ژیان خەلاتەکە خودایێ مەزن دگەل خودان روحان ئانکو مرۆڤا دکەت. هەر ئێک ب شێوەیەکى هندەک هیڤى و ئارمانجا بۆ خۆ ددانیت و هندەک پلانا بۆ گەهشتن ب ڤان ئارمانج وهیڤیا دداریژیت. چونکە هەر کەسەکى مافێ بەختەوەرییا ژیانى هەیە. ئەڤجا ژبۆ پەیداکرنا ژێدەرەکێ دارایى ب گەهشتن ب وان خەون، هیڤى و ئارمانجێن خۆ ژبۆ گەنج ل قوناغێن جودا جودا و پرى ماندیبوون و ئاستەنگ ژ بیخەمەت پەیداکرنا دەرگەهەکێ دارایى یان دەلیڤەکا کارى ژ بۆ ڤێ چەندێ هەمى شیان و هزرێن خۆ ل گۆرەى بسپۆرییا خۆ دئێخیتە کار. لێ ژ سەدەمێ بێ دەستهەلاتی یان کێم دەستهەلاتا وى، پشتگوهخستن، نەگرنگیدان، بازرگانیکرن ب پاشەرۆژا گەنجان و نەبوونا پیلانەکا سەرکەفتى. هەروەسا ژبەر بێ باوەریا گەنجان ب خۆ و گۆپیتکا ئاستێ بێ باوەریێ کاریگەریا نیگەتیڤ ل جڤاک و وەلاتى دکەت و ب گرانى باجا ڤێ نەخۆشیێ ددەن.
1. فاحیشە و کریارێن کرێت (الزنا): دەمێ بێ باوەرى و بێ هیڤیبوون دگەهیتە ئاستێ گۆپیتکێ، گەنج دکەڤیتە بن فشارەکا دەروونی یا مەترسیدار و دبیتە ئەگەرێ ژ کارکەفتنا مێشکێ وى ل وى دەمى حەزێن وى کاردکەن ل وى دەمى هزر دگرێدانا پەیوەندیێن نەدروست دا دکەن وەکى (الزنا) و ژبیردکەن کو پێغەمبەر سلاف ل سەربن بەرێ مە ژ زنایێ ددەتە پاش.
2. (إنتحار) یان خۆکوشتن: دەمێ رێژا بێکاریێ بەرەف زێدەبوونێ دچیت رێژا هەژاریێ راستەوخۆ زێدەبیت و هەمان فشارا دەروونى دروست دبیت و دبیتە سەدەمێ وێ یەکێ کو هزر دکریارا خۆکوشتنێدا بکەت. باشترین چارەسەرى دزانیت و دبینیت و گوتنا خودایێ مەزن ((ولقد کرمنا بنى ئادم)) کو خودێ مرۆظ یى (معزز) کرى. ئەڤە ژى زۆر گاریکەریێ ل جڤاکى و وەلاتى دکەت.
3. ( السرقة) کریارا دزی و تیرۆرکرنێ: دیسان خرابیا رەوشا گۆزەرانیا مللەتى و نەگرنگیدان ب ژین و ژیارا مللەتى، دبیتە سەدەمێ هزرکرن د رێکێن نەدروست و نە یاسایى وە کو (دزیێ و تیرۆرکرن یان کوشتنا هەڤدوو) ئەڤ چەندە ژى دبیتە سەدەمێ ئارامیا خێزانى و جڤاکى و وەلاتى.
4. (هجرة) یان دیاردا کۆچکرنێ: دیسان دەمێ بێ باوەرى دگەهیتە ئاستەکێ مەترسیدار، هزر دجههێلانا وەلاتیدا دهێتە کرن. ئە ڤ چەندە ژى دبیتە سەدەم کو قەیرە کچ دروست ببن و هزاران کچ بێ بەهر ببن ژ پرۆسێسا هەڤژینیێ. دیسان دبیتە سەدەمێ بکارئینانا ماددەیێن کحۆلى و کارێن نە یاسایى و وەلات ب گرانى باجا وێ چەندێ ددەت. چونکە ئەم گەنج ب دینەمۆیێ پێشکەفتنا هەر وەلاتەکى تێنە نیاسین. کەواتە وەلات بەرەف پاشکەفتنێیە و سەدەمێ هەژاریێ و بێ باوەریێ یە یان بێ منەتى و بێ پلانیێ یە؟!
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)