ئێک ژ وان پیلانێن دژی هەرێما کوردستانێ هاتین ئەنجام دان بۆ نەهێلانا قەوارێ دستووری یێ هەرێما کوردستانێ ل عێراقێ، ب پشتەڤانیا گروپێن نافخۆ و دەرڤە دورستکرنا ئابلوقێن ئابووری بووینە. ژوان پیلانا برینا بودجا هەرێمێ بوو ژلایێ بەغدایێ ڤە. هەلبەت دوو مەرەمێن سەرەکی ژڤێ بریارێ هەبوینە. یا ئێکێ رابوونا خەلکێ کوردستانێ و فەرمانبەران بوویە کو دژی حکومەتا هەرێمێ، بۆ هندێ ئەجندایێن نافخۆ یێن وان گروپان سەربگرن و بەرەلایەک سیاسی، ئەمنی و ئابوری دورست بکن و چەندین لایەنێن سیاسی بێ خاندنا ڤان پیلانا بکن، کەتنە د چەپەرێ دژی حکومەتێ دا. ئارمانجا دووێ لاوازکرنا پێگەهێ هەرێمێ بوویە ل ناڤەندا بریارێ تایبەت بۆ وان کێشەیێن هەرێمایەتی ئەوێن دورست دبن هەرێمێ بێ رول بهێلێن تاکو ب گەهتە ئاستێ هەوەشاندنا وی قەوارەیێ. گومان تێدا نینە پێدڤی بوو حکومەت چارەسەریا ڤی بابەتی بدەت و ژ ئەنجامێ وێ موچە هاتە پاشەکەوت کرن و ئەڤ بریارە نەیا یاسایێ بوویە. چونکە پێویستی ب یاسایەکێ دکر ژ پەرلەمانی، بەلکو زۆربەیێ لایەنێن سیاسی ڤیاینە مفایێ ژ ڤێ رەوشێ وەربگرن. لەورا ب بریارەک تایبەت ئەڤ چەندە هاتە کرن.
ژ وی دەمی و تانوکە سەرۆکێ حکومەتێ زۆر هەول و بزاڤ کرن چارەکێ بۆ ئەڤی بابەتی ببینیت و سۆز دا خەلک و فەرمانبەرێن کوردستانێ ئەڤێ پرسێ چارەسەربکەت. ب هەول و بزاڤێن بەردوام ژلایێ حکومەتێ ڤە کێشە ب بنەرتی نەهات چارەکرن. بەلکو زۆر هۆکارێن دی ل سەر حکومەتێ زال بوون کو ئەڤی نەشێن وەکو پێدڤی چارەبکن. ژوان هۆکارا شەرێ دژە تیرۆرێ پرسا ئاوارە و پەنابەران و داکتنا بەهایێ نەفتێ. بەلێ ژ ئەنجامێ دبۆماسیەتا حەکیمانەیا سەرۆک بارزانی و سەرۆک وەزیران شیان ل رۆژا جیهانیا ئافرەتان مزگینیا نەمانا پاشکەوتی رابگەهینن.
ب دیتنا من چەند فاکتەر هەبووینە کو ئەڤرۆ ئەم گەهشتینە ئەڤێ قوناغێ. یا ژ هەمیان گرنگتر خۆراگێریا خەلکێ کوردستانێ بوویە و نەکەفتنە ل بن باندۆرا پیلانێن ڵایەنێن سیاسی و عێراقێ ژی. دیسان رۆلێ پێشمەرگێ کوردستانێ بوویە خالا وەرچەرخان بوو گوهرینا سیاسەتا عێراقێ هەمبەری کوردستانێ و هەلویستێ فەرمانبەرێن کوردستانێ جهێ رێزگرتن و سوپاسیێ بوویە. لەورا سەرکەفتن و هیممەتا هەرە مەزن بۆ خەلکێ سەربلندێ کوردستانێ یە و گرنگە ل داهاتی حکومەت ژی پێداچوونا سیاساتێن خۆ بکت بۆ هندی هەمی حازری هەبن بۆ هەر رەوشەکا بهێتە پێش. چونکە رەوشا دەڤەرێ چاڤەرێ گوهورینێن مەزنە. ل دوماهیکێ دبێژم سوپاس سەرۆک وەزیران و بژیت خۆراگێریا خەلکێ کوردستانێ.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)