هەرێما کوردستانێ دەستکەفتەکێ سالێن نۆتان بوو. د دەمەکی دا هاتە هەبوونێ دەما کاودان د گونجای، سۆڤیەت نەما و دیوارێ بەرلینێ هەرفی و بەعسا پشتی گرتنا کووێتێ نەزانی چاوا رەڤین. کاودان د نازک بین و سەربوورا ڕێڤەبرنێ ل نیک سەرکرداتیا کوردی نەبوو. ب هزرا شۆرەشگێری هاتنە سەر کورسیکا ڕێڤەبەریێ و بلەز کەفتنە جانێ ئێک. هەرێما ئاسێ یا کو دویر ژ دەریا و ئاڤێ و دۆرپێچکری ب داگیرکەران کەفتە ژێر هەرەشە و فشارێن تورکیا و ئیرانێ. دەستپێکێ ئەم ب فیتکا وان کەفتینە جانێ براینیێ و پاشان ئەو ب بەهانا پارتێن کوردی یێن دژبەری خۆ و هەر سال ب ناڤەکی و بەهانەکێ کەفتنە ناڤ ئاخا کوردستانێ. ناهێتە ماندەلکرن کو هێزا چەکداری یا پەکەکێ و هەر دوو بالێن حزبا دیموکراتا کورستانا ئیرانێ و کۆمەڵا شۆرەشگێران ل سەر ئاخا هەرێما باشوور هەنە و هند ژ وان کارێ سیاسی و هند ژی یێ لەشکری دکەن.
لێ هەر کارەکێ لەشکری یێ ڤان پارتان ل دەرڤەی ئیرادا هەرێما کوردستانێ یە و کۆنتروڵکرنا وان د شیانا هێزێن لەشکرێ کوردستانێ دا نینە. د ڤان ۲۹ ساڵێن بووری دا مل ب ملێ گەندەلیا بەرپرسین باشوور، لەشکرێ ڤان هەر دوو وەڵاتان ژی چ ب زەمینی بیت یان ئەسمانی سەروەریا ئاخا هەرێما کوردستانێ بنپێ کریە. جەبار یاوەر ئەمیندارێ هێزێن پێشمەرگە د دویماهی داخۆیانی دا دبێژیت: “د پێنج مەهێن ئێکێ یێن ساڵا ۲۰۲۰ دا ۱۳۷ جارا عەرد و ئەسمانێ کوردستانێ هاتیە بەزاندن.” ئەگەر باش لنینە بشێت کارەکی بکەت و حکومەتا عیراقا فیدرال ژی هەم د شیان دا نینە ڤان بن پێکرنا ل سەر ئاخا خۆ یا فیدرال ڕاوەستینیت و د لایەکێ دیتر دا ژی ناخازیت ڕاوەستینیت. چونکی ب ڤان فشاران دێ هەرێم هەرا بچیک بیت. لەورا ئەوا ئەڤڕۆ ل سەر ئەسمان و ئاخا ڤێ هژمارا سەری بنێرین دێ خۆیا بیت کو چ تشتەک ب ناڤێ هەرێما کوردستانێ نینە دا چ هێزەک رێزێ ژ سەروەریا وێ بگریت و د ئاست ڕاوەستاندن و نەهێڵانا ڤان بن پێکرنان ژی حکومەتا هەرێمێ د وی پێگەهی دا.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)