سەرۆک وەزیرێن هەرێما کوردستانێ، نێچیرڤان بارزانى هەردەم هەمى شیانێن خۆ مەزاختینە کو تێرور و تێروریستان ژ خەلکێ هەرێما کوردستانێ دویر بێخیت، بەروەڤانیێ ژ ئازادیا هەر تاکە کوردەکێ بکەت کو نەبنە قوربانیێن هزرێن توندرەوێن هەر ئایینەکی. بۆ نەهێلانا تێرور و تێروریستان هەتا رادەیەکێ زۆر باش بۆ وان مەبەستان سەرکەفتی بوویە. وەکو ئەم هەمى دزانین و د راگەهاندناندا ژى هاتیە بەحس کرن کو هەولێر پایتەختێ هەرێما کوردستانێ، بۆ پێنجەمین شار ل هەمى جیهانێ بۆ پاراستن و ئەمنیەتێ. کوردستان ل ژێر کارێگەرىا تاوانێن تیرۆرێ زەرەرمەند بوویە کو ب چەندین شێوازان ئەو تاوانە هاتینە ئەنجام دان. ژبەرهندێ پێدڤى یە ل سەر نڤیسەرێن سیاسى پێناسەکێ بدەنە تێرورێ و پۆلینکرنا وێ. مەبەست ژێ خۆ ئامادەکرنەکا گشتى یە دژى تیرۆرێ و دویرخستنا خەڵکێ کوردستنانێ ژ تیرۆربوونێ.
پەیڤا تیرۆرێ Terror ب ئینگلیزى هاتیە و ب لاتینى پەیڤا Ters هاتیە. ب رامانا توقاندن، مالوێرانى و کاڤلکرن. Terrorism ئاماژە ب سیاسەت یان ئەو شێوازەى هاتیە بکارئینان دژى کەسانێن دى، ب مەبەستا توقاندنێ. ئەو پەیڤە ل دەسپێکێ هاتیە بکارئینان بۆ پێناسەکرنا ئەو کارێن ل فەرەنسا هاتینە ئەنجام دان ل سەردەمى شۆرەشا فەرەنسا. ل دوماهیێ ئاماژە ب وان کەسانە دکەت کو هەول ددەن ب هەرەشە، توقاندن و ترساندنێ رەئیا خۆ بسەپینێن. ئەو پێناسەیە گەشەى کر بۆ بکارهینانى توندوتیژى ب مەبەستا ترساندن و توقاندنێ. ئەڤە ژى پشتى سالا 1793 ب تەواوى هاتیە ناساندن ژبەر وان توندوتیژیێن کو سەرکردەیێن شۆرەشا فرەنسا ل مامەلەکرنا دژى وان کەسانە.
تیرۆر گەلەک جۆر دێ هەبن، ب تایبەت بۆ مەبەستێن سیاسى یان ب هێزکرنا دەسەلاتێ یان دامەزراندنەکێ بکەن بۆ هندێ کو دەسەلاتا ب ئێگجارى نەمینیت و بۆ گەهێشتن ب ئارمانجێن خۆ هاتیە بکارئینان. ئەو کەسێ تیرۆرێ دکەت دبێژنێ Terrorist تیرۆریست کەسەکە ب تنێ توندوتیژى ناکەت، ل چارچۆڤەى گروپەک یان باندەک یان رژێمەکێ توندوتیژیێ بکار دهینیت ب ستراتیژییەکا دیارکرى.
کوردان وەکو میللەت پەیڤا تیرۆرێ ژ زمانى خۆرئاوایى وەرگرتیە بۆ دەربڕینێ ژ وان هەمى توندوتیژیێن کو دەولەتان یان رێکخراوێن توندرەو ئەنجام داینە دژى کورد و کوردستان. هەر پەیڤەک راست بیت رامانا زاراڤەى جۆرەک بیت کو رێکەفتن ل سەر هەیە. دڤێت رێکەفتن هەبیت ل سەر رەوانگەى پولین کرن، کورد دڤێت ئاسایشا نێشتیمانیا خۆ بپارێزن و هەول بدەن تیرۆرێ دویر بێخن ژ خەلکێ هەرێمى. پێناسەیەکێ بدەنێ کو بەهایێن ئایینى یێن مە و ئەو تشتێن لایێ مە پیروزن، بێ بەها نەبن و بەرسڤەک مە هەبیت بۆ ڤێ چەندێ و ب شێوەیەکێ زانستى و ئایینى روون بکەین و پێناسە بکەین.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)