دەما یاسایەك یان رێنمایەك دهێتە دانان بۆ مللەتەکی يا گشتگیرە. لێ ل كوردستانێ كو هەرێمەك بچويكە ب تنێ ياسا بۆ هەژارانە و رێنما ژى ب تنێ ل سەر هەژاران دهێنە سەپاندن ئەگەر خەلەت بكاريئنان يانژی ئەگەر هاتۆ جێبەجێ نەكرن، پرسيار بۆ رێڤەريا هاتنوچوونێ!؟ دەما كەسەك ژ نەچاری ترۆمبێلا خۆ دوو خولەکان ل جادەکێ راوەستينیت دێ هێتە سزادان و ئەگەر ترۆمبێل رانەكر دبيت هەتا دەستوورنامەیا شۆفێریێ ژێ بهێتە وەرگرتن!؟ ئەرى دەما پارێزگار يان سەركردەك قەستا دهۆكێ دكەت هەمى جادە دهێنە گرتن و ب هزاران كەس ب دەمژمێران دميننە ل سەر جادا، گيرودبن بۆ سەر کاری و نەساخێن دناڤبەرا ژیان و مرنێدا د ئەمبالانساندا ئاسێ دبن ب دەمژمێران دهێنە راوەستاندن ل سەر جادا. من دڤيت بزانم ئەڤ رينمايە ژ كيڤە هاتنه كو ب هزاران خەلك گيروببن ل كارى ب تنى دا (١ يان ٢) كەس ددەمەکێ دیارکریدا بگەهنە كارى؟! باشە بۆچی دهێن و بەحسا مافپەروەری و خزمەتکرنا خەلكى دكەن و كا خزمەت و كا ماف؟! دهەمان دەم دا هێلێن پەيوەندیکرنێ (ئەنترنيت و تەلەفۆن) ژبەر کەسەکی دهێنە بڕین، ما گونەها خەلكى چيیە وەك رۆبۆتەك لى بهیت هەتا سەركردەك بوو چەند دەمژمێران بێت خەلك نەبشێت هاتنوچوونێ بكەت نە پەيوەندیێ؟! ئەڤە ل شوینا کو ببیتە دەليڤە کو هەر كەسەك بچيت گازندەكێ بكەت يان وان كەسا ببينیت كو وێ رۆژێ ب هەلكەفت هاتینە باژێری، نەک خەلکی بهێلە هەلاویستی و ژیانا وان راوەستینن!
ما هەتا كەنگى هەر تشت دێ ددەستێ حكومەتێ دا بيت، بخۆ هندە ياسا و رێنمايا بدانن و بۆ خەلكى جودا؟ ئەگەر هوين مافێ خەلكى دروست بدەنێ و گوهداريا ئێش و ئازارێن وان بهێتەكرن، دێ هوین ب ئاسانی و ئازادی دناڤ خەلكى هێن و چن. پێویست ناکەت خەلكێ باژێرەكى زيندان كەن تا دچن. ب تایبەتی خەلکەکێ وەکی خەلکێ دهۆکێ کو دلسۆزترين خەلكە بۆ ڤێ حكومەتێ. لێ مخابن هەر تشتى ژ هەميا نزمتر و خرابترە ل سەر ڤی خەلکی دسەپينن و “بێرێزیێ” ژی بەرامبەر ڤی خەلکی دكەن. ما نەبەسە و ما كەنگى دێ ژ زيندانێ دەركەڤین و ب تنێ و ئارامی ژين.
(گووتار دەربڕینا بۆچوونا نڤیسکارانە، نەیا سایت و گووتارنامەیا رۆژئارتیکڵ)