پرۆسێسا پێکئینانا هەڤژینیێ ئێک ژ پرۆسێسێن گرنگێن ژیانێیە د ژیانا هەر مرۆڤەکیدا چ کچ بیت یان کور بیت، رۆژەکێ دێ دناڤا ڤێ پرۆسێسێدا بوریتن. لەوما ناڤ ل سەر دهێتەدانان پیرۆزترین پرۆسێسا ژیانێ، لەوما ل سەر هەر تاکەکەسەکى پێتڤى هەر تشتەک گرێداى ب پرۆسێسا هەڤژینێڤە بزانیتن داکو ببیتە بەختەوەرترین کەس د ژیانا خۆ یا هەڤژینیێدا، داکو هەردەم باوەرى و حەژیکرن و ڤیان و رێزگرتن دناڤبەرا هەردوو هەڤژیناندا هەبیتن و، د ژیانا خۆدا هەردەم کەیڤخۆش و سەرکەفتى بن. چونکو ئاڤاکرنا پەیوەندێن هەڤژینیەکا نموونە ل سەر بنەمایێ ڤیان، حەژێکرن، تێگەهشتن و باوەریێ ئاڤادبیتن. لێ دەربڕینا حەژیکرنێ ب رێیا ماچێ دناڤبەرا دوو هەڤژیناندا کاریگەریەکا ئەرینى و تەندروستیەکا باش هەیە ل سەر پەیوەندێن هەڤژینیێ، کو گەلەک ژ دەربڕینا هەستان مەزنترە دەمێ تۆ پەیڤەکێ دبیژیە هەڤژینا خۆ، وەک من تۆ دڤێى یان حەشتەدکەم. بەلکو دەربڕینا ماچیکرنێ پتر ڤیان، باوەری، لێبورین و حەژیکرنێ زێدەتر دکەتن. چونکو ئێک ژ وان ئامرازێن هەرە گرنگە دناڤبەرا دوو هەڤژیناندا هەتا ژ لایەنێ تەندروستیڤە مفایەکێ ئێکجار زۆر هەیە وەکو هەستێ ئارامیى ددەتە تە و، تە ژ دلەراوکێ دپارێزتن، هۆکارە بۆ کێمبوونا ئیشا لەشى مرۆڤى. چونکو رێژەیا هۆرمونى دوبامین و سیرتونین زێدە دکەتن و چەندین مفایێن دیتر تیدا هەنە.
ژلایەنێ دەروونى و تەندروستیڤە ماچێ چ کاریگەرى ل سەر پەیوەندیا هەڤژینیێ هەیە؟
١- گەلەک جاران ژن و مێر ماچکرنا ئێک دوو قەبیل ناکەن ل بەردەم کەسانێن دەوروبەر، چونکو هەست ب شەرمێ دکەن ب تایبەتى دناڤا کۆمەلگەها مەدا ئەڤ تشتە ب تشتەکێ کێم بەرێخودانێ بوو دهێتەکرن، لێ د راستیدا ئێک ژ وان هۆکارانە کو باوەریەکا هێز و هەڤژینیەکا نموونە دناڤبەرا دوو کەساندا پەیدادکەتن کو ئەڤ کەسێن هەنێ هەردەم د ژیانا خۆدا بەختەوەر و کەیفخۆش بن. چونکو ماچ حەژیکرنێ زێدە دکەتن و پەیوەندیان بهێز دکەتن و، هۆکارەکە تە هەردەم باوەرى بخۆ هەبیتن دناڤا جڤاکى و کەسێن دەوروبەرێن تە دژین.
٢- ماچیکرنا سپێدەیان دناڤبەرا هەڤژیناندا بێگومان مفایەکێ گەلەک مەزن هەیە و کاریگەریەکا ئەرینى دئێخیتە دناڤبەرا هەڤژیناندا، چونکو هەر خەمەک یان نەخۆشیەک یان ئازارەک یان غەریبیەک هەبیتن دێ وەکەتن کو ئەڤ هەمى تشتە ل دەڤ نەمینن. دێ کەیفخۆش بیتن و هەست ب ئێمناهی، ڤیان و حەژیکرنێ پتر کەتن و هاریکارە کو مەعنەویاتێن مرۆڤى بەرز بکەتن کو پتر حەژیکرن و رێزگرتن و باوەرى دناڤبەرا هەردوو هەڤژینان هەبیتن.
٣- ماچکرنا دناڤبەرا هەڤژینانادا هۆکارە بۆ پاراستنا تەندروستیا مرۆڤى کو مرۆڤى ژ نەخۆشیا دلى دپارێزتن و پتر یا هاریکارە ژبۆ زێدەبوونا هۆرمونێ کەیفخۆشى دناڤا لەشى مرۆڤیدا.
٤- ماچیکرنا رۆمانسى، کو ئێک ژ ماچیکرنا هەرە گرنگە دناڤبەرا هەڤژیناندا، بۆ هندێ کو هەردوو لایەن هەستێ ڤیان، حەژێکرن و دلۆڤانیێ دناڤبەرا واندا بهێز ببیتن و گەلەک جاران ژى هاریکارە بۆ گەشەکرنا ماسۆلکێن لەشى و هاریکارە بۆ هەردەم گەنجاتى ل سەر روویى تە دیاربکەتن.
٥- ل دەمێ هەر ناکۆکیەکێ دناڤبەرا هەڤژیناندا باشترین رێک پیتڤیە ب رێکا ماچیکرنێ بیتن، چونکو ژ هەر رێکەکا دیتر ڤیان، دلۆڤانى و حەژیکرن تێدا زێدە دبیتن و ئەو ئاریشە ب سانەهى چارەسەر دبیتن، چونکو ئەو کەسە چ جاران وى دەمى ژبیرناکەتنن یێ تە ماچێکرى ب دلۆڤانێ و حەژیکرن، بەلکو هەردەم دێ تێگەهشتن هەبیتن دناڤبەرا هەوە دا هەردەما کاودانەک پەیدا بوو.
٦- ماچیکرن هاریکارە بۆ چالاکبوون و هێزبوونا لایەنى سێکسى دناڤبەرا هەردوو لایەناندا. ئەڤە ژى کاریگەرى ل سەر تەندروستیا دلى هەیە.
٧- ل دووڤ ڤەکۆلینێن زانستى، ماچیکرن پێنج ساڵان ژ تەمەنى مرۆڤى درێژ دکەتن.
٨- باشترێن راهێنانە بۆ کێمبوونا خەمۆکیى و نیگەرانیێ دناڤبەرا هەردوو لایەناندا.
٩- هاریکارە بۆ ئارامبوونا مرۆڤى ل دەمێ تۆڕەیى و بهێن تەنگیێدا، چونکو ل وى دەمى مرۆڤ پتر پێتڤى گرنگیدانێ یە.
١٠- هۆکارەکێ سەرەکییە بۆ باوەرى ب خۆبوونى و پێنگاڤەکە کو هەردەم کەیفخۆشى ل دەڤ مرۆڤى پەیدابیتن و بەرەڤ سەرکەفتنى بچیتن.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)