ئەگەر ژ خۆراگریا کوردان نەبایە دا هێنە ژناڤبرن. لێ تا نوکە کورد وەکو نەتەوەیەکا رەسەن یا ڤێ ناوچەیێ خۆراگر بوونە و چ گۆمان ژى درەسەنایەتیا واند نینە. چونکى مێژوویێ ئەڤە یا سەلماندى و ئاخا کوردستانێ ئاخەکا ب خێر و بێرە. هەر وەک دقورئانا پیرۆز دا هاتییە: {وَقُلْ رَبِّ أَنْزِلْنِي مُنْزَلًا مُبَارَكًا وَأَنْتَ خَيْر الْمُنْزِلِينَ}. ئەڤە باشترین و پیرۆزترین بەڵگەیە ل سەر ئاخا کوردستانێ و ژبەر وێ چەندێ ژى هەمى گاڤا کوردستان بوویە جهێ حەسادەتا خەلکەکى و پلان داناینە بۆ داگیرکرنا وێ ژ هەمى لایەکى ڤە. هەروەسا ئەگەر ئەم بزڤرینەڤە بۆ سەردەمێ پاشەکشێیا ب ناڤوبانگ یا لەشکرێ یونانێ ژ جەزیرا عەرەبى و دەڤەرێ و وەختێ بوورینا وان د گەلیێ زاخۆ را و پشتى هینگی گەهشتنا وان بۆ چیایێن میزۆبۆتامیایێ. ل ڤێرێ ژى ئەو لەشکەر تووشى نەتەویەکى دبن و بۆ ماوێ چەندین رۆژ و حەفتی و مانگان شەڕ و پێکدادانێن دژوار روو ددەن دناڤبەرا هەردوو لایەناندا.
وەکو زانایێ ب ناوبانگ یێ یونانى (زەینەفۆن) کو قوتابیێ فەیلەسۆف سوقرات بوو د کتێبا خۆ یا ب ناڤێ (اناباسیس)دا بەحسێ چاوانیا مێرخاسی و قەهرەمانییا وێ نەتەوەیێ دەکەت. ئەو وێ نەتەوەیێ ڤەدگێرینیت بۆ خەلکێ کاردۆخى کو هەمى سەرچاوەیێن زانایێن گەرۆک و لێکۆلینەران وەسا بۆچووینە کو کاردۆخى و میدی ئەو هەردوو گەلێن گەڤنێن دەڤەرێ بابکالکێن کوردانە و بەحسى بەرگری و مێرخاسی و قەهرەمانیا وان و خۆراکرى و بەرگریا وان ژ خەلک و نەتەوە و ئاخ و زمانێ خۆ.
دیسان هێرشێن داگیرکەرێن هەمەجى و درندەیێن مەغۆلى بۆ سەر کوردستانێ. لێ بەلێ کوردان ب تۆندترین رەنگ بەرسڤا وان دا و هاتنە تێکبرن ل پایتەختێ باشوورێ کوردستانێ ل باژارێ هەولێرێ کو پشتى هینگێ هاتە نیاسین ب باژارێ هۆلاکۆبەزێن. دیسان هەمى شەڕێن ناڤبەرا ئەمپراتۆریەتا فارسى و عسمانی کورد و کوردستان ببینە قوربانیێن وان شەڕان و کوردسان ببیە جهێ مەیدانا شەڕێن وان، و سەر وى. بەلێ پا کورد چ جارا بێ ئۆمێد نەبووینە و بەردەوام کەسانەک هەبووینە بەرگریێ ل کوردستانێ بکەن.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)