د پەرتووكا قورئانا پیرۆز، ئایەتا (285) ژ سورەتا بەقەرەدا ھاتییە نڤیسان: (امن الرسول بما اُنزل اليه من ربه و المؤمنون كل امن بالله و ملائكته و كتبه و رسله لا نفرق بين أحد من رسله). ئەڤە ئاخفتنا خودێیە كو دڤێت ھەموو گوھبدەنێ و پێگیریێ پێ بكەن و، نابیت گوھ بدەنە ئاخفتنێن چ كەسان و پێگیری پێ بھێتەكرن. لێ د نھادا تەخەكا مەزنا بسورمانان ئاینێ خۆ كرێتكریە و ب بەرزی ددەنە نیاسین و ئاینێن دیتر ب نزمی و بێ بھا ددەنە نیاسین. ئەگەر پرسیار ژ بسورمانەكی بھێتەكرن، ئەرێ تۆ باوەریێ ب پێغەمبەرێن خودێ و پەرتووكێن وی دئینی؟ دێ بێژیت بەلێ من باوەری پێ ھەیە و پاشی ھەكە پرسیار ژ ڤی بسورمانی بھێتەكرن، ئەرێ تە باوەری ھەیە ب ھەردوو پەرتووكێن خودێ (ئینجیل و تەورات)ێ؟ دێ بێژیت بەلێ من باوەری ب ھەردووان ھەیە، لێ یێن ھاتینە گوھۆڕین. ئەڤە چ باوەرییە ڤی بسورمانی ھەی ب ئایەتا (285) د پەرتووكا قورئانێدا؟ ئەڤی بسورمانی باوەری نینە ب ھەرسێ پەرتووكان (قورئان، ئینجیل و تەورات). چونكو كەسەكێ جاھل و نەزانە. نەیا بەر ئاقلە باوەری ھەبیت ب پەرتووكێن خودێ ئینجیل و تەوراتێ و دھەمان دەمدا بێژیت ئەو پەرتووك یێن ھاتینە گوھۆڕین. ئانكو خودێ ئاخفتنا خۆ د ئینجیل و تەوراتێدا ئینایە خوار، لێ ھندەك كەسان گۆھاڕتیە. واتە بسورمانان باوەری ھەیە ب ئاخفتنا خودێ دئینجیل و تەوراتێدا. لێ ئەوان باوەری نینە ب ئەوا ھاتیە گوھۆڕین. ئەڤ چەندە دیاردكەت كو ئەوان بسورمانان باوەری نینە ب ئایەتا (285) د پەرتووكا قورئانێدا. نزانم ئەڤ بسورمانە فێلێ ل خۆ و ئاینێ خۆ دكەت یان ل خەلكی و ئاینێن دیتر؟ یان ھەموو ئاینان كرێت دكەت؟
ل گوڕەی پێغەمبەران، ھەر پێغەمبەرەكێ بێی (وەحي) بیت بھایێ خۆ نینە. بۆ نموونە مووسا پێغەمبەر بێی تەوراتێ بھایێ خۆ نینە، چونكو ئەو تشتێ بھای د دەتە پێغەمبەران ئاخفتنا خودێیە ئەوا د پەرتووكێن ویدا ھاتی. ئەو دەمێ بسورمانان باوەری نەبیت ب ئینجیل و تەوراتێ ب ھێجەتا گوھۆڕینێ، وانا باوەری ب مووسا پێغەمبەر ژی نینە. ئەڤ چەندە ژی دروست نینە. ئەرێ چەوا مووسا پێغەمبەری بھایێ خۆ نەبیت و ناڤێ وی د قورئانێدا ھاتبیت؟ ل دووڤ ڤێ چەندێ كێ باوەری ب خودێ و پەرتووك و پێغەمبەرێن وی ھەیە؟ ئەو مەسیح تنێیە، چونكو مەسیح د بێژیت من باوەری ب خودێ و پەرتووك و پێغەمبەرێن وی ھەیە و، تاورات دانایە ب رەخ ئینجیلێڤە د ئێك پەرتووكدا و ناڤێ وێ پەرتووكا پیرۆزە. بیرۆكا شاش ل جەم بسورمانان د بەلاڤكرنا ھشیاریا ئاینیدا، وەل وان كر كو بچنە د نزمترین ئاستێ نەزانین و پاشئیخستنێدا كو گەھشتیە وی رادەی بسورمان شینوارێن ئاینێ مەسیحی و جوھیان ل ئاكرێ ژ ناڤ ببەن. ئەڤ چەندە بەڵگەیە كو ئاخفتنا سەرۆكا وەزیرن ئەڵمانیا (ئەنجلینا مێركڵ) دروستە دەمێ گووتی: “ل وەلاتێ ھندێ و چینێ پتر ژ (150) خوداوەندان ھەنە و (800) ئاین ھەنە. ھەموو رێزێ ل ئاینێن ھەڤدوو دگرن و ب ئارامی و ئاشتی دژین. ژبلی بسورمانان کو ئێك خودێ، ئێك پێغەمبەر و ئێك پەرتووك ھەنە و جادێن وان پڕی خوین و زۆردارینە و دوورن ژ ئاین و مرۆڤایەتیێ.”
