پشتى کۆمبوونا پەرلەمانێ هەرێما کوردستانێ ل رێکەفتى 28 گولانا سالا 2019 لدور هەلبژارتنا سەرۆکێ نوى یێ هەرێما کوردستانێ، سەرەراى بایکۆترنا ئێکەتیا نیشتیمانى یا کوردستانى و هندەک فراکسیۆنێن دیتر. لێ پارتى دیموکراتى کوردسان هەردەم خواستیە زمانێ دیالۆگ و دانوستاندنانێ دگەل گشت لایەنان بکاربیینیت ژ پێخەمەت خزمەتکرنا هاولاتێن کوردستانى. چ دەمان ژی رازى نابیت کو زیان ب هاولاتیێن کوردستانى بکەڤیت. مینا گیروکرنا کابینەیا حکومەتا نوى کو سەرەراى نە ئامادەبوونا وان لایەنان، پارتى دیموکراتى کوردستان دەست ب هەلبژارتنا سەرۆکێ نوى یێ هەرێما کوردستانێ کر و شیان ب 68 دەنگێن پەرلەمانتارێن پەرلەمانێ کوردستانێ (نێچیرڤان بارزانى) وەک سەرۆکێ نوى یێ هەرێما کوردستانێ ب هەلبژێرن. ئەڤ چەندە دلخۆشیەکا مەزن ل دویڤ خۆ ئینایە هەم ل سەر ئاستێ نافخۆیى کو ئۆمێدا گەلێ کورد ب شیان و ئاڤەدانکرنا بارزانى هەیە کو شوین تبلێن وى د سەرجەم بواران دا ل هەرێما کوردستانێ ئاشکەرانە.
هەر دیسان ل سەر ئاستێ نیڤدەولەتى ژى رەنگەڤەدانێن مەزن ل دویڤ خوە ئینان ب تایبەتى ژى ژلایێ وەلاتێن زلهێزێن مینا ویلایەتێن ئێکگرتى یێن ئەمریکا، بریتانیا، فرەنسا و رووسیا کو پیرۆزباهى و دلخۆشیا خۆ ل هەمبەر دەست ب کاربوونا بارزانى دەربرین. ئەڤ پیروزباهیە دەرئەنجامێ رۆلێ کاریزمایێ بارزانى یە یێن کو د دەما چەندین سالێن دەربازبوویدا ل ناوچەیێ گێراى. مینا ئاڤەدانکرنا هەرێما کوردستانێ د سەرجەم بیاڤێن جودادا، ڤەحەواندنا هژمارا مەزنا ئاوارێن ل باشوورێ عیراقێ قەستا هەرێما کوردستانێ کرین، هەروەسان برێڤەبرنا کاروبارێن حکومەتا هەرێما کوردستانێ د مەزنترین قەیران و ئابلوقەیێن ئابوورى و سیاسى یێن وەلاتێ عیراقێ و دەوربەران ل سەر هەرێما کوردستانێ چەسپاندین. دیسان د چارەسەرکرنا کێشە و گرفتێن دناڤبەرا عیراقا فیدرال و هەرێما کوردستانێ د ماوەیێ دەربازبوى دا. لەوران ئەڤ چەندا هەنێ ب ئاوایەکێ ئێکسەر و نە ئێکسەر وەلاتێن جیهانێ دانپێدانا دبلۆماسى ل سەرۆک بارزانى دکەن و داخازا خورتکرنا پەیوەندیێن زێدەتر ژ هەرێما کوردستانێ دکەن ژ پێخەمەت گەشەپێدانا بوارێن جودا یێن هەرێما کوردستانێ. لەوران سەرۆک بارزانى هیڤى و ئۆمێدا نەتەوەکا 40 ملیۆنى یە.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)