دشیاندا نینە ئەم ئەندیشە بكەین خۆكوشتن، كوشتن، ڕێژەیا بێزاریێ و خەمۆكیێ ئەوێن رووددەن ژ ئەنجامێ خراب كارئینانا مۆبایل و سایتێن ئەلكترۆنی د ئەنترنێتێدایە. بكارئینانا زێدەیا مۆبایلێ دێ بیتە ئەگەرێ پەیدابوونا كارتێكرنێن گەلەك نەرێنی د پاشەرۆژەكا نیزیكدا. لەوڕا بكارئینانا زێدە یا ئەوان ئامیران د پاشەرۆژێدا دێ بیتە ئیشەكا ترسناك. ئامارێن نیڤدەولەتی ھوشیاریێ ب وێ چەندا مە گۆتی ددەن، لێ حكومەت و كۆمەڵگەھا مە گوھنادەتە وان ھوشیاریان. ئەڤجا چارەسەركرنا ڤێ دیاردێ د كەڤیتە سەر ملێ دەیبابان كو مۆبایل و ئەنتەرنێتێ تنێ ل ھندەك جھێن تایبەت و بۆ ماوەیەكێ كورت و شێوەیەكێ دروست بھێنە بكارئینان و دوور ژ زاڕۆكان. دڤێت ھەموو نەھێلن زارۆكێن وان مۆبایل و سایتێن ئەلكترۆنی یێن ئەنتەرنێتێ و جھێن پێكگەھشتنا كۆمەڵایەتی بكاربینن د تەمەنەكێ پێشوەخدا. چونكو ھۆشمەندیا زارۆكان نەیا بەرھەڤە بۆ وەرگرتنا ھەر تشتەكێ د ئەنتەرنێتێدا ھەبیت چ ئەرێنی یان نەرێنی بیت. لێ دڤێت دەیباب بھێلن زارۆكێن وان مۆبایل و ئەنتەرنێتێ بكاربینن بۆ چەند دەمژمێرێن سنووردار و ل ژێر چاڤدێری و زێرەڤانیا وان.
ھەروەسا دوور ژ زارۆكان ئەم دبینین كۆمەلگەھ ب ھەموو چین و تەخێن خۆڤە ژ ھەڤوەڵاتیان، كرێكاران، فەرمانبەران، مامۆستایان، ئەندازیاران، پارێزەران، كابانیێن ماڵان و كەسێن بێكار ھەموو مۆبایلێ ل دەمێ كاری و فەرمانبەریێ و گۆتنا بەرھەڤبێژییان و كۆمبونان و تەنانەت ل دەمێ خارنێژی. ئەڤێن مە گۆتین ھەموو پێكڤە مۆبایلێ بكاردئینن، ئەڤەژی دوو لایەنان دیاردكەت، لایەنێ ئێكێ ئەوە كەسێ مۆبایلێ بكاردئینیت وی كەسێ بەرامبەری خۆ كو مۆبایلێ بكارنائینیت فەرامۆشدكەت. لایەنێ دووێ كەسێ مۆبایلێ بكاردئینیت نەشێت خۆ ژێ دوور بێخیت ل ھەر جھەكی و ل ھەر وەختەكی بیت. دەولەتێن ئەورپی تاقیكرن ل سەر مشكان كرن، مشك كرنە دوو گرۆپ، مۆبایل دانا بەرامبەر گرۆپا ئێگێ و ئەنتەرنێت دا كاری. گرۆپا دووێ ھیچ تشتەك نەدانا بەرامبەر چاڤێن وان، ئەنجام ئەڤەبوون، مشكێن نێرینا شاشێن مۆبایلێ دكر مێشكێ وان تووشی گوھۆرینان بوو، كو پێتڤی دەمەكی بوون پتر ژ سێ جاران ھەمبەری وان مشكێن نێڕینا مۆبایلێ نەكری بۆ ڤەكرنا مەتاھەكێ و زیانا وان یا بەردەوامبوو.
ژبەر ڤێ چەندێ دڤێت مۆبایل و ئەنتەرنێت ب رێیەكا راست بھێتە بكارئینان ل جەم ھەموو تەخ و چینێن كۆمەڵگەھێ، تایبەت ل جەم زارۆكان ئەوژی ل ژێر چاڤدێریا دەیبابان بۆ چەند دەمژمێرن سنووردار.