ئەگەر هەر دەستپێکا مرۆڤاتیێ بەرێخودانێ بکەین دێ بینی کە مرۆڤ بێ ئاین نەشێت بژیت، چونکی ئەڤە خارنەکا روحیە، دل و دەروونێ مرۆڤ ئارام دبیت . هەر ئاینە رەفتارێن مرۆڤی دگوهریت ب هەبوونا هندەک یاسایێن گشتی، بەرنامێ هەمی پێخەمبەران بوو هندێ بیە دا رێکخستن بێخن ژیانا خەلکی، ئامۆژگاریا خەلکی بکەن کە دویر بکەڤن ژ هەر تشتەکێ نەشرین و نەدروست دناڤا خەلکی دا. ئەڤرۆ گەلێ کورد ب گشتی کە ڤیانەکا مەزن بۆ ئاینێ خوە هەیە، پتری ٩٠٪ ئاینێ ئیسلامێ پەیرەو دکەن و پیرۆز دهێت دانان. ئاینێ ئیسلامێ کە بەرنامێ ژیانە، ئەگەر ئەم بهێین بەرێخودانێ بکەین ئەم وەکی کورد نابینین چ جارا ئاینێ ئیسلامێ ببیت رێگر بۆ گەهشتن ب ماف و داخازیێن مە، بەلکی هەر ب پاڵدەرێ ئاینی خەلک دەردورێ شۆرشان و سەرهەڵدانا کۆمکریە بۆ نەهێلانا ستەمێ خەبات کریە. هەر ئایین بییە رێکەکا ب هێز داخازا مافێن خوە بکەین. راستە زۆر جار ب رێکێن ئاینی کورد سەردابرینە، بەلێ ئەڤە خەلەتی مرۆڤان دایە، ئایین پاکژە ژ هەر زۆرداریەکێ. بەس جهێ ئەسەفە کەسانەکێ توندرەو و هزر سەپێن و دژی ئازادی دەستکریە ب لێدان و دژاتیا ئاینێ ئیسلامێ. زۆر جار ملیۆنان کەسان بریندار دکەن، ئەڤ کەسێن فاشل و دژە ئیسلام دڤێت وەسا نیشان بدەن کە ئەڤ رەوشا ئەم تێدا دبورین خەتایێن ئیسلامە؟ وەسا نیشان ددەن کو پێشکەفتنا مە ئیسلام رێگر بووە؟ ژ بەر هندێ هەر چەند رۆژەکا دێ بینی هێرشەکا مەزن و رێکخراو رادگەهینن کە هێرش دکەن سەر پیرۆزیان. ڤێت رێز ل هەمی ئایینان بهێت گرتن، بەلێ یا سەیر ئەوە ئەڤ کەسە چ جارا نەوێرن ژبلی ئیسلامێ هێرشی ئایینێن دی بکەن و کێمترین رەخنە لێ هەبوونە! زۆر جار بەرگریێ ئایینێن دی دکەن ب ناڤێ ئازادیێ. ئەڤەش ژ بەر وەلی ئەمرێ خۆیە دا عاجز نەبن. ئەڤ کەسێن هزر گەنی دێ بەحسێ خەرجیا حەجیان کەن کە ئێکە ژ فەرزێن موسلمانا کەسەکە ب پارێ خوە سەفەر دکەت! بەلێ ئەو نابینن کە رۆژانە ملیار دینار دهێت دزین ژ هاوڵاتیان؟!
مزگەفت ژ بلی جهێ خوداپەرستی چەند کارێن مرۆڤاتی دهێن ئەنجام دان، ب رێکا مزگەفتێ بەرگری ژ خاک و نیشتیمان هاتە کرن ل شەرێ داعش، ب رێکا مزگەفتێ دەستێ هاریکاریێ هات درێژکرن بۆ قوربانیێن شەرێ داعش هەتا دیماهیکێ. باشە کەنگی دەنگێ بانگی و زەنگا کەنیسێ بۆ مللەتی کێشەیە؟! ب کورتی ئەڤ کەسە هزر گەنینە، هزرێن وان یێن گەنی وەڵات وێران دبیت. هندی کەسانەک مەشغولی شکاندن ولێدانا ئیسلامێن نیڤ ژ وێ هندێ کارکربا سەر پرۆژەکێ چاکسازی دا ئەڤرۆ پێشکەفتیتر بین. چونکی ئەم پێتڤی ئیدارە و رێڤەبەریەکا دروستین، ئەم پێتڤی ئاڤەدانی و خزمەتگۆزاری هەینە، ئەڤە کێشەیە. ڤی ئایینی مرۆڤ پێشکەفتنا دنیایی و پرۆژێ خێرێ دەست ڤاڵا کریە کە ب عەقلێ خوە بەرنامەکێ دانن دێ فەرموون. لێ ئەڤ کەسێن دویری لوژیک و واقع نەبین عینادیەک و جۆرە دوژمناتیەک دگەل ئیسلامێ هەیە، ئەگەر ژی ئەوە نەشێن ب دروستاهی ژەهرا خۆ بەڵاڤ بکەن و بگەهن ئامانجا خۆ. توندرەوێن ئەڤرۆ یێت دژی ئایین مەترسیەکا مەزنن بۆ تێکچوونا کۆمەلگەهێ کە بەرهەمێ وان دووبەرەکیێ و فتنەیە. چونکی دەمێ تە هەمی رێک ئازادیا بەرامبەر گرت، تە بەرامبەر کرە زیندانەکێ دا تە پێل پیرۆزیان دانا تایبەت لایەنێ ئایینی ڤێرە کەسێ بەرامبەر وەکی پشیکەکێ دێ خوە ناڤ چاڤێت تە دەت. ئەڤ ئاژاوە و رەوشا نها کوردستان هەتا یا بەرێ نوکەژی چ ئایینەک نەبیە ئەگەرێ تێکدانا ئاشتیێ، هەر کەس ئازادە کە مزگەفت یان کەنیسە یان پەرستگەهەکێ هەلبژێریت، بەلکی هەر شەرە پلە و پۆست ناڤبەرا چەند هێزەکا دا بییە ئەگەرێ ڤان کێشا و ڤان فەشەلا، تا ئاستەکێ زۆر باش کوردستانێ پێکڤەژیان دناڤبەرا هەمی ئایینان هەبییە، هەر ئایین دەرگەهێ چارەسەریا کێشان بیە.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)