دگەل دامەزراندنا ئێکەتیا تەپا پێ يا كوردستانێ ل سالا ٢٠٠٦ تا نها ژيێ وێ بوویە ١٤ سال. هەر ل دەستپێكا دامەزرندنا وێ دەست ب بزاڤ و چالاكيێن خۆ كرينە و خولا نايابا كوردستانێ و خولا پلەئێك و خولا پلەدوو و پلەسێ، دگەل خولێن لاوان و تازەپێگەهشتيان و فێرگەهێن تەپاپيێ، هەلبژاتیێن كوردستانێ يێن پێگەهشتيان و لاوان. لێ ئايا ل ماوێ ١٤ سالێن بوورى چ پێشكەفتن بخۆڤە ديتينە ژ لايێ پێشخستنا ئاستێ ياريزانان و پێشخستنا ياريگەهان و دانانا بناغێن بهێز يێن كو تەپاپێ یا كوردستانێ بۆ چەند سالان پشتبەستنێ ل سەر بكەت؟ سەرەرايى وی پارەيێ زەبەلاح يێ بۆ هاتیە سەرفكرن ل سەردەمێ خۆشيێ؟ بێ گۆمان هيچ نەهايتە گوهورين، تەنانەت سەرۆکێ ئێکەتیێ ژى نەهاتيە گهورين بۆ ماويێ ١٤ سالانە سەرۆك ب بەردەوامى ئەڤ چەندە ل هيچ لايەكێ دنيايێ روی نەدايەو ئەڤە مەزنترين نيشانێن هندێنە كو هيچ پێشكەفتنەك نينه.
يا ژ هەر تشتەكى مەزنتر خولا نايابا كوردستانێ ئەو خولا هند بانگەشە بۆ دهێتە كرن و دهێتە مەزنكرن. ئەرێ گرنگيا وێ چیيە، ئەرێ نەوەكى خولەكا هوات (ئارەزۆمەندان) بو خوشى، چونكە ژلايێ هيچ ئێکەتیەكا نيڤدەولەتى يێن تەپاپێى ڤە باوەر پێكرى نينە و بتنێ بارگرانيەكا مەزنە ل سەر يانا و حكومەتێ ژى بێی كو هەردوو لا هەست پێ بكەن و ئێكەم خولە خەرجيێن وێ ژ داهاتێ وێ پتر بيت. ژ بەر كو نەك ئێكەتى و نەك يانا چ ميكانيزم نينە بۆ زێدەكرنا داهتى. بتنێ چاڤێ وان ل دەستێ حكومەتێ. ل دويڤ ڤەكۆلينا من يانە بۆ ماوێ شەش مانگ و نيڤ بەردەوامى ڤى خولێ دا مەزاختنا وان نێزیكی مليۆن دۆلارايە دا ببيتە قارەمان و ل داوايیا داوی هيچ داهاتەك نابيت و دێ ڤێ هەميێ كەت بۆ هندك مەرەمێن تايبەت يان هندك كەس بێژن فلان يانە بۆ قارەمانا خولا كوردستانێ. ل وەرزێ دويڤدا دێ هەوار كەتە حكومەتێ كو دەستێ وان بگريت دا كو بشێن بەس بەژداریێ بكەن. هەڵبەت ئێك مليۆن دۆلار زۆرە ئەگەر رێکخستنەكا وەرزشى یا باش هەبيت. دێ داهات ب ئێك وەرز باشتر بيت و گەشەكەت.
ئەرێ يانا دڤێت وەرزشێ بكەن؟ ئەرێ هۆسا دروستە ڤى شێوازێ نوكە؟، ئەرێ يانێن مە دزانن كارێ ئێکەتیێن تەپاپێ چییه؟ ئەرێ دزانن كو دەستكەفت وەرزشى چنە؟، بتنێ جارەكێ ژى هزر كريە كا بۆ پشکدارى د خولا كوردستانێدا دكەن؟ ئەرێ ئێکەتیا تەپاپێی چ پلان هەيە بۆ يانا؟ بۆچ يانەيێن مە ل شارەزايێن وەرزشى ناگەرن هاريكاريا وان بكەن؟ ئەرێ وەرزش ل وەلاتێ مە يا ئازادە يان كار بۆ لايەنێن حزبى دكەت؟
ئەڤ هەمى پرسيارە بلا بۆ سەرۆکێ ئێکەتیا تەپاپێى و سەرۆكين يانەيێن مەبن. ئەگەر بەرسڤ زانين بێ گۆمان خولا كوردستانێ دێ بيتە خولەكا پيشەگار و يانێن مە ژى دێ ژ قەيرانان خلاس بن. ب هيڤيا چاكبوونێ.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)
