سەروەرێ دلان

کوترکا پەرداى باخێ دلا

رەونەقا رۆژێ کرە کل و

دانا سەرێ ملا

چاڤێن منێن تارى و زولومات

رۆن کرن

کل کرن ب هەردوو ملا

رەوشت و چامێرى ژێ پەشین و

بوونە نیشانێن تاج و پلا

مادەم دل مالا تەیە

من خانى و بان نەهەوجەیە

هندى هەبین دێ ل پەى تە بین

مرازا دلا هەر ئەڤەیە

تۆ هاتى و بوویە شەمال

ب ناڤ و دەنگێن دەلال

تە دان مە پەیڤ و فورقان

بوونە دوو ریبارێن زەلال

بوویە باب و بوویە برا

بوویە رۆنى و بوویە چرا

تە پاک کرن، ئادە کرن

رێکێن تارى و پر ژ دڕا

تۆ شاهێ هەمى شاهانى

تە تاج و سەرانە ژ ئەسمانى

ژ ئادەم تا عیسایى

تۆ سەروەرێ هەمى پێغەمبەرانى

ناما تە هەمى لێبوویرینە

هەمى براینى و ئەڤینە

مرۆڤ برایە بو مرۆڤى

هشیار بە کەسێ نە ئێشینە

ناما تە نە یا هشکە

یا سادەیە، ئەو سەرپشکە

بلا بخوینن و ڤەخوینن

کەسێ ژ ڤێ راستیێ نە بێ بەش کە

دلێ من ئەڤرۆ لاپەرە

کا تۆ هێدى هێرڤە وەرە

توبا من نە توبا دارکۆکەیە

ئەڤرۆ دلسۆزى یا فەرە

تۆ زارۆک بووى

باب کەتە تایێ

ژ ڤێ دنێ چوو وێ دنیایێ

پشتى چەند بوهارا

دایکێ بار کر ژ ڤان وارا

لێ  حنێر ئەوە

دلێ تە هەر ما ئەو دلێ پر دلۆڤانى

چاڤێ تە هەر ما ئەو چاڤێ شڤانى

تۆ مەزن بووى

تە دل کرن وارێن ئێمناهیێ

تە چاڤ  ڤەکرن وەک دێربینێن بیناهیێ

گەلەک رێڤیێن سەرسەرى

دڤیا رەش کەن ڤى بەرپەرى

چەند درەو کرن و

دانە پال ڤى سەروەرى

هندەکا گوتن سێربەندە

حاشا دروینە، زمان قەندە

نەفریشتەیە، نە پایە بلند

نەخودان ناڤ و دەولەمەندە

ل ڤى چاخێ بیست و ئێکێ

دلا سار نەکەن ژ ڤێ ریکێ

نەبێژە کەڤنە شۆپە

گەنگى عشق و ئەڤین

بووینە دەرد و بەلا

ل ڤى بازار و ل ڤێ سیکێ

سیک سیکا دلایە

یا ب وژدان و جامێرایە

گولا بدەن بەر گولا

ساقى دەرمانێ کولایە

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top