دهۆک ئەو باژێرێ تژى عەشیرەت و هۆز و بەگ و دەرەبەگ. ئەو باژێرێ تژى قرال و سوڵتان و ئاغا و میر و میرزادە. ئەو باژێرێ سەرکاروانێ هزر و دیڤەلانکیا عەشیرەتێ. ژ خۆ شەرمێ دکەت و نەشێت پێگیر بیت. نەشێت یێ حەق خاز بیت. نەشێت ببیتە پێشەنگ. دگەل سەرهەڵدانا کۆرۆنا ڤایروس و دگەل پێرابونێن باش یێن حکومەتا هەرێما کوردستانێ د ئاست ڤى ڤایرۆسى دا. لێ هزرا شەرما مەزن ناهێلیت ئەڤ پێرابوون و پێگیریا خەلکێ بەلەنگاز و هەژار سەرکەفتنێ تۆمار بکەت و ڤى ڤایرۆسێ کوژەک ل دهۆکا بەهدینان دویر بێخن. چونکى بەرپرسێن دهۆکێ پتریا وان قرالن و ل سەر یاسایێ دانە و هزر بەرتەنگێن عەشیرەتێ ژى ژ بچویکى هەتا مەزنى ب گشتى میر و ئاغانە و شەرمە ژ ڤایرۆسەکێ بچیک بترسن.
مانێ وان شەرێ دگەل عوسمانیا و ترکا و عەرەب و فرسا یێ کرى چاوا دێ ژ ڤایروسەکى ترسن. ئاها ئەڤەنە کو ناهێلن دهۆک یا تەنا و ئارام بیت. هەر ئەڤەنە شەرمێ دکەن و رێکێ نادەن خەلک پرسا کارەبا گشتى و موەلیدا بکەت و بزانن بۆچى کریا کارەبا موەلیدان ل دهۆکێ دوو جار هندى یا باژێرێن دیترە. چونکى شەرمە مانێ ب تنێ دوو سێ هزارەکن و هەکە دەین و قەر کرینە ژ خۆ ناگرن پرسیارا ڤێ گرانیێ بکەن. دهۆک ل سەر ئاستێ کوردستانێ فەقیرترین باژێرە. دگەل کو خودانا بەژنەکا پرى جانیە لێ هەر ئەڤ ژ خۆ رازینە کو دهۆک د ڤێ رەوشێ دا هێلاى، لەورا ب تنێ دێ بێژن روینەخار ئاغا روینەخار دهۆکێ پتر کرێت نەکە بلا ب هەوڵێن حکومەتێ و خۆراگریا بەلەنگازا ژ ڤى ڤایرۆسى قورتال ببین.
- (گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)