قەهرەمان عەبدڵلا حەمید
هەر دەم و گاڤ
دوو فریشتە
نڤێسەرێن هاتن و چوون و
لڤینێن منن
هەر دەم و گاڤ
ژین و ژیان
دلۆڤانى و ڤیان
ئایەتوکێن سەردەڤێ
پیرەدایکا منن
هەر دەم و گاڤ
شەل و شەلوال د سورن
جهێ دوربێن دورندێن
دوژمنێن منن
هەر دەم و گاڤ
کابویس و یادگار
زۆردارى و بەدکار
کارمەندێن چەلەنگێن دەست خەدەنکێن
چاخێ منن
هەر دەم و گاڤ
زارۆ د هێن
مەزن د چن
چویچک د هێن
بازى دچن
وان د ڤێتن
هەمى برینێن من سەحکن
وان د ڤێتن
ژ بۆ دلپێڤەبوون دەستکن
لێ ..
هەر دەم و گاڤ
گوڕیا شەمالکێن خەلکى د سورن
یا ئاگرێ برینێن من پر د کەسکن
هەر دەم و گاڤ
بەرەڤ بلندیێ د چن
بەرەڤ روژێ د چن
ئو ..
چ جاران بەس ناکن
چ جاران نابەس کن