ھەلبژاردن پرۆسەکە کو ل ھەمی وەلاتێن جیھانێ دھێت کرن و وەلاتێ مە ژی ئێک ژوان وەلاتانە کو ھەلبژاردن دهێت کرن و بەربژێرێن دھێنە ھەلبژاردن و دبیت ل ڤێ دوایی دا کو مەسەلێت عەشاییرێ یێت پەیدابووینە ڤە و دبیت ڤێ چەندێ ژی کارتێکرن ھەبیت ل سەر جڤاکێ مە. ئەڤە ژی نەیا دروستە و بەرەڤ شاشیەکێ دچن و زیان دگەھیتە خەلکی. مەسەلێت عشاییری تشتەکێ پیرۆزە و دڤێت رێز لێ بێتە گرتن. بەلێ نە بۆ چ مەرەمێن سیاسی بێنە بکارئینان و دبیت ئەڤرۆ خەلکێ مە سەحکەتە کەسێن عەشاییری و دبی ب لایەنێن خراب ڤە بچیت و نەیێت خودان شیان ھەبن و چ خزمەت ھەیە و ئەڤرۆکە ژی شەر شەرێ شیان و خاندنێ و ب خاندنێ دێ سەرکەڤتنێ ب دەست خۆڤە ئینین. ب ریێن باش و سەرکەفتی بەرەڤ ھەلبژاردنان ڤە بچین بۆ دەستڤەئینانا مافان و ئەگەر بێن لایەنێ یاسایێ ڤە دبیت چ سیستەم یان گرنکی پێ ناھیتە دان و دڤێت پرۆگرامەک ھەبیت تا سوبەھی نەکەڤینە چ خەلەتیان. یان ژی کو جڤاکێ مە نەبیتە جڤاکەکێ لاواز و دڤێت مۆئەسەسێن قانوونی ھەبن و ئەو عادەت و تەقالدیێن جارا بلا نەھێنە بیرکرن یان چو گرنگێ پێ نەھیتە دان. بەس دڤێت نەکەنە دناڤ چ لایەنێن سیاسی ڤە و دا چ کارتێکرنێن خراب و فاشل ل سەر نەھێن وجودێ دا.
ل سەردەمێ کەڤن دا کو عەشیرەت ئێک ژ وان رێکان بوو کو ھات بوو گرێدان و دبیت ھندەک جاران ژی بۆ مەرەمێت خراب دھاتە بکارئینان و ل دووڤ دا ھندەک باشی ژی ھەبوون و ل سالێن ١٩٦٠ ھەول بۆ ناڤبرنا ھزرا عەشیرەت گەریێ ھاتیە دان. بەلێ جھێ داخێ یە ل ڤان سالان دا پارتێن سیاسی بۆ ھەلبژاردنان و ھندەک کارێن دی پشت ڤێ دیاردێ دا ب خەلەتی ڤە و کو ھندەک کەس بچنە ناڤ دەستھەلاتێ دا کو نەت ھەژی ھندێ بن و بۆ پاراستنا جڤاکەکێ باش و سەرکەڤتی. ئەڤ چەندە ژ بۆ لایەنێن سیاسی دزڤریتە ڤە کو نەشیانە خەلکی بخۆڤە گرێبدەن و رازی بکەن. لەورا ئەڤرۆ بێھزکرنا و دەست ڤەئینانا دەنگەکێ زۆر و لاوازیا جڤاکی مە یە. راستی ئەڤە بەرەڤ رێکەکا نە یا دروست و ب بەرەڤ شاشیەکێ ڤە دچن و ئەڤ مەسەلە ل بەری نوکە ب ریڤە دچوون و نزا ئەڤ چەندە بۆ دووبارەکرەڤە و پەیدا بوو و ئەڤ چەندە ژی ھندێ دگەھینیت کو تشتێ خراب دگەھینین و یێت باشی ناگەھینیت و دناڤ جڤاکی دا ژی ھندەک مەسەلێت خراب و زیان گەھاندن دگەھیتە خەلکی و لاوازیا جڤاکی ژی کارتێکرن دێ ھەبیت.
- (گۆتار دەربڕینا بۆچوونا نڤیسکارانە، نەیا سایت و گۆتارنامەیا رۆژئارتیکڵ)