەلێ کوردستانێ ل سەرانسەری جیهانێ ب سیاسەتەک نوی و سەرکەفتی مینا سەرکردەیێن جیهانێ ئەوێن شیاین تشتەکی بۆ مللەتێن خۆ بکەن، نوکە چاڤێ مللەتێ کورد ل سەرانسەری جیهانێ لسەر نێچیرڤان بارزانی یە تایبەتی کوردێن کوردستانا باکوور ب ئۆمێدن دێ لڤلڤینەک چێبیت و دێ گهورین هەبن و دێ پرۆسا ئاشتیێ دووبارە کەڤیتە د کاری دا تاکو تشتەک بۆ ڤی مللەتێ بن دەست بهێتە کرن و دێ ئەف پرۆسە بیتە ئەگەر و کلیلا چارەسەریا زۆر کێشەیان. ژبلی هندێ چاڤێ جیهانێ ژی هەمیێ ل سەر ڤێ پێنگاڤا سەرۆکێ هەرێما کوردستانێ دێ بیتن و ئەگەر سەر بگریت و مافێن مللەتێ مە ل کوردستانا باکوور بهێنە چەسپاندن دێ پێنگەڤەکا هەرە سەرکەفتی بیتن چونکی نوکە ئەو ل لوتکەیا بێ ئۆمێدیێ دا دژین ل چەرخێ بیست و ئێکئ داینە مافێن وان پتر دهێتە خارن ب ئەگەرێ سیاسەتێن چەند پارت و لایەنێت خۆ ب خودانێ قەزیا مللەتی دزانن. نوکە برایێن مە کوردێن کوردستانا باکوور چ ئۆمێدەکێ ل پێش خۆ نابینن تنێ ئەڤ رێکە چارەسەریە مایە کو سەرۆکێ هەرێمێ خۆ ل وان بکەتە خودان و ئەنجامەکی بدەست خۆڤە بینیتن. سروشتێ نێچیرڤان بارزانی ژی هوسایە یان چ تشتا نابێژیت یان دەمێ سۆزەکێ ددەت بجدی کار ل سەر دکەتن و ئەم مللەتێ کورد دڤێت مە باوەریا مەزن ب وی هەبیتن سیاسەتا وی یا نەرم زۆر دەستکەفت بۆ مللەتێ مە هەبووینە و مللەت چاڤەرێی کارێن باشتر و خۆشگوزەرانیەکا مەزنترە و دهێتە دیتن گهورین یێت چێدبن. ئەڤرۆ ب سیاسەتا وی یا سەرکەفتی کورد خودان مەزنترین پێگەها پەیوەندیێن نیڤ دەولەتی یە و یێ بەرگریێ ژ مافێن مە دکەن وەک پشتەڤانی بۆ سەرۆکێ هەرێما کوردستانێ و ل ئایندەیی کوردەک ل جیهانێ نامینیت ب سەرفرازی نەژیت، چونکی ئەم مللەتەک ئاشتی خازین جهێ سەر ئێشی ژی نینین بۆ چ خەلک و وەلاتان و دێ هەر چار پارچێت کوردستانێ بنە ئێک و دێ لبن زولم و زۆرداریێ خلاسبن و دێ بیتە مللەتەک بهێز ل ئایندەیەکێ نێزیک تێتە چاڤەرێ کرن ب گهورینین جیهانێ.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top