نێچیرڤان بارزانی ل چەندین سالێن بوری سەرۆکێ حکومەتا هەرێما کوردستانێ بوو، د بوارێ تەکنۆلۆجیایێ رۆلەکێ ئەکتیڤ و سەردەمیانە گێرا بۆ پێشکەفتنا هەرێمێ دڤی بواری دا. ئەگەر ئەم پیچەک بۆ مێژوویا کوردستانێ بزڤرین ل ڤان چەند سالێن بوری کوردستان مینا هەمی وەلاتێن ناڤەراست ژ روویێ تەکنۆلۆژیایێ د ئاستەک نزم دابوو و خەلکێ کوردستانێ ژ مفایێن وێ بێ بەهربوو. لێ هزرکرنا سەرۆکێ هەرێما کوردستانێ دڤی ب واری دا کوردستان بەرەف ئاستەکێ ناچەڤەرێکری بر کو قەت د هزرا چ تاکەکێ کوردستانێ دا نەبوو. ئەڤرۆ ئەم بەرێ خۆ بدەینێ کوردستان خودان پێگەهەکا مەزنە دبوارێ تەکنۆلۆژیایێ دا ب بەلگە هەر تشتەکێ نوی د ڤی بواری دا دەرکەڤیت ل وەلاتێن پیشەساز یێن زلهێز هەمان دەم ل کوردستانێ هەمان تشت دهێتە دیتن. دیسان ل هەرێما کوردستانێ پێشکەفتنەکا مەزن د ڤی بواری دا هاتیە دیتن جیهان ب ئەنترنێتێ سەرەدەریێ دکەتن ل هەرێما کوردستانێ ژی هەمان کار دهێتە دیتن، ب سەدان کۆمپانیایێن جیهانی ل کوردستانێ رۆلێ خۆ دگێرن و تایێن وان ل سەرانسەری کوردستانێ هەنە. دەمێ نێچیرڤان بارزانی سەرۆکێ حکومەتا هەرێمێ بوو دناڤا حکومەتێ دا سەدان سیستەمێن نوی یێن پێشکەفتی ئێسختنە دبوارێ جێبەجێکرنێ بۆ ئاسانکرنا کارێ حکومەتێ و یێن سەرجەم تەخێن وەلاتیێن کوردستانێ. دیسان رێک هاتە ڤەکرن و رێ هاتە خۆشکرن ب سەدان تاکێن کوردسانێ بەهرەیا خۆ تاقی بکەن و پرۆگرامێن سەردەمیانە بێخنە د بوارێ خزمەتکرنێ مینا وەلاتێن پێشکەفتی. نوکە کوردستان چ ل وەلاتان کێمتر نینە یێن تەکنۆلۆژیەکا پێشکەفتی تێدا هەیی. سەدان کۆمپانیایێن کوردستانێ داهێنانێ دکەن زۆر ژ وان کارێن وان یێن سەرکەفتی ل سەرانسەری عیراقێ بەربەلاڤ بینە و پێشکەفتینە، زۆر کۆمپانیێن کوردستانێ بووینە لێکدەرێ کەل و پەلێن کۆمپانیایێن پێشکەفتی و بووینە نوێنەرێن کۆمپانیایێن جیهانێ بۆ داهێنانا تەکنۆلۆژیەکا پێشکەفتی و مۆدێرن ئەڤێ چەندێ ژی شەهرەزاییەکا باش دڤێت و کوردستان شیایە ببیتە جهێ بیر و باوەرا کۆمپانیایێن پێشکەفتی، بازارێ ئۆنلاین ل سەرانسەری کوردستانێ رۆلێ خۆ دگێریتن و سەرکەفتن بدەستڤە ئیناینە و ئاسانکاری بۆ ژیارێ پەیدا کرینە و خەلکێ کوردستانێ تێدا مفاداربوویە.
نێچیرڤان بارزانی بناغەک مۆدێرن بۆ حکومەتا هەرێمێ دانایە و سیستەمێن نوی هندەک کەفتینە کاری و چەندین سیستەمێن دی ژی ئەم یێ دبینین دێ بنە سیستەم و دێ کەڤنە کاری بۆ ئاسانکرنا ژیارا خەلکێ کوردستانێ و زۆر ل وان سیستەما دێ د بەرژەوەندا مە دابیتن دێ بیتە ئەگەرێ دادپەروەریێ دناڤ هەرێما کوردستانێ دا. نێچیرڤان بارزانی سیستەمەک نوی بۆ زانکۆ و پەیمانگەهێن کوردستانێ سەدان سیستەمێن نوو و مۆدێرن دامەزراندن و مفا ژێ هاتیە دیتن. ب ئەگەرێ زۆر گەریانا سەرۆکێ هەرێما کوردستانێ بۆ وەلاتێن پێشکەفتی و ئەو پەیوەندیێن وی دروست کرین و ئەو تەکنۆلۆژیایا پێشکەفتی یا وەلاتێن زلهێزێن جیهانێ هەمی کرنە بیرۆکە و هەمان تێست ئینانە کوردستانێ و خەلکێ مەژی زۆر ب هزر و بیر بوون هەر زوی شیان سەرکەفتنێن مەزن بدەست خۆڤە بینن و هەمان بیرۆکەیان ل کوردستانێ جێبەجێبکەن. نێچیرڤان بارزانی هند خزمەتا خەلکێ کوردستانێ کر و هند ژین و ژیارا خەلکی خۆشکر ئێدی ئەگەر بەرێ خۆ بدەینێ هەر تاکەکێ کوردستانێ ل پێشکەفتنا تەکنۆلۆژیایێ بێ بەهر نەبوویە و ئەو کەل و پەلێن پێشکەفتی یێن جیهانێ ل هەر مالەکا کوردستانێ دهێتە دیتن مینا وەلاتێن پێشکەفتی ئەوێن ب سەدان سالان دەولەت. مللەتێ مە بێ بەهر نینە ل پێشکەفتنا تەکنۆلۆژیایێ ژ هەمی بواران دا کوردستان خودان راگەهاندەکە زۆر جاران مینا وەلاتێن جیهانێ دبیتە سەرچاوە بوو هەمی جیهانێ رۆژانە هەر ریدانەکا ل جیهانێ چێدبیتن کوردستانی دەم ل دەست هەمان ریدانا دزانن. نێچیرڤان بارزانی بریارا ڤەکرنا فرۆکەخانەیان دا و کۆدێ فرۆکەخانا بدەستڤە ئینا ئەف چەندە ژی بوو ئەگەر بازرگانێن کوردستانێ بشێن سەرەدەریێ دگەل هەمی جیهانێ بکەن و بشێن تەکنۆلۆژیەکا پێشکەفتی و مۆدێرن بینە ناڤا خەلکێ کوردستانێ. سۆشیال میدیا و سەدەریکرنا خەلکێ کوردستانێ دگەل جیهانێ و هاتنا سەدان پرۆگرامێن پێشکەفتی یێن جیهانێ خەلکێ کوردستانێ بەرەف ئاستەکێ رەوشەنبیریانە بر و بەهرەمەندێن کوردستانێ مینا وەلاتێن پێشکەفتی هەژمار شکاندینە و زۆر جاران بووینە قەهرەمانێن جیهانێ و ب ئالایێ پیرۆزێ کوردستانێ. نێچیرڤان بارزانی د بنەرەت دا هزرا وی دایە خەلکێ هەرێما کوردستانێ ژ بەر ئەوان نەهامەتیان ب سەرێ مللەتێ مە هاتین ببیتە خۆشی و خۆ ژبیر کرن و هەر تاکەکێ کوردستانێ ئەڤرۆ شانازیێ ب کوردبوونا خۆ دبەتن. ل زۆر بواران دا کوردستانیان سەرکەفتن بدەست خۆڤە ئیناینە و کوردستانیان پشتەڤانەک هەیە ب سەرۆکێ هەرێما کوردستانێ پشت گەرمن ب هەلویستێن وی و بوویە ئەگەر کو پتر سەرکەفتنان بدەست خۆڤە بینن. نێچیرڤان بارزانی زۆر ئاسانکاری بۆ کۆمپانیایێن بیانی کرن و بوونە ئەگەر کوردستانێ پێگەهەکا مەزن و پێشکەفتی و مۆدێرن هەبیتن د بوارێ تەکنۆلۆژیایێ دا.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)