رۆژەکێ پشتی ژ ئەنجامێ کاودانەکی ل ژڤانێ کارەکێ گرنگ گیروبوویم، من ل سەر جادەکا دهۆکێ ب لەزو بەز دەستێ خۆ ل بەر تەکسیەکێ بلند دكر. پشتی سواربوونێ شۆفێرێ تەكسیێ ب مۆبایلێ د ئاخفت، دەمێ ب دوماهی هاتی، بێی کو ژێ ب پرسم پشتی سەرێ خۆ هەژاندی و ناڤ چاڤێن وی تێکچووین، وی گووتە من؛ “بخودێ مامۆ ئەو مەلاقەکە نینە.. هەر خودێ دزانیت، ئەزمان حلیەکە ملێن ڤی بەرپرسی د پەرخینیت، مڵێت بەرپرسێ هەنێ د پەرخینیت” دوو جاران گووت “خودێ وەکیل برا، هەتا دوو هزار و سێیێ ژی دهوڵقۆتێ بابێ عودەی بوو، ئێک نە د وێریا ژ بەر ب لڤیت. ئێ مە گووت دێ وی هەلاویسن.. ئینا کرە بەرپڕسێ ھۆپەیەكێ ل رێڤەبەریەكێ و ڤێجا دەسپێکر ب مەلاقی، تێلەفۆن و ناڤ ماڵا ڤی و ناڤ ماڵا وێ هە.. هەتا ب پلەکێ چوویە سەرێ سەد ملا.. نوکە ئەوێ ماڵا وی سەرا ڤێ شۆلێ میرات بووی مامەلێت وی د چنە بەر دەستێ ڤی بەرپڕسێ مەلاق و توخمێن وەکی ڤی. ب سەد هیڤی و رجا هەتا ئیمزایەكێ بۆ پیرەژنەکا کۆر لێ بەرزەبووی دکەت.”
شۆفێر ب رەنگەکی کوخی کو مرۆڤی هزر دکر ئەو کوخک یا دەستکردە و گووت: “باوەربکە مە زانیبا هۆسایە، مە مالێت خۆ خراب نەدکرن، بەس ب خودێ مرۆڤ شەرم دکەت یێ چاڤ شۆر بیت و د نھادا تنێ مەلاق و چاڤشحۆر دخۆن. خودان مەوقف و شەرم ژ خۆکەر ژی دێ خوێ خون و ئاڤێ ب سەردا کەن.” مام ل جهەکی راوستە ئەز دێ هێمە خوار، ترۆمبێل ل جهێ من ئاماژە کری راوەستاندن و پاشی گووت: “چیرۆکێت مارانە چ جاران خلاس نابن. بەس خودێ یێ عادلە و ئەم ژ عەدالەتا وی بێ هیڤی نابین”
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)