پەکەکە نەبوویە فریشتەیا ئازادیێ بۆ کوردێن باکوور

باشترین بهانە بۆ تورکیا هەبوونا پەکەکێ یە ل دەڤەرێ. رۆن و ئاشکرایە پەکەکە بێ تەقە دەڤەرێن برادۆست و قەندیل بۆ تورکیا چۆلدکەت و روودانێن ڤێ دوماهیێ و کوشتنا دبلۆماتکارەکێ تورک زێدەتر دەستێ پیسى پەکەکێ نیشانددەت بۆ تێکدانا رەوشا ئەمنیا کوردستانێ. سنورێ جۆگرافیا خەباتا پەکەکێ باکوورێ کوردستانێ یە و دوژمنێ سەرەکیێ وان سووپایێ تورکیایە. بەلێ دشاخێن کوردستانێ دا ماینە و بوینە بەلا ل سەر گوندێن دەڤەرێ و خۆ ل ناڤ مال و حالێ خەلکى دا ڤەدشێرن. دروستکرنا هێزەکا نوو یا پەکەکێ بۆ ئالۆزیێ و ئاژەوەگێریێ ل هەرێما کوردستانێ. ئاشگرایە کو پەکەکە هندى بۆ تێکدانا کوردستانێ هاتیە دروستکرن هند نەبوویە ئالۆزى بۆ تورکیا و سووپایێ وى نەبوویە فریشتەیا ئازادیێ بۆ خەلک و کوردێن باکوور. ل دەمێ بورى ب رەڤاندنا زارۆکان و خۆ پەقاندنێ خۆکوشتنێ زیان گەهاندیە خەلکێ تورکیا و خزمەت ب هزرا رەگەزپەرستیێ کریە هزروبیرا رەگەزپەرستیێ ل لایێ تورکیا ساخکرەڤە. ئەڤەژى بوویە زیان بۆ کوردێن باکوور و خەلکێ کوردستانێ. پەکەکە بەروڤاژى ل بەرەڤانیا ئاخا خۆ دگەهیت پێتڤى بۆ ئەو شەرێ ل هەرێما کوردستانێ دکەن بەرامبەرى ئارتێشا تورکیا کو دبێژن بۆ رزگارکرنا ئاخا کوردستانێ یە. ئەو بەروڤاژى د سیاسەتا خۆ گەهشتینە ئەو سووپایێ تورکیا نەهاتیە بۆ داگیرکرنا هەرێما کوردستانێ د راگەهاندنێن خۆدا ژى سەرکردەیێن تورک ج جارا نە گوتیە دێ هەرێما کوردستانێ داگیرکەین.

ئەگەر وان بۆ داگیرکرنا کوردستانێ وان سووپایێ خۆ بۆ سەر سنورێن هەرێمێ کۆمکربن، وى دەمى هەرێما کوردستانێ خودان مەزنترین پێشمەرگەیە ئەو پێشمەرگەیێ بەرامبەرى مەزنترین رێکخراوا تیرۆرستى راوەستیاى ل پێش هەموو جیهانێ شەڕکریە، وى دەمى ئەڤ پێشمەرگە ب قەهرەمانیا خۆ دا بەرامبەرى وى لەشکرێ تورکیا راوەستیت. بەلێ بلا پەکەکە سیاسەتا خۆ بگەهیت هەرێما کوردستانێ ل بن چ زولم و زۆرداریا نینە ئەوا ئەو دکەن ب تنێ بۆ هندەک مەرەمێن خۆ یێن سیاسەتا بەروڤاژى نە بۆ تێکدانا رەوشا ئەمنى یا هەرێما کوردستانێ بۆ چۆلکرنا گوندێن هەرێمێ و تێکدانا کەرتێ چاندنێ ل گوندان و ناڤبرنا مەرومالاتێ وەلاتیان ژناڤ برنا کەرتێ گەشتیارى یە. کوردستان ل دەمێ بورى تووشى چەندین ئاستەنگان بوو تایبەت پشتى ئازادیا عێراقێ کو کوردا خواست کار ب دەستورى بهێتەکرن. بەلێ مخابن مافێن کوردا هاتن خارن ژلایێ حکومەتا عێراقێ ڤە و د هەمان دەمادا شەڕێ رێکخراوا تیرۆرسى یا داعش کۆ پێشمەرگەى ب سەرۆکاتیا بارزانى زێدەترى هزار کیلۆمەترا دپاراست. مەزنترین دەولەتا ب ناڤێ داعش ل سەر دەستێ پێشمەرگەى هات ژناڤبرن. پەکەکە بلا هزرا خۆ د سیاسەتا خۆ دا بکەت، ئەڤەى سالا 1991 هەرێما کوردستانێ ل بن چ زولما دا نەمایە. ئەگەر دیرۆکا داستانێن پێشمەرگەى دگەل داگیرکەرا ب هژمێریت زێدەترى گوندێن وان یێن باکوور ئەوێن نها ب تنێ زارۆ دەیکێن دلسۆتى تێدا هێلاین، داستان تۆمارکرینە. ئەگەر ب تنێ ئەو 45% ب سیاسەتا خۆ یا شاش بگەهن، ئەو بتنێ ئێک رۆژ ژى ل سەر ئاخا هەرێمێ نامین دێ چن وان زارۆک و دەیکا دووبارە دلخۆش کەن ئەوێن وان بۆ مەرەمێن خۆ دناڤ کاڤلان دا هێلاینە. هەر دەڤەرەکا هەرێما کوردستانێ ناکۆکى ل سەر دروست دبن دناڤبەرا حکومەتا بەغدا و هەرێما کوردستانێ، پەکەکە بوویە ئێک ژوان دەرزیێن ب ئێش ل سەر وێ دەڤەرێ. شەنگال کیڤە باکوورێ کوردستانێ ل کیڤە ئەگەرێ هەرە سەرەکى یێ دەستێوەردانا دروست دبیت ل شەنگال پەکەکە یە ژبلى تێکدانا رەوشا ئەمنى یا هەرێما کوردستانێ پەکەکە بوویە ئەگەرێ هەرە سەرەکى یێ نەڤەگەریانا ئاوارێن شەنگال دناڤ کەمپێن هەرێما کوردستانێ دا.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ) 

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top