قوتانا دەهۆلا شەڕى

دەمەکێ درێژە، پترى نیڤ چەرخى یە، دەهۆلقوت ژ کارێ خۆ نەراوەستانە. ئەو هەر یێ ل دەهۆلێ ددەن، دەنگێ دەهۆلا وان سەودا ژ مەبر. ئەم کەڕ و کورە و لال کرین. لێ د حەقن چونکى هەر ئەمین یێن ل بەر وێ دەهۆلێ سەمایێ دکەین، گۆڤەندێ دگێرین. هێشتا ئەم نزانین کانێ خۆشیا وى دەنگێ دەهۆلێ د چ دایە؟ ئەڤرۆ ژى دگەل جیهانا نودەم ب گشتى نڤیسەر، رۆژنامەڤان، ئابوورناس و ڤەکۆلەر و پتریا تەخێن جڤاکى یێن بوینە دەهۆلقوتێن شەڕێ براکوژیێ. مرۆڤ وەک مرۆڤ شەرمێ ژ هەبوونا خۆ دکەن. دەما کو د جیهانا ئەرک و مافان دا دبینیت هێشتا گەلێ وى یێ ب دویڤ هزرێن تارى و شەڕێ براکوژیێ و نەهێلانا هەڤزمان و هەڤکلتورێ خو.

د ڤێ رۆژێ دا دەما ژ مالپەرێن نووچەیان، سۆشیال میدیایێ، رۆژنامە و گۆڤار و تیڤیان دنێرى، ئاوازا شەڕى ژ مێژە وەرەیە یا بەرهەڤە ب تنێ پەیڤێن وێ هێشتا ب زەلالى نەکەڤتینە سەر زارێ مرۆڤان. ئەو مرۆڤێن وەسا هزر دکەن کو د ئەنجامێ ڤى شەڕێ برا نەهێلانێ دا، دێ مفادار بن و دێ بنە خودانێن دنیایا خۆ. ژ مێژە وەرە مە شەڕێ ئێکێ کرى و مە ئێک و دوو بەرەڤ نەمانێ یێ برى! پرسیار ئەوە کى مفادار بوویە؟ کێ خاریە؟ کێ خۆشی دیتیە؟ و دەهان پسیارێن دیتر. لەورا ئەڤرۆ یا فەرە کو ب مێشکەکێ ڤەکرى، ب دوو چاڤێن رون و ب دلەکێ پاقژێ پرى هەستا کوردینیێ، بێژینە ڤان دەهۆلقوتان دەستان ژ کارێ خۆ بەردەن و بزانن ئەم نە ئەوین یێن پێشى نها هەوە ئەم ب کار دئیناین. ئەم برایێن خۆ ناکوژین ژ بۆ پارەدارکرنا هەوە و بەرژەوەندێن دوژمنى.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top