رێکا دروست بۆ چارەسەرکرنا کێشەیێن دناڤبەرا مە و عێراقێدا ئەوە کو دەستهەڵاتا کوردستانێ ژی وەکو ئیسرائیلێ بکت. ئانکو دیوارەکی دناڤبەرا مە و واندا دروست بکت دا ئەم و ئەو ژی ژ ئێک دوو رحەت ببن. ژبەر کو راستییەک هەیە و دڤێت مرۆڤ ب چاڤەکێ ڤەکری تەماشەی دیرۆکێ بکت و پێداچوونەکا هوور بۆ بکت. بچیتە دناڤ ناڤەرۆکا ژیانا سیاسی و خۆگونجاندن د عێراقەکا ب خورتی پێکڤە هاتیە لکاندندا. دا ببینیت کو دبنەرەتدا ب هەموو تشێن خۆ ئەم ژێک د جودانە و بگەرە ژ رەوشت، تیتال، زمان، کولتور و حەتا ئاخا مە ژی نەوەک یا وانە. گەلێ مە دڤێت مفای ژ رابردووی وەرگرت. بۆ نموونە ئەگەر تەماشەی دەستهەلاتدارێن بەرێ یێن عێراقێ و یێن نها بکین، دێ بینن کو هەمان عەقلیەتا بەرێ یا بەردەوامە و چ جیاوازی تێدا نینە.
کورد دناڤ سنوورێ دەولەتا عیراقێدا هاولاتیێن پلە دوونە. هەتا ل گەلەک جهێن کوردستانێ ژی نها کورد یێن دهێنە پەرچقاندن و رێز ل پیرۆزیێن کوردا نائێتە گرتن. ئەڤ لایەنێن شۆفینی یێن عێراقێ نها ژی ناڤێ کوردستانێ قەبوول ناکن و ناڤێ کورد ژی قەبوول ناکن. ژبەر ڤێ چەندێ دڤێت ل بەرامەری ڤێ عەقلیەتی کورد خۆ ئامادە بکن ب ئێک رێک و ئێک تیم کاربکن و گووتارا سیاسی یا کوردا ئێک بت و سیمایێ راستەقینە یێ حکومەتا هەرێما کوردستانێ نیشا هەموو جیهانێ بدن. پێویستە هەموو هێزو لایەنێن سیاسی یێن کوردی کێشە و ناکۆکیێن خوە بدن لایەکێ و هاریکاربن پێکڤە بۆ پاراستنا ئەڤان دەستکەفتێن بدەسڤە هاتین. بەرەف ب دەستڤەئینانا تەمامێ ئەو مافێن گەلێ مە یێن مایی.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئاریکڵ)