بەری چەند سالا و ل سەر دەمێ رژێما بەعسا شۆفینی گەلەک جارا مە گوە ل چیرۆک و ئاخینکێت خەلکێ دبوو ژلایێ سەروەر و دەستهەلاتێن وی سەردەمی ئەوبوون یێن زولم و زۆرداری ل فەقیر و ژارا دکرن و یێ فەقیر هەردیم غولام و بەنی و حاجز بوون ژ وان سەروەرا را. لێ پشتی ژناڤچوونا رژێما بەعسا شۆفینی و شکەستنا سەدامێ گۆربگۆر خەلکێ مە دگرنژین و دگۆتن ب دۆماهیک هات ئەو زۆرداریا ل مە دهاتەکرن و دگۆتن مافێ مەژی وێ هەبێت ب ئاخڤن. لێ مخابن مە نزانی هێشتا سەروەر و دەستهەلاتێن هۆسا ل ناڤ مەدا دپرن و هەر بەرێ وان ل فەقیر و هەژارا و بێ پشتایا. گەلەک هەنا ل ناڤ مەدا ل کوردستانێ دا ئەو نە بەرپرسن، لێ پشتا وان ب بەرپرسەکی یا گەرما و تەعدێ ل خەلکێ فەقیر دکا. من گوه ل چیرۆکا کەسەکی بوو هەر ل کوردستانێ کەسەکی “رەماش” ل ترمپێلا کەسەکی کرن ل نێڤا شارەعێدا و بەس چما “رەماش” ل ترمپێلا وی کربوون ئەو کەس د بر گولا و ئەو کەس نا بەرپرس بوو بتنێ پشتا وی ب بەرپرسەکی یا گرم بوو. وسا کر چونکی زانی دەستێ دیڤچوونێ و سزادانێ ناگەهیتا وی. ب شعاراتە دبێت کەس نەشێت ببیتە قەپێ دەستهەلاتدارێن کوردستانێ، لێ بۆ شکاندنا وان شعارا ژی کەس نەشێن هەڤرکیا وان بکەت. شعارێ بەرپرس و دەستهەلاتدارا ل کوردستانێ کەس ل سەر یاسایێ دا نینا و ل سەر عەردی چ یاسا ل کوردستانێ ل سەر وان نینا.
یاسا بەس بۆ رێکخستنا ژیانا کۆمەلگەهێنا و دەستنیشانکرنا پەیوەندیێن ناڤبەرا تاکە و تاک تاک و گۆمەلگەه خەلک و دەستهەلاتدار. یاسا بۆ رێکخستنا پەیوەندیێن ناڤبەرا مرۆڤ و مرۆڤی دەیا، لێ دەستهەلاتدارێن کوردستانێ ل حەقن یاسایێ بشکێنن ژبەر ئەو خۆ ژ مرۆڤان ژ وەلاتیان ژ یاسایێ ژ گۆمەلگەهێ ژ فەقیر و ژارا مەزنتر دبینن. و کەنگێ ئەو ل ناڤ کۆمەلگەهێ دەنا کەنگێ وان دەستهەلاتا خۆ دیتینا بەشەک ژ مە کەنگێ ل ناڤ کۆمەلگەهێ گەریانە و کەنگێ یەک ژی ژبەر حالێ مە خەمەک خۆاریا و کەنگێ ژبەر نەبوونا کەهرەبێ ئەنیا وان خوه دایا و کەنگێ ژبەر نەبوونا پارا خەو ل چاڤێن وان حەرمیا؟ ب هیچ تشتەکی خۆ نەدیتینا وەکا کۆمەلگەهێ، ڤێجا لۆما ب یاسایێ نە وەکی مرۆڤانا و ئەو خۆ ب پلەیەکێ ل سەر مرۆڤان را دبینن. ژ بەر ڤان ئەگەرێن مە بەحسکری گەندەلیا ل کوردستانێ هەی ل دەرەکێ نینا و هەر ژبەر ڤان ئەگەرایا هەرۆ لەشکەرێن دەولەتەکێ تێن پیاسە ل ڤێ ئاخێ دکەن ب ملیارا ژ ملک و مالێ وەلاتی برن و وەلات کرنا فەوزەخانە، لێ ئەو پارتین دەستهەلاتدار ژی ڤان هەموو تشتا دکەن و ژ مە ناترسن ل دەنگدانێ دبیژن هەر دەنگێ وان یێ مەیا ژبەر وێکێ هەر گەندەلیێ دکەن و وسا بوویا هەتا ل سەر تۆرێن کۆمەلایەتی خەلکێ مە نەوێرن گازندا بکن و باخڤن و نەرازی بوونێن خۆ دیارکن.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)