ههتا دوهی رۆژئاڤا وهكی برايێ بچووك و زڕباركری دهاته ديتن. ژبهر بچووكی و خوهزايا خوه ئهردنيگاريا وێ ئهو دهرفهت نههـێلابوو خوه راستی بوويهرا ببينيت. بهلكو وهك كهسهكێ بهلهنگاز و ستووخار دهاته ديتن. پرانيا كهسێ كورد د وێ باوهريێ دابوو كو ئهگهر موعجيزهيهك روويدهت، ئهگهر نه رۆژئاڤا دێ يا بێپار بيت ژ ههر گۆڕانكاريهكێ. ئهز يێ دوێ باوهريێدا شانسێ رۆژئاڤا ئهگهر پتر نهبيت كێمتر نينه ژ ههر سێ پارچەیێن دی. ئهكتۆرێن رۆژئاڤايهكا جودا:
١– د بوارێ كهسايهتيدا كهسێ رۆژئاڤايی ساخلهمتر و ژ خوه باوهرتر مايه. هنده ياری ب ئيراده و هـهست و سۆزێن وی نههـاتيه كرن، مينا يێ خهلكێ باشوور وهكی (سماقابشافتی) لێ هاتيه. نه جارهكێ چهندين جارا هـاتيه شووشتن و بشافتن. خوه ژ لۆتكهيێ ديتيه و جار دی كهرێ خوه د كوڕێ را ديتيه.
٢– رۆژئاڤا جيهكێ جيۆستراتيجيكه، نهك ژبۆ خوه ههروهسا بۆ باشوورێ كوردستانێ هـهمان تشته. نهههروه ناڤهندێن لێكۆلينێ و ستراتيژی بهحسا ئێكگرتنا باشوور و رۆژئاڤا دكن. كوردا چاڤ بەردايه وی يەكێ بهشهك ژ ئاخا سووريێ دبن دهسههلاتا خوهدا بهـێلن و ريا خوه بهرهڤ دهريا سپی ببهن. چاوا مهسعوود يلماز دگووت ريا توركيێ بۆ ئێكهتيا ئهورپا ل دياربهكرێ را دهرباس دبيت. ئهز باوهرم ئهگهر باشوور ريهك هـهبيت بۆ سهرخوهبوونێ ئهوژی رۆژئاڤايه.
٣– كۆچا حهزرهتێ ئيبراهيم بۆ قودسێ، يا محهمهد بۆ مهدينێ، چوونا (لينين) بۆ رووسيا، چوونا ئۆجهلان ژی بۆ رۆژئاڤا ههمان تشته. شيا وێ هـۆشمهنديا كلاسيك تێكبشكێنيت، تۆڤهكێ نوی دوێ پرێزا ب پيت و بهرهكهت بچينيت، خهلكی چهكدار كهت ب باوهريهكا پۆلايين.
٤– رۆلێ مالبات و ئهشيرهتان سست و خاڤ بوويه و بهرهڤ قۆناخا كرمانجيبوونێ چوونه، ئازاديا تاكهكهسی تێدا خورته، دهرفهت ژ بۆ خيانهتێ قهلس و لاواز كريه.
٥- هـهژمۆنا (پ.ی.د) ل سهر تهڤاهيا رۆژئاڤا هـهتتا بهشهك ژ سووريێ ژی ب خوهڤه ديتيه. نهتهنێ چاڤ بهردايه وێ يهكێ كو سهروهريا رۆژئاڤا مسۆگهركهن، بهلكو سيستهمێ ئهو دخازن دهرباسی هـهموو سووريێ بكن. ژ بهر هندێ ئهو ناخازن د چارچۆڤهكێ ناشيۆناليستی يێ بهرتهنگدا بمينن. بهروڤاژيا ئهنهكهسێ کو كوردستانێ ب دێركا حهمۆ و ئاموودێ دزانن. رێڤهبهر و سهركردێن وان رهنگڤهدانا وێ راستيێ باش نيشاندایە کو پرانی ژ دێركا حـهمۆنه. ئيراده و باوهريا (ی. پ. گ)، (ی. پ. ژ)ێ بۆ نههـێلای تاخێن حهلهبێ يێن كوردنشين (شێخ مەقسوود، ئهشرهفيێ) بكهڤن. بهروڤاژيی ل مووسل کو ب هـڕهكێ خوه رانهگرت و بهر خوه نهدا. وان د شهڕێ باوهريێدا هـهر تشت ئێكلايهنی كريه، مخابن مه ئهو يهك دۆڕانديه.. ئهگهر نه.. دڤێت شنگال، مووسل و كهركوك وهكی چاڤێن خوه پاراستبان و ئهو باوهری د واندا نهكوشتبا.
٦- ئهردنيگاريا وێ ئهو دهرفهت نههـێلايه كو خوه ل چيا، دۆل و نهـالا ب پارێزن و ريهكێ ژ خۆرا ببينن ژ بلی بهرخوهانێ يان دهستكهفتيێن خوه ب پارێزن، يان رووبروی قڕكرنهكێ ببن. وهكی باشوورێ كوردستانێ ٨٨، ٩١ يا هێلای جيهان دهست ههلينيت، رهڤا مليۆنی و كيمياباران بوويه. نهك سياسهتا باشوور كو خوه سهپاندبيت يان چێكريێن بوويهرا بن و ديفاكتۆيهك پهيدا كربيت.
٧- كار و خهباتا ژنێ روويهك جان دايه رۆژئاڤا، فوكس دايه سهر خوه، ژنا كورد ل رۆژئاڤا پیشهنگيا تهڤايا ژنێن جيهـانێ دكن، كهسانێن ب ناڤودهنگ وهكی هاشم سالح رۆژئاڤا ميناكا مۆمهكێ دناڤ تاريستانهكێدا پێناسه كريه. رۆژئاڤا ههر كهس حێبهتی و مهندههـۆش كريه. لهوما رۆژئاڤا ناكهڤيت و دێ ب سهركهڤيت و رۆژا مه كوردان دێ ل رۆژئاڤا ههلێت.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)