ل قەندیلی، ئەنقەرە ناهێتە شکاندن

تورکیا یەک ژ دەولەتێن دەڤەرێ یێن بهێزە، ژلایەنێ سەربازی و چەکی گرنگی و هەبوونا وان دیارە و کار ژ بۆ پێشڤەبرنا ڤێ یەکێ دایە و بودجەیەکا مەزن سالانە دهێتە تەرخانکرن بۆ مەبەستا سەربازی و دەولەتا تورکیا دوو دەولەتە د دەولەتەکێ دا. ئانکو دەولەتا مەدەنی و دەولەتا سەربازی، ئانکو تورکیا دەولەتەک بهێزە. پێشتر پێشی رەجەب تەیب ئوردۆغان ببیتە سەرۆکێ تورکیا دەولەتا سەربازی زالتر بوویە و و بێسنور بوویە ژ هەمو لایەنا ب سەر دەولەتا مەدەنی یا تورکیا. لێ ل پشتی هاتنا رەجەب تەیب ئوردۆغان گوهرینێت مەزن پەیداکرن و سنوور ژبۆ دەولەتا سەربازی هاتنە دانان وەکی نەدبوو سەرکردێن سەربازی بێی دەستویریا دەولەتا مەدەنی ب ئازادانە داخویانیا بۆ راگەهاندنێ بدەن د بابەتێن سیاسی دا و یا ژڤێ جوداتر ژی یەک ژ مەزنترین کۆدەتایێن ل تورکیا هاتینە ئەنجامدان ب مەبەستا ژناڤبرنا ئوردۆغان ڤێ کۆدەتایێ شکەستن ئینا. ژبەرکو سیاسەتا ئوردۆغانی یا بهێز وەکر ئەو پەنایێ ببەتە بەر رایا گشتی و شیا ڤێ ئاستەنگێ دەربازبکەت. ل ڤێرێ ب گشتی تورکیا و وەلاتیێن وێ ب گشتی تەنازولێ بۆ هیچ وەلاتەکێ جیهانێ ناکەت، هوسا هاتینە فێرکرن کو ژلایێ نەتەوەیی ڤە د خۆپەرست بن و ب تایبەت پشتی هاتنا ئوردۆغان بۆ سەر دەستهەلاتێ پشتبەستن ل سەر خۆ و خاکا خۆ پتر ل وی وەلاتی بەرچاڤە و ئوردۆغان دبوارێ گووتاربێژیێ دا شیانێت هەری باش هەنە کارتێکرنەکا راستەوخۆ ل رایا گشتی یا تورکیا و بەلکو ل جیهانێ ژی هەیە ب شێوەی پەیامێن توند دگەهینیتە هند وەلاتان و گیانێ تۆلڤەکرنێ ل دەف هەیە کو رۆژانە د گووتارێن خۆ یێن جەماوەری دا بەرسڤا دژایەتیێن دەولەتێن دن یان پارتێن سیاسیێن هەڤرک ددەت.

دیاردبیت بەردەوام د ئاخفتنێت خۆ دا توندە تا ل هەمبەر دەولەتەکا زلهێز وەکی ئەمریکا ئانکو ئەنجام ب دیارکرنا ئیرادەیەکا بهێز ژ لایێ تورکیا ئەو دکاریت ببیتە هەڤرکەک سیاسی و سەربازی سەرسەخت بۆ هەر دەولەتەکا هەبیت. دبیت هەر ئەڤە ببیتە ئەگەر کو هەبوونا پەیوەندیێن تورکیا پشتی هاتنا ئوردۆغان بەرەڤ کێمبوون چوویە دگەل جیهانێ و ئانکو تورکیا زێدەتر د چارچۆڤێ بەرژەوەندیێت خۆ دا گرنگیێ ددەتە پەیوەندیا ب وەلاتێن دەستنیشانکری. یا گرنگ پەیوەندیێن هەرێما کوردستانێ دگەل وەلاتێ تورکیا د ئاستەکێ هەری باش دایە نێچیرڤان بارزانی سەرۆکێ هەرێما کوردستانێ ل پێشتر و ل نها ژی بەردەوام هەول بۆ پەیداکرنا ئێمناهیا هەرێمێ داینە و ئەو ژی ب رێیا پەیوەندیێن دبلۆماسیێن بهێز دگەل جیهانێ ب گشتی و دەولەتێن زلهێز و دەولەتێن جیران ب تایبەتی. مادەم کورد نە دەولەتین و دەولەتێن جیران ب هێزن ژ هەر لایەنەکێ هەبیت نابیت ب چ شێوازەکێ بکەڤینە د هەڤرکیێن دژایەتی و شەرو توندوتیژی دا دگەل وان وەلاتان. ژبەرکو د ئەنجام دا دێ بەرسڤ ب توندی ژبۆ هەرێمێ زڤریت و نە ئارامیێ ل کوردستانێ پەیداکەت. یا ئاشکەرایە کورد خودان ئیرادەنە کورد بهێزن کورد شەرکەرن کورد دەستێوەردانێت چ دەولەتەکێ قەبوولناکەت. لێ دڤێت ژ وێ راستیێ ژی نە رەڤین کو ئەم هەرێمین نە دەولەتین کو مە دەستهەلات تمام هەبیت و سنورێن کوردستانێ نەهێنە بەزاندن. یا دیتر دەما پێنگاڤ بۆ شەری دهێتە دانان دڤێت ئەو وەلات هەڤرکێ خۆ بنیاسیت ب بەرچاڤ وەرگرتنا ژمارا دانیشتوان رێژا هێزا سەربازی یێ دەولەتێ و ژمارە و جۆرێ چەکێن بکاردئینن و هەین ددەولەتێ دا، ئانکو نە یا واقعی یە ل بەندا هەموو دەولەتان ب جەنگین ئەگەر جیهان هەموو دوژمن بیت بتنێ یێ دهێتە سەر ئاخا مە دێ بەرەڤانیێ ژ ئاخا خۆ کەین.

کورد هیچ دەمەکێ لایەنێ ئێکەم نەبوویە بۆ هێرشا سەربازی بەلکو ب درێژاهیا دیرۆکێ بەرەڤانی کریە. ئەڤجا نە یا واقعی یە ب کەڤینە د شەرەکێ توند دا بەرامبەر تورکیا، و نە یا راستە تورکیا بهێتە ئازراندن ل هەمبەر گەلێ مە ب رێیێت نە ئاسایی و ب رێیا پلانێت کوژەک یێن پەکەکە. پەکەکە وەکە گروپەکێ چەکداری یێ بێبنەما و دویر ژ یاسا و رێسایێت نیڤدەولەتی و نەبوونا چ رێکخستن و چ سیستەما دخازیت و کار ژ بۆ وێ یەکێ دکەت تۆمەتا ل سەر هەرێما کوردستانێ ددەرهەقا تورکیا دا دروستبکەت ژبۆ تێکدانا پەیوەندیێن هەرێم و تورکیایێ و ژبۆ تێکدانا ئێمناهیا هەرێمێ. پەکەکە دهێتە سەر ئاخا هەرێمێ کارێن خۆ یێن تیرۆرستی و پلانێت خۆ یێن ئاژاوەگێری جێبەجێدکەت ژبۆ هەرێم ببیتە مەیدانا شەری بۆ پەکەکە و تورکیا، یان ژبۆ هەرێم و تورکیا ل هەمبەر یەک راوەستن یان پەکەکە ئارمانج پێ ئەوە هەرێمێ ل هەمبەر تورکیایێ شەرمزار بکەت، ئانکو دیاردبیت گرووپێ چەکداریێ پەکەکە چ بنەما و سیستەمەک نەبوویە، ئەگەر نە بۆچی دێ لایەنەکێ دی ئیننە د بابەتی دا کو نە دگەل هزرا وانە. یا گرنگ دنها دا هەبوونا ئێمناهیێ یە ژ بۆ هەرێما کوردستانێ و پاراستنا پەیوەندیێن هەرێمێ یە دگەل تورکیا و ب جیهانێ ب گشتی، ژبەرکو ل دیڤ گوتارا بارزانی هەرێما کوردستانێ بەرەڤ ئاڤەدانی و پێشکەفتنێ بچیت و دویربیت ژ ئاژاوە و شەر و کوشتن. گروپەک نە بیتە سەدەما تێکدانا رەوشا ئێمناهیا هەرێما کوردستانێ و زێدەتر هەرێم بەرەڤ ئاشتی و بهێزکرنا پەیوەندیێن دبلۆماسی و ئابوری و پەیداکرنا ئێمناهیێ بچیت.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top