سەردەمێ زێرینێ خواندنا بلند..

خویایە کو ئێک ژ خالێن بهێز بۆ پێشکەفتن و گهۆرینا هەر مللەتەکێ دئەڤرۆدا ب خواندن و زانستیڤە یا گرێدایە. ئەڤجا ب هەر شێواز و میکانزمەکێ یان دهەر قوناغ و سەردەمەکێدا بیت. هەلبەتە رەوشا خواندنێ ل هەرێما کوردستانێ ب گشتى بەریا دامەزراندنا پارتى دیموکراتى کوردستان وەکو حزبا سەرکێش ل باشوورێ کوردستانێ دئاستێ پێتڤى دا نەبوو. بەلکو دگەل ژ دایکبوونا پارتى، شۆرەشێن مەزن دوارێ سیاسى و خەباتا چەکدارى و گهورینێن جڤاکى و ئابورى و زانستى و مەعریفى دا پەیدابوون و کاریگەریەکا راستەوخۆ ل سەر هۆشمەندیا جڤاکێ کوردى پەیداکر. ئەڤە سەرەرایى رێگریکرنا بەردەواما دوژمنێ مللەتێ کورد ل سەر کۆنترۆلکرن یان نەچارکرنا مللەتێ کورد ل باشوورێ کوردستانێ ب هەمى رێکێن هۆڤانە ئەوێن دژى هەمى خواست و حەزێن مرۆڤى. بەلێ پارتى و ئالیگرێن ئایدیۆلۆژیا رێبازا بارزانیێ گۆرەپان بۆ دوژمنى بجه نەهێلا. بەلکو بەردەوامیى دا ئەڤێ رێبازا پیرۆز هەتا سەرهەلدانا پیرۆز. ئێدى قوناغەکا نوى ل هەرێما کوردستانێ دەسپێکر. ب تایبەت پشتى دامەزراندنا حکومەتا هەرێما کوردستانێ. گرنگیەکا زێدەتر ب کەرتێ خواندنێ ب گشتى هات دایین. نەمازە خواندنا ب تایبەت ژى پشتى لێکدانا هەردوو ئیداران و دروستبوونا کابینا ئێکگرتیا حکومەتا هەرێما کوردستانێ ل سالا 2005ێ کەرتێ خواندنا بلند چوو دقوناغەکا نویدا. دامەزراندنا وەزارەتەکا تایبەت ب ناڤێ وەزارەتا خواندنا بلند و ڤەکۆلینین زانستی…، ئەوژى ب پالپشتیا حکومەتا هەرێمى و هەبوونا کەسانێن میناکێن وەکە نێچیرڤان بارزانى کو ل وى دەمى سەرۆکێ حکومەتا هەرێما کوردستانێ بوو. ئەڤ کەرتە هاتە ڤەژاندن ب ئەزمووندارى و رۆلگێریا جەنابێ وێ ئێدى رەوشا خواندنا بلند بەر ب بلندبوونێ ڤە چوو. ژبەرکو ئەوى گرنگیەکا تایبەت دا ئەڤى کەرتى و بنیاتەکێ بهێز بۆ ئاڤاکر، هەر ل سەر ئەوى بنیاتى ئەڤ کەرتە رۆژ بۆ رۆژى و سال بۆ سالێ بەر ب قوناغێن باشتر وئاسۆیێن گەشتر برێڤەدچیت. هەتا گەهشتیە سەردەمێ زێرینێ خۆ. کو دکارم بێژم هەتا ئەڤرۆکەژى هەمى ئەو گهۆرین و بەرەڤ پێشچوونێن کو کەرتێ خواندنا بلند بخۆڤە دیتى دوارێ هەبوونا ژمارەیەکا زۆرا زانکۆیێن حکومى کو نها زێدەترى 19 زانکۆیێن حکومى و 3 زانکۆیێن پۆلى تەکنیکى و 19 زانکۆیێن تایبەت و ناحکومى و زیدەترى 14 پەیمانگەهێن تایبەت ل باشوورێ کوردستانێ هەنە.

ئەڤە د دەمەکێدا کو بەریا سەرهەلدانێ تنێ 2 زانکۆیێن حکومى ل باشوورێ کوردستانێ هەبوون. هەر دیسان هەر دهەمان بیاڤدا نێچیرڤان بارزانى گرنگیدا ب کەرتێ خواندنێ ب گشتى و خواندنا بلند ب تایبەت دهەمى کابینەیێن خۆدا ب بربرەیا پێشکەفتنا جڤاکێ دانابوو. ژبەرکو جڤاکێ خواندنا تاکەکێ هوشیار و بەرهەمدار بەرهەم دئینیت. لەوڕا هەر ل سایێ ئەڤێ دیدگەهێ ب هەولوگاڤێن خۆ یێن دلسۆزانە جەنابێ وى بەردەوام بزاڤکریە خزمەت و خزمەتگوزاریا پێشکەشى ئەڤى بیاڤى بکەت. دوارێ دروستکرنا ئاڤاهیان و دابینکرنا پێتڤیێن ئەڤان زانکۆیان و ڤەکرنا تاقیگەهێن زانستیێن پێشکەفتى و دانان و پەیرەوکرنا سیستەم و رێکێن خواندنا پێشکەفتى ب ماف وەرگرتن ژ تەکنۆلۆژیا سەردەم و ڤەکرنا خواندنا بلند ل هەمى پشکێن ئەڤان زانکۆیان و بلندکرنا ئاستێ ئەڤان زانکۆیان دوارێ زانستى دا ب بەراورد دگەل ئاستێ زانکۆیێن عێراقێ. هەروسا رەونەکرنا قوتابیان بۆ خواندنا بلند (ماستەر و دکتۆرا) ل وەلاتیێن پێشکەفتى و کو هەتا نها ژى ئەڤ چەندە یا بەردەوامە. دیسان جهێ ئاماژەپێکرنێ یە کو بەرهەمێ ئەڤان زانکۆیا تا رادەیەکێ زۆر جڤاکەکێ ساخلەم و هوشیار و خواندى بەرهەم ئینایە، کو سالانە ل ئەڤان زانکۆیا ب هزاران فێرخواز دبیاڤێن جودا جودایێن زانستى دا دهێنە دناڤ جڤاکى دا خزمەتێ دبیاڤێ خۆدا دکەن. ئەڤەژى نیشانا وێ چەندێ یە کو کەرتێ خواندنا بلند ل باشوورێ کوردستانێ دسەردەمێ زێرینێ خۆدا گوزەردکەت.

(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)

Leave a Comment

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Scroll to Top