سیستەمێ کاپیتالیزم (سەرمایەداری) سیستەمەکێ ئابووری و بازرگانی یێ ڤەکری یە. کاریگەرییەکا زۆر هەیە ل سەر هەڤرکییا ئابووری یا جیهانی. لەورا پشتی پەیدابوونا (ڤایرۆسێ کۆرۆنا) هندەک ژ وان ولاتێن ل بن سێبەرا ڤی سیستەمی تووشی شکەستنەکا بلەز دبن ژلایێ ئابووری ڤە. بۆ میناك، ولاتێ ئیتالیا. ئیتالیا دهێتە هژمارتن ژ ولاتێن بهێز ژلایێ ئابووریە. هەر ژ دەسپێکا بەلاڤبوونا ڤایرۆسێ کۆرۆنا ل ولاتێ ئیتالیا و زێدەبوونا رێژا تووشبوویان، ولاتێن ئەورۆپی هەر ژ زوی بڕیارا گرتنا سنوورێن خۆ دگەل ولاتێ ئیتالیا دا. ئەڤ بڕیارە ژی ب دژی رێکەفتناما شنگن دهێتە دیار کرن. هەر بۆ زانین ولاتێ ئیتالیا ئێکە ژ کەڤنترین ئەندامان یێن ل دەسپێکا بازارێن هەڤپشك یێن ئەورۆپا و نها ژی دگەل ڕۆلەکێ گرنگ هەیە ل ئێکەتیا ئەورۆپا (NATO) دا. پێدڤی بوو ولاتێن ئەورۆپا هەموو هەڤکاربووبان دگەل ولاتێ ئیتالیا. لێ ژ بەر بەرژەوەندی یا ئابوورێ خۆ هەموو ولاتێن ئەورۆپی پشت دا وەلاتێ ئیتالیا. ب تایبەتی ئەلمانیا و فەرەنسا.
ئەگەر ئەو هەوڵێن نها حکومەتا ئیتالیا ددەت ژ بۆ سەرکەفتن و راگریا وەلاتێ خۆ ل دەسپێکێ ئەو هەولە دابان، دشیان دا بوو رێژەییا توشبوویان کێمتر ببوو. بوو میناك ل سالا 1976 ل باشوورێ سوودانێ و ئەنگۆلا و کۆتیڤوار ڤایرۆسەکێ نوی سەرهلدا بناڤێ (ئیبۆلا) بۆ جارا ئێکێ بوو د جیهانێ دا بهێتە نیاسین. ل 9 وەلاتێن ئەفریکی بەلاڤ ببوو د وی دەمی دا چ سەنتەرێن بازرگانی یێن گشتی و ڤەگوهێزەر نەبوون، ڤی ڤایرۆسی ب رەنگەکێ بلەز ل جیهانێ بەلاڤ بکەن. ژ بەر ڤێ یەکێ ژی ئەو کەیسێن هاتینە تۆمارکرن ل ولاتێن ئەفریقیا گەهشتبوونە 33 هزار و 500 کەیسان. هژمارا مرییان ژی ژ ڤێ ئامارێ 13 هزار 562 کەس بوون.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)