رۆژا چارشەمبی ١٨ی تشرینا دووەم ٢٠٢٠ رێورەسمێن داناسین و ئیمزاکرنا پەرتووکا (ئیسلام و مۆدێرنیتە) یا پ. هـ. د. هەوار خەلیل نێروەیی ل سەنتەرێ رۆشەنبیری یێ زانکۆیا دهۆك دهێنە سازکرن.
ئێکەتییا لاوێن دیمۆکراتا کوردستانێ/ ناڤەندا باڵا یا دهۆك کو ب ئەرکێ چاپکرنا ڤێ پەرتووکێ رابوویە، ڤێ چالاکیێ ل دەمژمێر ١١ی بەری نیڤرۆ سازدکەت. نڤیسکارێ پەرتووکێ بەڕێز پ. هـ. د. هەوار نێروەیی دێ پەرتووکا خوە دەتە نیاسین و بۆ خاندەڤانان دەتە ئیمزاکرن. هەر دڤێ چالاکیێدا چەند دانەیێن ڤێ پەرتووکێ دێ ب داشکاندنا ٥٠٪ هێنە فرۆتن.
ئەڤ پەرتووكا ژ (٣٧٠) لاپەرەیان پێکدهێت، شرۆڤەیێن شیکاری بۆ بۆچوونێن بژاردەیەکا بیرمەندێن ئیسلامێ و رۆژئاڤایی ب خوەڤە دگریت ل سەر بابەتێ (ئیسلام و مۆدێرنیتە).
