دەستپێکێ دڤێت ئەم ئاشکرا بکەین کو داعشێن بن ناڤێ خەلافەتا ئیسلامی، یارییەکە ژ دەستێ ئەمریکا ب هاریکاریا ئیسرائیل و وەڵاتێن هەمان عەقلیەت بۆ دژاتیکرنا ئیسلامێ ب دەرەجە ئێک. بەلگە سەر ڤێ چەندێ ئەوە کو سەرکردێ داعش دەستپێکا ساڵا 2003 هاتیە گرتن و بن چاڤدێریا ئەمریکادا مایە. لێ پشترا هات ئازادکرن. جارەکا دی ساڵا 2005 هاتیە دەستەسەرکرن ب تۆمەتێن تیرۆرێ. دیڤدا هاتیە ڤەگوهاستن بۆ زیندانا (بۆکا) بو چەند ساڵا مایە وێرێ دیسان دووبارە هات ئازادکرن. پرسیار ئەوە بۆچی کەسەک تیرۆرست بیت و بهێتە ئازادکرن؟! وەڵاتێن دژی ئیسلامێ مەرەم ژ ڤێ یەکێ ئەوە دڤیا ب ڤی فلمەی رێگری ل ئیسلام و بەڵاڤبونا موسلمانان بگرن. ژ بەر کو ئامارێن موسلمانبوونا خەلکی ڤان وەڵاتان د زێدەبوونێ دایە. ساڵانە ب هزاران کەس ل ئەمریکا و ئەوروپا دبوون موسلمان. نموونە دویڤ ئامار و بەلگەیێن ساڵا 2002 دیار دکەت کو ل ئەمریکا 34 هزار کەس موسلمان بوونە و ل ئەورۆپا 23 هزار کەس موسلمان بوونە.
یا جهێ سەرسۆرمانێ داعش دکێمتری ساڵەکێ دا، ب ساناهی دەوڵەتەکا مەزن سەر ئەردێ عێراق و سووریا دامەزراند کو سنورێ وێ 137هزار کیلۆمەتر دووجایە. هەر دیسان پرسیار ڤێرە ئەوە بۆچی ئەڤ ئەردە ب ساناهی هاتە کۆنتروڵکرن؟ بۆچی ئەڤ دەولەتە جهەکێ دیکە نەدامەزراند؟! بێگومان مەبەستێن سیاسی، ئابووری و لەشکری پشت هەنە. ژبەر کو ئەڤ هەر دوو وەڵاتە هاتن کۆنترۆڵکرن بن ناڤێ شەرێ تیرۆر. ژبلی وێرانبوونا ئابوورا ڤان وەڵاتان کو زیانێن وێ ب سەدان ملیار دۆلاران دهێن خەملاندن. دیسان ب بهایێ ب دەهان ملیار دۆلاران چەک هات فرۆتن، دەهان هزار کەسان گیانێ خۆ ژ دەست دا کو هەمی دزانن پتریا 90% موسلمان بوون. ئەگەر ئەم بهێین سەحکەینێ، داعش ژبلی زیانا مرۆڤی و مادی بۆ مسولمانان. دیسان کرێت نیشاندانا ئیسلامێ چ تشتەکێ دی زێدەنەکریە. یاریا داعش بەردەوامە ژبەر هندێ هەتا نوکە ئەڤ سەرکردەیە (ئەبوبەکر بەغدادی) د ژیانێدا مایە. سەرەرای پێشکەفتنا جیهانا تەکنەلۆجیا، بەس نەهات کوشتن.
ئەبوبەکر بەغدادی ل بن پەروەردەیا ئەمریکا هات پەروەردەکرن. کۆمەکا پاڵدەران هەبوون خەلکەک بگەهیت ناڤ رێزێن وان بۆ ئامانجێت جۆراوجۆر، کەسانەک ژ بۆی گەهشتن دەسەڵاتێ و گۆرینا حکوومەتێ، کەسانەکێ دی پێکهاتبوون ژ خەلکێ نەرازی ژ حکومەتێ، ژ بەر قەیرانێن ئابووری و ئیمناهی. پتریا ڤان کەسان خەلکێ عێراق و سووریا ب خۆ بوون. چونکی حکوومەتێ خەلک زێدە بێزار کربوو. پاڵدەرێ ئایینی ژی کو ئەو کەس بوون گەهشتین ناڤا رێزێن داعش، کەسانێن نەفام و نەشارەزا بوون ددینێ ئیسلامێ دا. دیسان کەسانێن حەماسی بوون و پتریا وان گەنج بوون تەمەنێ وان کێمتری 20 ساڵان بوو. ئەڤ هەمی کەسە هاتن خرڤەکرن و کەفتنە ناڤا یاریەکێدا کو سەرکێشێ وان ڤەشارتیە. ب تنێ ئەو بڕیارا جێبەجێ دکەن، دروشمێت ئایینی دهاتن بەرزکرن و بەحسێ ئیسلامێ دکر، بەلێ رەفتارێن وان دویر بوون ژ وان دروشمان، یا مەبەست ئەو بوو دویرکەفتنا خەلکی بوو وان دروشما و هەلگرێ وان دروشمێن راستەقینە.
- مامۆستا
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)