تێگەهێ پەیوەندیا کاریگەریا خوە هەیە لسەر هەموو رەفتارو کارێن رۆژانەدا، وەکو تاکەکەس هەر ئێك ژمە وەکو مرۆڤ پەیوەندی و هێزەکا باش و خراپ هەیە. جاران ئەڤ پەیوەندیە بۆ ژیان و پەیوەندیا دناڤەبەرا هەڤژینان دا وەکو کارلێکەکە تێدا هەڤژین گرنگیدانێ و بەژداریێ و پاڵپشتیێ دناڤبەرا ئێك و دوودا دکەن و تێدا بۆچوونێن خوە ب شێوەکێ دروست و رون دەردبرن ب ڕێکا گفتوگۆکرنەکا ئەرێنیا ئارام یاکو پڕە ژ هەستێن ئەرێنی. ئەڤە ژی تێگەهشتنەکا کویر یا هەڤپشك دروست دکەت و پەیوەندیێن خەلەت زێدە دکەت. وەك پەیوەندیا هەڤژینیێ ژ شیانێن هنارتن و وەرگرتنا پەیامێن ئاخڤتنێ کو دەربرینێ ژ هەست و هزرێن خوە دکەن یان وەکی رەفتار دگەل هەڤپشکێ ژیانا خوە. هەروەسا شیانێن کرنا گفتوگۆیان ب شێوەکێ ئارام و کاریگەر هندەك ژ بەهرەیێن پەیوەندیێ ژبۆ كێمکرنا کێشەیێن هەڤژینیێ دێ بەحس کەم وەك:
١- ڕێزگرتن: ئێك ژ گرنگترین لایەنێن ڕێزگرتنێ ئەوە کو زانینا وەختیە. ئەرێ کا یێ گونجایە ژبۆ دەستپێکرنا ئاخڤتنێ یان بەرسڤدانا یێ بەرامبەر چ بۆ پەیوەندیێ دگەل هەڤپشکێ ژیانێ، ڕێپێدانا کەسانێن بەرامبەر ژبۆ ئاخڤتنێ بێی بڕینا وانا ئێکە ژ گرنگترین بەهرەیێن پەیوەندیێ کو گرێدای ڕێزگرتنێ بیت.
٢- گوهداریکرنا چاڵاك: گوهداریکرنا چاڵاك توخمەکێ سەرەکیە بۆ بەهرەمەندیێن پەیوەندیێ دناڤبەرا هەڤژیناندا. ئەڤەژی یا هاریکارە ژبۆ دروستکرنا پەیوەندیێن بهێز و تێگەهشتنەکا کویر دگەل کەسانێن دی. ب جێبەجێکرنا گوهداریکرنا چاڵاك مرۆڤ دشێت پتر د هەست و پێدڤیێن هەڤپشکێ ژیانا خوە بگەهیت، کو پەیوەندیا کاریگەر بلند دکەت و بەژدارە د کێمکرنا کێشەیێن هەڤژینیێدا.
٣- هەڤسوزی: هاڤسوزی ئێکە ژ بەهرەمەندییا پەیوەندیێ، ژبەرکو رێکێ ددەتە مرۆڤی پرەکێ ئاڤا بکەت ژ تێگەهشتن و باوەریێ دگەل کەسانێن دی. دەمێ مرۆڤ هەڤسۆزی و خەمخۆریا هەستێن خوە بۆ بهەڤپشکێ خوە نیشانددەت، ئەوێ شیانێن دروستکرنا پەیوەندییەکا ئەرێنیا هەی کو رێکێ ددەت هزر و هەستێن خوە ب شێوەکێ ئازادانە دەرببڕیت بێی ترس ژ دەسهەلاتکرنێ ل سەر یان رەخنەیان. هەروەسا هاریکارە بۆ دروستکرنا پەیوەندیێن بهێز و بەردەوام دناڤبەرا هەڤژیناندا.
٤- ئەقلێ ڤەکری: ئاقلێ ڤەکری دهێتە هژمارتن ئێك ژ گرنگترین بەهرەمەندیێن پەیوەندییا کاریگەر دناڤبەرا هەڤژیناندا. ژبەرکو بەژداریەکا زۆر دکەت د بلندکرنا تێگەهشتن و باوەریێدا. هەروەسا ژی ئەقلێ ڤەکری بەژداریێ دکەت د کێمکرنا دوودلیێدا و کێشەیێن هەڤژیناندا.
٥- دەربرینا ڕون: دەربرینا ڕون بەشەکێ گرنگە دەمێ باس ل بەهرەیێن پەیوەندییا کاریگەر دهێتەکرن. ئەو هاریکاریا گەهاندنا هزر و هەستان ب شێوەکێ هویر و ڕون دکەت و شیانا مرۆڤی بلند دکەت ژبۆ تێگەهشتنا دەربرینەکا ڕون یا کەسانێن دی و ڕویدانێن ل ئێك نەگەهشتنێ و کێشەیان کێم دکەت.